الموضوع: صيانة الـ 1000 كيلو للوجان في اسكندرية

طبعا الموضوع مفيهوش اضاافات جديدة عن اللي حضراتكم قريتوه او اللي قيمتوه هقول بس ملاحظاتي بسرعة :
الاول انا كلمت 16202 قالولي مفيش صيانة الـ 1000 والصيانة عند 5000 كمت مركز الخدمة بتاع رينو اسكندرية قالي في صيانة في الـ 1000 ( مش فاهم ليه التضارب ده )
المهم روحت ووصلت هناك خدوا بيانات العربية اسم المالك وكده وملاحظاتي كانت :
هزة بسيطة جدا في الفتيس ( الاجابة كل اللوجان كده والعربية هي كده ولو دخلت واحدة لوجان دلوقتي هوريها لحضرتك طيب قولت له يعني مش عارفين السبب قالي لا بس هو الموتور كده طب والهزة البسيطة في الاول كانت الاجابة عشان العربية باردة قولت اوكيييييييي )
طيب زنة دواسة البنزين ( الاجابة كانت برضه ان الزنة دي طبيعية ومفيش قلق منها )
طيب في حاجة مش عارف انا هي طبيعية ولا لا قولت له وانا ماشي في حتة فيها زلط ولا حاجة
وماشي بالراحة كان في صوت زي ازازة مياه كده بتتحرك ( قالي ده صوت ممكن اربة الميه بس مفيهاش حاجة يعني خالص )
طيب ميرسي والعفو وكده
علي فكرة الحاجات دي مش مضايقاني ابدا بس هو الواحد لما تكون معاه حاجة بيحب انها تكون كاملة من كله
وانا في رايي دي حاجة مش جوهرية خالص لكن وسع وثبات وعزل وسحب وتكييف العربية بجد ممتازين جدا

القاكم في صيانة الـ 5000 بقي

المشاركة الأصلية كتبت بواسطة georgedada82

قصد حضرتك ايه في موضوع التصميم
يعني قصدك نقولهم في كل صيانة ربما يكونوا هما وصلوا لحلول ؟

ممكن كده زى ما حضرتك بتقول ... بس الاهم ان مفيش حاجة اسمها هى كده وده الطبيعى ......... والدليل انها مش فى كل العربيات

المشاركة الأصلية كتبت بواسطة georgedada82

بالمناسبة صح سالته في موضوع المارشدير قالي انا ظبطت لك الدبرياج
بس لما تيجي تجيب مارشدير استني 3 ثواني كده في النقل يعني

لا الكلام ده مش مظبوط اللى حضرتك بتقوله ده فعلا حل بس مؤقت ... وهم فى التوكيل حلوا القصة دى لكذا حد منهم انا وزميل تانى هنا قال كده بنفسه قبل كده