أشتغلات التوكيل لعملاء السيارات الخليجى

**M.Mostafa80** · 19-10-2009 12:04 PM

أمبارح كا ن معايا واحد معاه جيتا خليجى 2009 الراجل دا كان فك الكراسى عشان عملها فرش جلد عموله (ماشاء الله على الصنايعى عامله فابريكه )فطبعا فكو فيشه الأير باج بس المشكله أن العربيه كانت دايره فى أسناء فكها عملت زى شورت المهم خلصو وركبو الكراسى والفيشه بتاعت الأير باج
فضلت لمبه الأير باج منوره راح صاحب العربيه التوكيل قالولو لازم الفرش دا يتفك فورا عشان اللمبه دى تتطفى طيب الكلام المنطقى يبقى أيه أيه علاقه الفرش بالأيرباج
العلاقه هتكون فى حاله واحده بس لو الكرسى نفسه فى أيرباج لكن غير كدا ملوش علاقه
وطبعا عملولو مقايسه شغل دخلت فوق الألف جنيه الراجل حس انها أشتغالات جالى حطينا العربيه على الجهاز وكانت مسجله أيرور وهمى بسبب فك وتركيب الفيشه وبمجرد ما عملنا دليت للأيرور دا لمبه الأيرباج طفت والعمليه بقت تمام والراجل مشى فرحان جدا
ليه بقى الأشتغالات دى من التوكيل وليه متعبوش نفسهم وكشفو الأول قبل ما يعملو للراجل مقايسه
شغل على طول كده طب يكشفو وحتى لو الراجل معملش الشغل يبقى يدفع ثمن الكشف لكن علطول مقايسه وفوق الألف جنيه كدا حسبى الله ونعم الوكيل فى التوكيلات اللى بتشتغل الناس

**chester16583** · 19-10-2009 12:53 PM

يا عم التوكيل شغال فيه ناس اخرها تشتغل عند عجلاتى.مش بيفهموا طبعا ده غير الاشتغالات و الحوارات اللى بيقولوها للناس
بس الله ينور يا محمد مصطفى
ما يجيبها الا رجالها

**TeMoON** · 19-10-2009 01:30 PM

الحمد لله على كل حاجة والحمد لله ان كمبيوتر فولكس موجود فى كل مكان بدل ما كنا اتسوحنا بسبب التوكيل
انا ليا سؤال انا معايا جيتا زيرو وعاوز اعرف هى اول صيانة ليها امتة ؟

**SAiF3S** · 19-10-2009 02:09 PM

المشاركة الأصلية كتبت بواسطة temoon

الحمد لله على كل حاجة والحمد لله ان كمبيوتر فولكس موجود فى كل مكان بدل ما كنا اتسوحنا بسبب التوكيل
انا ليا سؤال انا معايا جيتا زيرو وعاوز اعرف هى اول صيانة ليها امتة ؟

5000 كم زيت و فلتر و تربيط عفشه

**TeMoON** · 19-10-2009 02:12 PM

المشاركة الأصلية كتبت بواسطة SAiF3S

5000 كم زيت و فلتر و تربيط عفشه

متشكر جدا اوى ياباشا بس انا مش حاسس بحاجة فى العفشة العفشة ما شاء الله زى الفل

**chester16583** · 19-10-2009 02:20 PM

تربيط العافشه ده افضل لك حتى لو مش حاسس بحاجه هو كل الموضوع انه بياكدلك على التربيطات ما بتاخدش 10 دقائق لان من وقت للتانى العفشه بتتفكك و ممكن تعمل مشاكل اكبر

**islamaboelnaga** · 19-10-2009 07:39 PM

تصدق انا خايف اعمل فرش جلد علشان الموضوع دا....

**M.Mostafa80** · 19-10-2009 10:40 PM

المشاركة الأصلية كتبت بواسطة islamaboelnaga

تصدق انا خايف اعمل فرش جلد علشان الموضوع دا....

لو عندك اير باج فى الكراسى مش هينفع
غير كدا سمى الله واتكل عليه واعمل اللى نفسك فيه

**islamaboelnaga** · 20-10-2009 01:34 AM

كل الجيتا فيها 10 ايرباج يعنى كل الجيتا فيها ايرباج فى الكراسى

**dynamic_alpha** · 20-10-2009 02:16 AM

بس انا عندي ايرباج في الكرسي و مركب فرش جلد على الايرباج

اللي ركبلي الفرش قاللي انه قوة الايرباج حتفتح من خلال الفرش لأني كنت طلبت منه انه يعملي فتحة حوليها

و قاللي انه بيعمل كدة للعربيات على طول

الموضوع: أشتغلات التوكيل لعملاء السيارات الخليجى

LinkBack

أدوات الموضوع

عرض

أشتغلات التوكيل لعملاء السيارات الخليجى - انشر الموضوع فى :

-

-

-

-

-

المواضيع المتشابهه

معاملة التويوتا الخليجى فى التوكيل

اسعار كارينز الخليجى و التوكيل ؟

اعرف البيكانتو الخليجى من التوكيل أزى

الكلمات الدلالية لهذا الموضوع

المفضلات

المفضلات

ضوابط المشاركة