بوسه من قدام (الحمد الله على كل شئ)

**omdaz_5538** · 19-10-2009 10:41 PM

اخويا النهارده رايح الشغل بالعربيه
وكان بيربط الحزام و هو سايق
دخل فى سرفيس من الخلف
الحمد الله هى جت بسيطه بس العربيه مرشتش حتى الاكصدمات قبل كده
و وديتها عند سمكرى كويس و غالى كمان بس مش عارف ايه اللى حصل
و وش العربيه مش زى الاول
المشكله فى الشاسيه بتاع الاكصدام فيه شويه شغل بس لو نزل هيطر انه يترش
وانا مش عايز ارشه ووش العربيه مش مظبوط خالص الاكصدام
1-مريح لتحت و فى فروق عند الفوانيس
2-شرخ كبير فى قاعده الفانوس الشمال من فوق
3-عضعضه وره التانيات بتاعت الشبكه مقفوله من العضم والسمكرى بيقولى ملهاش حل الا لو فكينا العضم و الفليتو بتاع الكبوت
4-شداد الكبوت مش بيرجع مكانه للاخر
5-لوحه بسيطه عند سربنتينت التكييف و الردياتير بس الحمد الله شغلين تمام
الخبطه بسيطه من بره بس مضعفتها رخمه اوى
مش عارف اعمل ايه ؟

**zizo50001** · 19-10-2009 11:17 PM

بسيطة ان شاء الله يا كبير معلش ماتضيقش نفسك وان شاء الله ترجع زى الاول واحسن

**tananybasha** · 19-10-2009 11:45 PM

قدر الله و ماشاء فعل
و اكيد فدت حاجة و الف سلامه على اخوك
الضرار على شكلها حلها ابسط بكتير من كده لأن عضم الأوبل مش ضعيف قوى للدرجة دى ان كل ده يطبق الأكصدام فكه سهل و تحته الحماية بتاعته بتتحل و تدق و تركب مكانها و الفانوس وشه يتغير و ضبط الوش مرتبط بضبط الصدر

**tananybasha** · 20-10-2009 01:56 AM

ان شاء الله خير و بالتوفيق

**hanykd** · 20-10-2009 10:16 AM

السلام عليكم ورحمة الله

الحمد لله فى السراء والضراء و الحمد لله على كل حال
أنا حصل معايا نفس اللى حصلك بس المشكلة إن الإكصدام عندى إتكسر حتة صغيرة وودان الفانوس اليمين وغيرت الفانوسين قدام بس لسة الإكصدام مستنى واحد إستعمال يكون نفس لون العربية إن شاء الله.
الله يعينك
أخوك فى الله هانى