الموضوع: بفضل من الله (حجزت جين 2 النهارده )

السلام عليكم ورحمة الله وبركاته
اخواني الاعزاء الافاضل
مالكي ماركة بروتون خاصة وغيرها من الماركات عامة
باركولي
ايوه لازم تباركولي
وتدعولي ربنا يتممها عليا بالخير ان شاء الله
بعد عذاب وعناء ووقت طويل جدااا
تم حجز السياره الجميله (جين 2)
أقولكو ايه ولا ايه ولا ايه
انا انتظرت السياره بفارغ الصبر
ثلاث سنوات ( ايوه ) وأكثر كمان
لكن حان الوقت والحمد لله
وهذا من فضل ربي عليا
يارب ادمها نعمه واحفظها من الزوال
انا هحكي قصة الحجز بس
لكن اللي سبق الحجز من سنوات هحكيه مع الاستلام ان شاء الله

النهارده كنت على موعد مع الوالد واتفاق صارم جدااا
على الذهاب الى التوكيل لرؤية السياره
نزلنا انا والوالد واخي وصديق لي
وذهبنا لمعرض سمير ريان
اعتقادا مني ان السياره هتكون هناك
وبردو اتفرج على العربيات التانيه واعرف اسعارهم
علما اني مقرر بقالي كتير على جينا ومش هتنازل عنها مهما يكون
المهم الحمد لله مطلعتش عندو العربيه بس اتفرجت على العربيات التانيه (كذا ماركه)
وبصراحه بصراحه مفيش ولا عربيه ارتحت ليها مش عارف ليه
برغم اني ركبت عربيات افخم من جينا بكتير ويمكن اكثر جوده
لكن محستش براحه خالص
المهم مشيت وكنت ناوي اروح فرع العجوزه (حافظ مكانو من سنه ونص تقريبا )
لكن لقرب المعرض من مدينة نصر قررنا نروح الحي السابع (فكرتي )
بعد لف وسؤال عن المكان وصلنا والحمد لله
كان تقريبا في حد بيستلم العربيه
ومش عارف ليه حسيت بسعاده بالغه وفرحتلو جدااا
ودخلت جوه المعرض وجالنا واحد قلتلو عاوز اتفرج على جينا
نادي على واحد تاني (غضوب ) نادى على شخص اخر
ونزل معانا الجراج يفرجنا العربيه اسمو (مستر مروان )
شوفت جينا في الاول وبعد كدا البيرسونا وبعد كدا الواجا (كلهم اوتوماتيك )
وبعد كدا شوفت جينا مانيوال
طبعا هو قالي ان العربيات كلها 2010 لكن انا مصدقتش اوي
المهم
حسيت انا بايه بقى لما ركبت العربيه
انا اصلا اول مره اركب العربيه والمسها كان النهارده
من سنه وشويه وانا متابع صور واخبار بس
وكان نفسي اني انزل اشوفها لكن مبيحصلش (صبور اوي وكسلان مش كده)
انا حسيت اني مختلف تماما وانا راكب فيها
مرتاااااااااااااااااااااا ااااااااااااااااااااااااا ااااااااح
مبسوووووووووووووووووووووو وووط
ياااااااااااااااااااااااا اااااااااه
بجد حاجه غير طبيعيه
الكرسي نازل لتحت خالص (حسيت اني عالارض اصلا )
والتابلوه ممتع جداااا
وملمس العربيه مختلف تماما عن اللي كنت متوقعو
فضلت اقلب وادور وانا مش مركز خالص
بالرغم اني عارف اغلب التفاصيل اللي في العربيه
الا اني فوت حاجات كان المفروض اني اشوفها
لكن من فرحتي وسعادتي نسيت فعلا
انا من كلام الاعضاء عنها حسيت انها عاديه من جوه (دي غلطتكو )
لكن الحقيقه غير كدا خالص
انا حسيت اني راكب عربيه فخمه بدون مبالغه
فظيعه فظيعه يعني ما شاء الله
المهم فوقت من اللي كنت فيه
وطلعنا المعرض تاني
وبصراحه الراجل استحملني جامد اوي ويشكر على اللي عملو (مستر مروان )
اتكلمنا على السعر 84900 بندق مصري
مفيش تخفيض للاسف الشديد
والاستلام بعد يومين يـــــــــــــــــــاه معقول
تبقى الناس هنا مستنيه حجز من شهرين وانا استلم بعد يومين
يبدأ الشك جوايا بقى
ازاي يعني الكلام دا
سألناه ايه اللي يثبت ان العربيه 2010 قال الافراج الجمركي (ياسلام !!)
بصراحه مصدقتش
لكن حجزت العربيه وعلى تليفونات معاه
اذا هنستلم أو هنلغي الحجز
وواضح انو عاوز يخلص بسرعه (شك كبير و100 علامة تعجب )
وانا بصراحه مش عارف اخد قرار
اتوكل على الله واستلم العربيه وممكن اخد مقلب وتبقى 2009
ولا هتبقى 2010 بس من غير العرض بتاع مستر أيمن
(اللي دايخ عليه من الصبح ومش عارف اجيب تليفونو اكلمو وأستفسر منو )
يارب يكون بخير ويرد على رسالتي في اقرب وقت (اللي هو بكره بالكتير ) فاهمني يا مستر
ياريت تساعدوني في اتخاذ القرار دا لاني لا اعلم ماذا افعل
شكرا لسعة صدركم
معلش الموضوع طويل

سؤال على جمب (ازاي اقدر افرق بين عربيه 2010 و 2009 )

المشاركة الأصلية كتبت بواسطة jackal_sheriff

السلام عليكم اولا
ثانيا مفيش فرق يذكر ما بين 2009 و 2010
لو فعلا هتستلم كمان يومين.........ماتفكرش و روح استلم على طووووووول
احنا بقالنا 4 شهور مستنيين جنب فرع الصحراوي
واللي حجز و بيقول انه هيستلم في نص 11 يبقى يقابلني
ولا نص 12 عقبال ميستلم
اصل عز العرب بيجيب العربيات على فالوكة كده محندقه
معندوش ياعيني اسطول يقدر يجيب 300 او 400 عربية دفعة واحدة
وازاي مايذلش الناس؟؟؟؟؟؟؟؟
لا .....يجيب 93 عربية ويخلينا نمسك في بعض ونقول مين يستلم ومين ميستلمش
نصحية اخوية........خد عربيتك واجري بدل ما تعض في الارض زي حالتنا

ربنا يتمملك على خير ان شاء الله
وتستلم وتستمتع بالعربيه
انا بخصوص التسليم ف انا دلوقتي بفكر في الموضوع
وبفكر اني استلم ومعايا ربنا
وان شاء الله خير
شكرا لذوق حضرتك
تحياتي

المشاركة الأصلية كتبت بواسطة xxxmemoxxx

موضوع التفكير ده زيك بالظبط وان شاء الله هجيب جين 2 بعد حوالي سنه من متابعة اخبارها بس انا اختلف عنك اني شوفتها مع واحد صاحبي (( يا راجل تبقى مكسل انك تنزل تتفرج عليها سنه ونص !!!!!! واضح انك صبووووووووور قوي )) انا كنت هجيبها من شهر 8 وكنت مخلص ورقي في البنك بس المعرض قال انها مش موجوده ,,عايز احجز ان شاء الله في الدفعه اللي هتيجي في 11 عشان فلوسها تكون كملت واجيبها كاش احسن ..
يا ريت تحجز في فرع الصحراوي عشان استاذ ايمن يجبلك الخصم
والف مبروك وتستلم على خير وفعلا الواحد بيفرح قوي لما بيشوف حد بيستلم جينا

انا مش بس صبور لا وكسلان جداا كمان
بس كل حاجه في وقتها
ان شاء الله تحجز على خير وتستلمها على خير
استاذ ايمن مشكورا اتصل بيا ودار بيني وبينو حوار عن موضوع العرض
واعتقد انو هيبقى صعب لظروف خاصه بعز العرب
بفكراتوكل على لله واستلم من فرع الحي السابع
ربنا يهديني للي فيه الخير ان شاء الله
تحياتي ليك