عرض للطباعة
سلام عليكم
مشكلة غريبة حصلت في عربيتي النهارده ( لانوس 1 موديل 99 )
فجأة و انا ماشي لقيت دواسة الدبرياج بقت خفيفة اوي , بعدها بشوية , الدواسة فضلت خفيفة اوي , و لقيت الفتيس في الغيارات بقى خشن جدا جدا جدا , شوية كده , بقى بيغير بصعوبة اوي , و يمكن يرفض يغير كمان , مع المارشدير مثلا لما اركن العربية بعد ما روحت بيها على الحال ده , تقريبا عمل صوت تخبيط تروس عالي اوي و ما عشقش , تاني مرة عمل صوت عالي برده و عشق
يا ترى ده يبقى ايه بالظبط ؟؟؟
:I_angr1[1]::stink[1]:
اكشف علي ماستر الدبرياج ممكن يكون ضرب وفضي الزيت الباكم اللي فيه عشان كده الدبرياج خف وكده الغيارات تقيله عشان مفيش فصل للحركه كانك بتاخد الغيارات من غير ماتدوس دبرياج واسئل بردو تاني
كده يا معلم لازم تكشف على مسطرة الدبرياج العلوية والسفلية لأن كده واحدة منهم مشيعة (غالبا السفلية ) وهم الاتنين كانوا ـ بالنسبة لللانوس ـ عاملين 100 + 70 للعلوية والسفلية معاً ..
طبعا هاتجيب معاه علبة زيت باكم من اللي بـ 12 جنيه (العلبة الكبيرة ) وعليك وعلى الميكانيكي لأنك مش هاتعرف تغيرها لوحك هاياخد منك 20 جنيه كمان أو 30 بالكتير قوي
فعلا كده بنسبه كبيره جدا
دى مشكلة ماستر دبرياج
أما الماستر العلوى وده حيبان معاك أثر زيت فرامل وراء طارة الدركسيون من جوه الحوض بتاع المكنه
أو الماستر السفلى (اللى راكب على البراكت أو الدعامه بتاعته على الفتيس ) وده أسمه ماستر التحرير
لو شيلت الجلده اللى فوقه ونفشتها كده زى قشرة الليمونه للخلف
وبان ترشيح زيت معاك يبقى هو ده
وبرضه بنسبه كبيره ( هو ده اللى عليه العين بدور )
سلام عليكم جميعا
باشكركم جدا يا اخوة المنتدى على نصائحكم الكريمة و المعلومات القيمة , متنور بيكم بجد
انا رحت النهارده لميكانيكي جنب البيت , بص في الفتيس من قدام , و طلب مني ادوس و اشيل و هكذا , و بعدين نزل تحت الدواسات
و قعد يعمل حاجة , المهم , بعدها الموضوع ظبط , بس بقى الدبرياج عالي سنة
المهماقتباس:
بس مازالت الخبطة اللي مع النقلة موجودة . و قال لي ان كده خلاص , و ان الخبطة دي بسبب ان ديسك الدبرياج تعبان , وقلت له انه متغير من 7 شهور
رحت للميكانيكي اللي انا متعود اروح له , و بص برده من قدام و من تحت الدواسة
ما اقتنعتش بمسألة الصوت , و كده الأقوال تضاربت خالصاقتباس:
و قال لي ده ماستر دبرياج , حتى جايب زيت على الدواسات اهو , و ممكن يعمل نفس الحركة معاك تاني , و ساعتها كرك دواسة الفتيس قد 10 او 20 مرة هاتتظبط تاني , و الصوت قال لي ده عبارة عن ان الشكمان بيخبط في جسم العربية و محتاج يتظبط !!!
ما رأيكم أدام الله فضلكم ؟؟
هههههههههه حلو الكلاماقتباس:
و قال لي ده ماستر دبرياج , حتى جايب زيت على الدواسات اهو
يعنى فيه زيت فرامل على الدواسات
طيب أنت شوفت الزيت ده ياهندسه
وهل كشفت على منسوب الزيت فى تنك الفرامل
وزى ماقولنا على صدر الغرفه حوالين عمود الدركسيون مثلا
هو فعلا يا باشمهندس لما كان بيقول لي كان مد ايده تحت الدواسة و طلعها مش عارف مزيتة ولا مشحمة
منسوب الزيت في تانك الفرامل مش قالل عن ال
minimum
بس مش عارف بيقل ولا لأ , اظن مع الوقت هاتبان دي
بخصوص صدر الغرفة , انا مش فاهم معنى المصطلح :Zb_sor1[1]:
http://s1.postimage.org/nAfii.jpg
دى غرفة محرك والكبوت مرفوع
تنك الفرامل والسيرفو راكبين على صدر الغرفه ( أى غرفة المكنه )
لو جيت بصيت جنب القربه من على اليمين (هى مش باينه على الصوره )
حتلاقى عمود طارة الدركسيون طالع وفيه حتة جلده مقطوعه ومتنيه عليه
لو بصيت حوالين العمود ( المفروض تشوف طرطشة زيت فرامل )
بما أن الراجل شاف زيت تحت الدواسه
هربان من حوالين العمود مع الضغط ونزل جوه تحت رجلك الشمال تقريبا
وكده وضع زيت الدبرياج والفرامل غلطاقتباس:
منسوب الزيت في تانك الفرامل مش قالل عن ال
minimum
حاول تزوده شويه أو أكشف على تيل الفرامل
ليكون قرب يخلص وحيبقى على الحديده ويعورلك الطنابير
احماقتباس:
المشاركة الأصلية كتبت بواسطة samirayad
معلش يا باشمهندس
انا باقول انه مش قالل عن المينيمام
يبقى كده الوضع غلط ؟
انا عموما هابص على الزيت و العمود زي ما قلت حضرتك , اللي انا شايفه حاليا , ان العربية بتغير كويس عادي , لكن دواسة الدبرياج سايبة , و برده الخبطة اياها ما تزال موجودة
انا عارف يا باشمهندش اني تاعب حضرتك معايا و مش عارف اشكرك ازاي
عارف يا باشااقتباس:
احم
معلش يا باشمهندس
انا باقول انه مش قالل عن المينيمام
يبقى كده الوضع غلط ؟
دايما فى أى حاجه مبنحاولش نيجىء لأقل مدى
علشان يبقى عندنا مساحة أمان
وهو المصمم بيحدد مدى العمل بين الحد الأدنى والحد الأقصى
للسبب ده
وهو بيبقى مش عاوزك تقرب من الحد الأدنى فعلا أو تتعدى الحد الأقصى
أخوات ياباشا وتحت أمرك فى أى وقت الجميع وأنااقتباس:
انا عارف يا باشمهندش اني تاعب حضرتك معايا و مش عارف اشكرك ازاي