ساعدوني

**nonoymm** · 13-11-2007 12:27 PM

:roll: عاوزة اعرف ايه المميزات اللي تميز الهيونداي فيرنا عن اللادا 2120 ومخلي الهيونداي اعلى في السعر من اللادا بحوالي 7 الاف جنيه ولو عاوزة اشتري يبقى الهيونداي لانها اغلى يبقى فيها مميزات اكتر ولا ايه حد يقارن بينهم ويفيدني وجزاكم الله خيرا

**zezo13178** · 14-11-2007 07:26 AM

ماعرفش اي حاجه عن اللادا 2120 بس عموما هي مالهاش اي سوق في مصر بعكس الفيرنا اللي ماليه الدنيا ده غير ان الفيرنا والهيونداي عموما قطع غياره منتشره ورخيصه وسهوله في اعاده البيع وطبعا عربيه شكلها مقبول و لذيذ
رايي انك تشتري فيرنا بس حاولي تشتري فيرنا 1600

**tutankhamoun** · 14-11-2007 08:02 AM

أنا شايف إن اللادا 2120 أكبر في الحجم و أعلى على الأرض و عائلية أكثر من الفيرنا
و لكن الأداء لا نعرف عنه شئ بالنسبة ل 2120 ............ هي شكلها كويس و مقبول مش وحشة
و دي صورة اللادا 2120

و دي صورة الفيرنا علشان تبص على الأثنين

و بالتوفيق في أختيار الأفضل لك

**tutankhamoun** · 14-11-2007 08:35 AM

يا أستاذ nonoymm
ما ثمن اللادا 2120 ؟؟؟؟
و هل هي موجودة في مصر ؟؟؟

ملحوظة يجب أن تفكر في سعر إعادة البيع و قطع الغيار إذا كنت ممن يغيرون السيارة كل فترة قريبة
لأنها غير منتشرة في مصر و لا في العالم
و دي مواصفتها الفنية
يوجد منها موديلين بمحركين مختلفين
1.7 سم مكعب و الأخر 1.8 سم مكعب
و حمولتها القصوى 600 كجم ............... الوزن 1400 كجم
الطول 4.2 م و العرض 1.72 م و الارتفاع 1.69 م
زمن الوصول إلى سرعة 100 كم / س هو 20 ثانية ............... سرعتها القصوى 135 كم / س
خزان الوقود 70 لتر
استهلاك الوقود لكل 100 كم
عند سرعة 90 كم / س = 10.3 لتر
عند سرعة 120 كم / س = 12 لتر
داخل المدينة 12.5 لتر تقريبا
الضوضاء المصدرة من السيارة عند سرعة 100 كم / س هي 74 ديسيبل
...................... تم قياس موضوع استهلاك الوقود على السيارة ذات المحرك ذو 1.8 سم مكعب ...............
أرجوا أن تفيدك هذه المعلومات
و إن كنت شخصيا لا أميل لهذه السيارة لكبر سعة محركها و قلة وجودها في السوق

**nonoymm** · 14-11-2007 08:53 AM

جزاكم الله خيرا على الردود بس انا قصدي لادا2110 لادا الفين ميةو عشرة اسفة على الخطا ممكن تفيدوني

**nonoymm** · 14-11-2007 08:55 AM

جزاكم الله خيرا على الردود بس انا قصدي لادا2110 لادا الفين ميةو عشرة اسفة على الخطا ممكن تفيدوني

**MmikemM** · 14-11-2007 09:03 AM

اسمح /* اسمحي لي اقول راي في الموضوع ده بس من خلال مشاهداتي اولا كتير ما اشوف اللادا عطلانة اوفيها عجلة قدام مكسورة المهم اللي انا متأكد منه ان اللادا في المناورة وحشة جدا وانا برجح ان ده عيب قوي في تحديد مساحة المصنع للبعد بين العجل الخلفي والعجل الامامي ولكن في نقطة يجب اخذها بالاعتبار ان لو حضرتك سيدة او انسة يبقي مستحيل اللاد لان عربية ناشفة جدا من حيث القيادة والعفشة يعني المطب مطب هتعيشية بكل معانية الهيونداي افضل في المناورة علي الطريق وانعم واعتقد ان الاتنين في شراهي هيكون في نسبة من الندم ولكن في الفيرنا هيكون الندم اقل ...... بكتير

**tutankhamoun** · 14-11-2007 09:09 AM

المشاركة الأصلية كتبت بواسطة nonoymm

جزاكم الله خيرا على الردود بس انا قصدي لادا2110 لادا الفين ميةو عشرة اسفة على الخطا ممكن تفيدوني

أبقى خد بالك المرة الجاية ماشي :shock: :shock: :shock:

يا باشا أنا بهزر معاك .............. الخطأ وارد
أذهب إلى هذا الرابط لعلك تجد المفيد
http://www.nilemotors.net/Forum/viewtopic.php?t=1056

و شكرا