الموضوع: نادى هيونداى

وائل باشا اعمل حساب الناس اللى بره القاهره
انا ساكن فى المحله
تجى ازى الرحاب دا انا كده هاخدلى ولا 4 ساعات فى الطريق

المشاركة الأصلية كتبت بواسطة asdsdfgdfgdfhfgjjhgh

ممكن نحلي مكان النادي والمقابلات بتاعتنا في دار الددفاع الجوي

دار الدفاع مينفعش خالص لأنه لايسمح بدخول السيارات داخل النادي
السيارات بتبقي فالبركنج الخاص بالنادي وده تحت الارض

وائل باشا صباح الفل
بالنسبة لي ما تشغلش بالك بي علشان أصلا أنا بكون متواجد في الحي التامن في مصطفى النحاس
وأنا مع أحد الاقتراحات التالية:

• الرحاب.
• التجمع الخامس.
• ساحة سوق السيارات (ليلا)

أما بالنسبة للناس اللي هاتيجي من خارج القاهرة ممكن يزودوا من نص ساعة الى ساعة بحد أقصى على وقت المشوار على الصحراوي أو الزراعي واحنا نقولهم يمشوا ازاي...

يعني لو الميعاد هايبقى يوم الجمعة أنا بأرشح ان القادم من الصحراوي يسلك الطريق الاتي:

• المحور حتى ميدان لبنان.
• ومن ميدان لبنان (أعلى الكوبري ،يعني ماحدش ينزل نزلة الميدان) زي ما انت على طول.
• تسلك طريق كوبري 15 مايو(كل ده على طول ولا يمين ولا شمال).
• ومن فوق الكوبري أول نازلة تقابلك (الزمالك ، الجبلاية) تنزل يمين.
• وتفضل ماشي على طول بمحاذاة النيل (الكورنيش).
• وتفضل ماشي مع العربيات بدون طلوع أي كوبري على طول.
• لغاية لما تلاقي النادي الأهلي على شمالك والعربيات كلها داخلة شمال تدخل معاهم.
• وتمشي حوالي 500 متر وتلاقي العربيات كلها داخلة شمال تدخل معاهم تاني.
• أول ماتلف شمال في طريق على طول وفي يمين (تدخل يمين)، والكلام ده عند برج القاهرة.
• بعد ما تدخل يمين هاتلاقي قدامك اشارة تدخل شمال من عندها.
• بعد ما تدخل شمال هاتمشي حولي 300 متر وتلاقي طلعة كوبري 6 أكتوبر على اليمين (تطلعها) والوصف ده عند أوتيل ال Four Seasons.
• وتاخد في وشك على طوووووووووول لأخر الكوبري هتلاقي 3 نزلات واحدة يمين وواحدة على طول وواحدة شمال (تدخل الشمال) علشان تنزل عند المنصة طريق النصر وتمشي على طول تقريبا 6 كيلو لغاية ماتوصل عند عباس العقاد (وهاتلاقي على أول الشارع بنزينة) وتستنى هناك واحنا هانيجي ناخدك...!!