صوت طقطقة فى الجزء الخلفى للعربية

**zocor742** · 20-10-2009 10:24 PM

انا بالنسبة ليا بسمع الصوت جاى من تحت ورا العجلة
لو كان خبطة كدة كانت هتبان لاكن انا بحثها زى بتلق عند حسب قوة اندفاع العربية
وبردو هشيك على الباب عشان اسد الخانة دى
تفتكر العافشة نشفط شوية من اية
المساعدين مش طريين ومش جايبين زيت بس صوتهم مش مكتووووم

**zocor742** · 21-10-2009 08:38 PM

يعنى خلاص ياجماعة محدش يعرف حاجة عن الموضوع دة
اتا اتخنقت من العفشة عندى هيا اللى مزعلانى فى العربية كلها
ومعنديش اى خبرة فيها والله وعايز مساااااااااعدة بالله عليكم

**Sherif Khalifa** · 21-10-2009 08:47 PM

جرب الحلول البسيطة فى الاول
1- اظبط ضغط الاطارات و ياريت يكون على مقاس رقمى علشان بيفرق كتير جدا فى الاحساس بالعفشة

2- ربط العفشة

**samirayad** · 21-10-2009 08:48 PM

لسه واحد زميلى معاه نوبيرا
وهو راجع من القاهره وبعد الكارته ومعاه الأسره وهو داخل على الأسماعيليه
الفرده الخلفيه اليمين سابت العربيه وهو ماشى على 100 تقريبا
وربنا ستر وقدر يلم العربيه وأشترى جنب يمين خلفى وركبه
وكان بيشتكى قبل كده من صوت طقه فى المنطقه الخلفيه
وقولتله قبلها بشهر
روح أعمل ترصيص (علشان تطمن على البلى )
ولكنه كبر شويه وللأسف حصل اللى حصل
وبقينا مستغربين أزاى الجنب يسيب العربيه كده بالفرده
علشان كده الأهتمام بالنقط دى مهم جدا فى حالة ظهور أى أصوات

**zocor742** · 21-10-2009 09:03 PM

لا حول ولا قوة الا بالله
الحمد لله جت سليمة وعدت على خير
ما هى النقطة اللى مخوفانى يا هندسة خصوصا انى تقريبا يوم ويوم بطلع الدولى اتجاها لبرج العرب
وهو دة اللى قالقنى اكتر من الاصوات
استاذ شريف انا بصفة مستمرة بظبط هوا
وممكن تربيط العفشة والكشف عاليها يحكم على اللى فيها
تعرفوا انا من قلة خبرتى فى الموضوع دة
مرة بالصدفة عند الميكانيكى وانا بغير بلى العجلة الامامى اليمين
لقيت مرة واحدة الميكانيكى كان هياكولنى قالى انت ماش كدة ازاى
قولتلة فى اية قالى ياباشا انت عند العفشة قدام محلولة انت مش بتربط عافشة ولا اية
الصواميل مهوية على الخر احمد ربنا انك مأخدش ملف بسرعة مكنتش هتلاقى العربية من تحت قدام
وقام بالواجب وربطلى العفشة وقالى تابع بقى وربط بأستمرار
عايز اقولكم ان دى كانت اول مرة حد يربط فيها عافشة من اول ما اشتريت العربية
كنت فاكر ان العفشة صيانتها لما تشتكى من حاجة فقط
وهو دة اللى قالقنى ياجماعة

**hossam_elwani** · 21-10-2009 10:24 PM

المشاركة الأصلية كتبت بواسطة samirayad

لسه واحد زميلى معاه نوبيرا
وهو راجع من القاهره وبعد الكارته ومعاه الأسره وهو داخل على الأسماعيليه
الفرده الخلفيه اليمين سابت العربيه وهو ماشى على 100 تقريبا
وربنا ستر وقدر يلم العربيه وأشترى جنب يمين خلفى وركبه
وكان بيشتكى قبل كده من صوت طقه فى المنطقه الخلفيه
وقولتله قبلها بشهر
روح أعمل ترصيص (علشان تطمن على البلى )
ولكنه كبر شويه وللأسف حصل اللى حصل
وبقينا مستغربين أزاى الجنب يسيب العربيه كده بالفرده
علشان كده الأهتمام بالنقط دى مهم جدا فى حالة ظهور أى أصوات

على كده يا باشمهندس البلى الخلفى ممكن يتسبب فى ان الجنب يطلع من مكانه؟؟

ياريت تشرح لنا نتائج تلف البلى الخلفى بخلاف خشانة الصوت .........

**samirayad** · 21-10-2009 11:00 PM

المشاركة الأصلية كتبت بواسطة hossamdoaaaa

على كده يا باشمهندس البلى الخلفى ممكن يتسبب فى ان الجنب يطلع من مكانه؟؟

ياريت تشرح لنا نتائج تلف البلى الخلفى بخلاف خشانة الصوت .........

الحقيقه يا أستاذ: حسام هو موضوع كان غريب بالنسبه لنا فى الشغل
وقت حدوث ماحدث مع الزميل
وبقينا مستغربين أزاى الفرده بالكاوتش تسيب الجنب كده
لأن ده الكلام اللى قاله فعلا
وحقيقى قعدت أتخيل سبب اللى حصل كتير فعلا
فهل الجنب ساب الركبه بسبب مسا مير تثبيت الطنبوره مع الركبه (مسمارين لتركيب الجنب مع الركبه ) وليس مسامير الكاوتش الأربعه
وهل ده حصل بسبب تصميم نظام البلى الخلفى (مع وجود عيب بالبلى مثلا )
لأنه بلى مخروطى (غير بلى الفرد الأماميه )
الحقيقه الى الآن مفيش تحليل جازم تجاه الموضوع ده
وححاول أطلع على رسمه للركبه الخلفيه وأتصور الوضع كويس
وأوافيك برد آخر
أن توصلت لسبب منطقى محدد

**samirayad** · 21-10-2009 11:18 PM

الحقيقه أنا شايف أن المسمارين أرقام 12 على الرسم أكيد كانوا مهووين معاه
والصواميل مكنتش مربوطه كويس
وهى اللى ممكن تخللى الجنب يطلع بعيد عن العربيه كده بسهوله ( الليله كلها )

**hossam_elwani** · 22-10-2009 12:55 AM

الف شكر على الاجتهاد والتوضيح

**samirayad** · 22-10-2009 01:09 AM

الله يخليك
وأنا ناوى فعلا أدرس الوضع بتاع المسامير الخلفيه اللى قولنا عليهم بيشكلوا خطر ( المسمارين رقم 12 )
ولو لقيت السن يسمح بتركيب صواميل تانيه خلفيه ككنتره
حنفذ الوضع ده فعلا

الموضوع: صوت طقطقة فى الجزء الخلفى للعربية

LinkBack

أدوات الموضوع

عرض

-

-

-

-

المواضيع المتشابهه

لمنع وجود بارومة فى الجزء الخلفى من الاعتاب

صوت طقطقة

صوت طقطقة

صوت طقطقة

صوت طقطقة

الكلمات الدلالية لهذا الموضوع

المفضلات

المفضلات

ضوابط المشاركة