تحذير: كان حيتنصب عليا عن طريق الموبايل

**bishoy02010** · 19-10-2009 06:15 PM

متكتبلنا رقمة عشان نهزر معاه احنا كمان ههههههههههههه

**bassem.naguib** · 19-10-2009 07:12 PM

المشاركة الأصلية كتبت بواسطة IceHearted Girl

انا لو منك متصلش بخدمة عملا ولا حاجة

انا اطلع علقسم اعمل محضر ان الرقم دا كلمك وهددك وطلب منك فلوس

وهم بقي لو عرفوا يجيبوه _خصوصا لو صاحبك_ يبقي يستاهل اللي يجراله هناك كام ليلة فول بورد

مش للدرجة دي يعني .. وبعدين أنا حروح القسم حلاقيهم بيقولولي أهلاً وسهلاً بيك ويهتموا بالموضوع .. أنا أخر حاجة ممكن أفكر فيها أني أخش قسم بوليس إلا لو اضطرتني الظروف .. على الأقل علشان مضيعش وقت

المشاركة الأصلية كتبت بواسطة party_0000

فعلا انزل اعملوا محضر وهما يشقلطوه

قلبك أبيض يا باشا

المشاركة الأصلية كتبت بواسطة solyelissa

مفهمتش برده فين النصب؟ أنا في عنوان الموضوع بقول كان حيتنصب عليا .. مش أتنصب عليا
وانت مكلمتهوش تاني ليه؟؟ هو ما طلبش منك حاجه وأكلمه تاني ليه .. ما الجواب بيبان من عنوانه

المشاركة الأصلية كتبت بواسطة ahmed_su

عرف انك كليك وشريحتك القديمة من 98
علشان تسلسل رقمك يعنى من 98 كانت بداية الارقام
من رنج معين زى 0101314 .... الخ

احتمال كبير .. بس برضه أشك أنه شغال أو يعرف حد في فودافون

وبعيد عن الموضوع .. شرف ليا يا باشا أنك ترد على الموضوع .. أنا معجب بمواضيع حضرتك في قسم كيا .. وأكيد بشخصية حضرتك

المشاركة الأصلية كتبت بواسطة chicobon

طيب حضرتك ليه ماحولتش تتصل بيه تاني حتي من باب الفضول و كنت تعرف عاوز منك ايه عادي يعني مكلمة و كنت تريح بالك و تشوف هو عاوز منك ايه جرب كده و شوف و ربنا يستر علينا من النصابين بتوع اليومين دول

أنا شايف أن الدنيا أصغر بكتير أن الواحد يضيع وقته في مهاترات ملهاش لزمة .

المشاركة الأصلية كتبت بواسطة wisambasha

يا ريت حضرتك تحاول تتصل بيه وتشوف ايه الاخبار

وسام باشا .. كبر دماغك

المشاركة الأصلية كتبت بواسطة bishoy02010

متكتبلنا رقمة عشان نهزر معاه احنا كمان ههههههههههههه

انا عارف أنكم حتروقوه . ها ها ها

**bassem.naguib** · 19-10-2009 08:57 PM

المشاركة الأصلية كتبت بواسطة bishoy02010

ده احتمال تلاقية هوة اللى ماشى فى الشارع بيقول انا كسبت عربية بى ام دبليو وحولولى الف جنية وقالولى هات الورق فرع مصدق ههههههههههههههه ده احنا هنروقهولك احلى ترويق

ويا ريت وهو ماشي في الشارع يكون لابس جلابية مقطعة .. وشبشب بصباع .. وماسك موبايل لعبة في أيده وهو بيقول الكلام ده :b4_564:.. أنا حسيب ليك المهمة دي .. ها ها ها