الموضوع: مشكلة - دواسة دبرياج سايبة و فتيس قافش

سلام عليكم جميعا
باشكركم جدا يا اخوة المنتدى على نصائحكم الكريمة و المعلومات القيمة , متنور بيكم بجد

انا رحت النهارده لميكانيكي جنب البيت , بص في الفتيس من قدام , و طلب مني ادوس و اشيل و هكذا , و بعدين نزل تحت الدواسات

و قعد يعمل حاجة , المهم , بعدها الموضوع ظبط , بس بقى الدبرياج عالي سنة

بس مازالت الخبطة اللي مع النقلة موجودة . و قال لي ان كده خلاص , و ان الخبطة دي بسبب ان ديسك الدبرياج تعبان , وقلت له انه متغير من 7 شهور

المهم
رحت للميكانيكي اللي انا متعود اروح له , و بص برده من قدام و من تحت الدواسة

و قال لي ده ماستر دبرياج , حتى جايب زيت على الدواسات اهو , و ممكن يعمل نفس الحركة معاك تاني , و ساعتها كرك دواسة الفتيس قد 10 او 20 مرة هاتتظبط تاني , و الصوت قال لي ده عبارة عن ان الشكمان بيخبط في جسم العربية و محتاج يتظبط !!!

ما اقتنعتش بمسألة الصوت , و كده الأقوال تضاربت خالص
ما رأيكم أدام الله فضلكم ؟؟