تيوتا ياريس ولا نيو اكسنت

**boba556** · 20-10-2009 02:49 AM

انصحوني أرجوكم عشان أنزل أشتري بإذن الله ؟؟؟
انا بقارن بين العربيتين دول ومحتار الياريس 1300 وخايف من قوة الموتور والتكيف زى ما بسمع لكنها فى الشكل عجبانى اكتر من النيو اكسنت 1600 وانا عايز عربية كويسة تريحنى تكيف وسرعة ومتعديش فى الفلوس سعر الياريس المانيوال . ياترى فعلا العربيات 1300 سى سى مش كويسة؟

**monmonmon** · 20-10-2009 02:59 AM

المشاركة الأصلية كتبت بواسطة boba556

انصحوني أرجوكم عشان أنزل أشتري بإذن الله ؟؟؟
انا بقارن بين العربيتين دول ومحتار الياريس 1300 وخايف من قوة الموتور والتكيف زى ما بسمع لكنها فى الشكل عجبانى اكتر من النيو اكسنت 1600 وانا عايز عربية كويسة تريحنى تكيف وسرعة ومتعديش فى الفلوس سعر الياريس المانيوال . ياترى فعلا العربيات 1300 سى سى مش كويسة؟

بالعكس الياريس هى العربية الوحيدة اللى موتورها 1300 سى سى يختلف عن اى عربية 1300 ممكن تركبها لانه من تويوتاااااااااااا و لو قريت عنه هتعرف انه يسد مع مواتير 1600 كمان.. انا ركبت كورولا 1300 سى سى و اتوماتيك (يعنى سحب اقل) و كمان كنا 6 فى العربية و كانت ما شاء الله افضل من اللانوس ال 1500 سى سى اللى كانت معايا وقتها.

بس انا من ناحية الياريس شايف ان سعرها مبالغ فيه جدااا جدااااا و لو انا هشترى هجيب مكانها النترا لانى اعتقد انها افضل بعض الشىء من خلال ركوبها

كمان الاكسنت ال 1600 جميله جداااا و فى امريكا من اكتر العربيات اللى بيحبوها و كذلك ال toyota طبعا

**HanyHanyHany** · 20-10-2009 05:12 AM

المشاركة الأصلية كتبت بواسطة boba556

انصحوني أرجوكم عشان أنزل أشتري بإذن الله ؟؟؟
انا بقارن بين العربيتين دول ومحتار الياريس 1300 وخايف من قوة الموتور والتكيف زى ما بسمع لكنها فى الشكل عجبانى اكتر من النيو اكسنت 1600 وانا عايز عربية كويسة تريحنى تكيف وسرعة ومتعديش فى الفلوس سعر الياريس المانيوال . ياترى فعلا العربيات 1300 سى سى مش كويسة؟

ياريس افضل والماتور ممتاز وكمان متنساش ان الكورولا كانت 1300 لحد2006 تقريبا وكان الموتور بتاعها ممتاز ومكفيها وهي اكبر من الياريس ...
الياريس عربية هتريحك جدا وهتوفرلك ولا تنسى الاستخاره والله الموفق

**Hosam_Optrawy** · 20-10-2009 08:23 AM

الياريس عربيه كويسه وموتورها قوى مش ضعيف بالنسبه ل 1300 وتكييفها ممتاز

لكن طبعا الأكسنت أقوى كموتور وبرضه تكييفها ممتاز

وخد بالك ان فى فرق كبير فى الفلوس

ياريس مانيوال 94

أكسنت مانيوال 78

بالتوفيق

**GMakram** · 20-10-2009 10:02 AM

المشاركة الأصلية كتبت بواسطة momopersona

بعد تجربة عربيات كتيييير يا ريت يرجع بيا الاختيار وطبعا هايبئا ياريس انسب عربية لمصر
يعنى استهلاك بنزين موفر جدا جدا
رغم الموتور ال 1300 لكنه قوى جدا بس طبعا بتاع الاكسنت اقوى بس بفارق مش كبير انا بتكلم على الاداء الفعلى وسرعة تجميعه مش على الارقام والبيانات
توكيل تويوتا بيشيلوك فوق دماغهم شيل ده لو حصل مشكلة اساسا
رغم ان شكلها عربية صغيرة انما صالونها اوسع من عربيات كتير كبيرة
ثباتها لحد 140 كويس جدا ومصر مش محتاجة اكتر من كده
اتكل على الله وهى تستاهل ثمنها بجد

+11111111111111111111

**kh_talaat** · 20-10-2009 11:30 AM

شوف أنها هقولك على نقطة مهمة جدا لازم تاخد بالك منها وهي

أسعار قطع الغيار والتويوتا قطع غيارها أغلى من الهيونداي بكتير

لكن ماعدا ذلك التويوتا تكسب طبعا

**party_0000** · 20-10-2009 06:52 PM

ياجماعه قطع غيار ايه دي الا كسنت الجديده انا ركبتها متجيش حاجه جمب الياريس دي متوسيكل متحرك مع احترامي للي جايبنها وللجميع واذواق الناس بس مفيش مقارنه بين الاكسنت والتويوتا ايا كان نوعه حتا لو عجله !!!

**Samir Elshahawy** · 21-10-2009 05:28 PM

الياريس عربية محترمة جدا و الزملاء الافاضل شرحوا مميزاتها لكن انا ركبت النيو اكسنت و وجدت انها ضيقة من جوه بينما الياريس اوسع منها و مريحة اكثر

بالنسبة لقوة الموتور صحيح هي 1300 سي سي لكن بتجري زي أي عربية 1600 سي سي كمان و بتجيب ال 180 كم/ساعة برضه و تكييفها ممتاز و لايؤثر في سحبها او في أداء المحرك بشكل ملحوظ كبعض انواع السيارات الاخري

و طبعا الامر راجع اليك و الي ارتياحك النفسي لشكل العربية و ارتياحك فيها من الداخل

**hsorogy** · 21-10-2009 09:14 PM

فكر فى بروتون برسونا 2009
فول أوبشنز أوتوماتك
ثبات خرافى بجد
عفشة رياضية
كل الأوبشنز اللى بتحلم بيها
جنوط سبور 15 205/65- فوانيس شابورة أمامى و خلفى - باركنج سنسور - abs & ebd ‎‏ ‏- كاسيت بلوبنكت سى دى - كمبيوتر رحلات - تكيف رائع - 2 إير باج - 4 زجاج كهربا - 2 مرايات كهربا نفس لون العربيا - ملتى فنكشن - سنتر لوك - إنذار - فتح الشنطة بالريموت - تعديل المعقد فوق وتحت - طى الكنبة الخلفية -شنطة 450 لتر- كونسول - إدراج تخزين - حامل أكواب خلفى - 4 سماعات - قفل مركزى للأبواب أول ما تدوس فرامل- سخان زجاج خلفى - إمكانية التحكم فى درجة إضاءة التابلوه
عالية عن الأرض 16.5 سم مابتحكش فى مطبات مصر المحروسة و عن تجربة كان راكب معايا 3 ورا و 2 قدام و محكتش فى اى مطب
.... توكيل جيد
.... قطع غيار متوفرة برة التوكيل
### العيوب عيوب فى تقفيل الكماليات مش فى الأساسيات و بتتحل فى الصيانة
### إستهلاك بنزين بشد وجرى و تكيف الصفيحة 20 لتر بتعمل 240 كم