تعالو نتكلم عن فكرة التعديل بوضوح

يا جماعة انا فكرت كتير في موضوع التعديل ده وانا عندى ابيزا 94 وكنت عاوز فيها الشغل الاتي
متور 1600 بالتكييف والباور والفتيس
عفشة كوني
فرامل رياضية
فلتر هوا رياضي
دبرياج رياضي
جنوط 16 بالكاوتشات بتاعته
تعديل فايبر
فوانيس معدلة
فرش كامل
دهان عربية
وحدة رفع
فتحة سقف كهربا
شنطة من الداخل وباركينج سنسور
تابلوه حديث هغير التابلوه لتابلوه ابيزا 2002 وهركب عداد البلولو 2002
مرايات كهربا
دي في دي
ابواب كهربا امامى
اضائات داخل الصالون بلون النار او الدفايه
وكمان فكرت انى اعمل ابواب في الكراسي كهربا تكون خاصه بالمشروبات

التكلفة دى تقريبا هتخش في 25 الف جنيه
طبعا في ناس قالتلى انت مجنون عشان تدفع في عربية موديل 94 25 الف جنيه
وانا احب اوضح فكرتى واشوف رايكو هيكون ايه بردو دلوقتى انا استحالة الاقي عربية بما انى شاري العربية بتاعتى بي 31 يعنى هتقف عليه بي 56 الف فين العربية اللى هشتريها بنفس السعر ده تكون نفس القوة والمواصفات والاوبشنز ده كله غير متعتك انك بتكون مش راكب حاجه اعتيادية
اقل عربية عشان تكون فيها كل ده مش اقل من 100 الف
الفكرة انى بشتري حجات فخمه وبركبها على صناعه الماني وفي نفس الوقت بهرب من جمارك السيارات المتخلفة اللى محطوطه في البلد دى انا عارف انى لما اجى ابيع ممكن ما حش يقدر اللى انا عملته فيها بس انا اصلا لو نفذت افكاري دى مش هبيع اخليها عندى تكون عربية تانية لو ربنا اكرمنى واظن فيه بعض الناس بتقدر الكلام ده اثناء الشراء
انا هحط صورة لشكل الابيزا اللى انا هعمل زيه كتعديل وعاوز ردكو ورايكو معايا عشان نستفاد كلنا ونفيد بعض

فكره جامده وشغل حكايه بس متفكرش تبيع :S_thum1[1]:

بصراحه تفكير فل اوى يعنى انا من المؤيدين للحكايه دى وكمان هتبقى مميز كده وانا لو مكانك اكيد هافكر كده بردو من رائيى الفكره حلوه اوى والعربيه كمان هتبقى ملهاش حل توكل على الله لو حاجه مقتنع بيها وبعدين بردو شوف الناس اللى بتفهم هاتقولك ايه

amrgti و theblacksword
شكرا على اهتمامكو وردكو عليه ومبسوط ان فيه فاعليه وتشجيع منكو لانى بجد متحمس اوى للفكرة وربنا يسهل ونسمع اراء باقي الاعضاء وخصوصا اصحاب الخبرة في موضوع التعديل
وبشكركو لتانى مره

اايام مركبت مكنه للانوس بتعتى 1600 وعفشه 14 وكبرت الجنوط
وظبطت الدنيا كل واحد يقولى حرام ومش حرام
وانا مقتنع جدا باللى انا عملتله
كفايا انها داخله دماغى

بس انت الكلام اللى بتقول عليه ده كتير موز

ما هو كتير ليه عشان طالما هصرف ومش هبيع اركب حاجه تكون وهم وبعدين ال 25 الف دول بالنسبة للى هاخدو من اداء وقوة ورفاهية مش كتير لانى كانى بالظبط ركبت عربية زيرو لانى هغير كل حاجه بل وفيها امكانيات احسن من الزيرو

يابااشا فى حاجات هتقابلك وانت بتعمل كل الشغل ده

يعني ابتدي باساسيات زي المكنه والفتيس
بس معتقدش انك هتحتاج دبرياج رياضى للعربيه
لان المكنه مش كبيره اوى


فلو عاوز تبدا ابدا بالاهم وشوف انت محتاج ايه بالظبط

اقتباس:

---

يابااشا فى حاجات هتقابلك وانت بتعمل كل الشغل ده

يعني ابتدي باساسيات زي المكنه والفتيس
بس معتقدش انك هتحتاج دبرياج رياضى للعربيه
لان المكنه مش كبيره اوى


فلو عاوز تبدا ابدا بالاهم وشوف انت محتاج ايه بالظبط

---

كلام سليم جدااااااااا

ان شاء الله يا جماعه هبدا اكيد بالماتور بس كنت عاوز اسال انا مش من هواة السرعات العالية وواحد صحبي نصنى اسقط منور 2000 سي سي
هل لو سقطه هستفاد منه بايه للعلم انى مش بتاع سرعات عالية اخري 120 ده لو جبتها يعنى

اقتباس:

---

المشاركة الأصلية كتبت بواسطة ahmedali

ان شاء الله يا جماعه هبدا اكيد بالماتور بس كنت عاوز اسال انا مش من هواة السرعات العالية وواحد صحبي نصنى اسقط منور 2000 سي سي
هل لو سقطه هستفاد منه بايه للعلم انى مش بتاع سرعات عالية اخري 120 ده لو جبتها يعنى

---

2000cc مره واحده !!!

طيب ليه طالما انت مش بتحب موضوع السرعات العاليه ده غير استهلاك البنزين ده غير الوزن الزائد

نصيحه وفر فلوس الموتور وحطها فى حاجه تانيه احسن.

معاك حق يا Ignition-Kid لان فعلا هستفاد منه في حجات تانية افضل خلاص بلاش فكرة ال 2000 سي سي نرجع تاني لل 1600

فكره جامده وشغل حكايه بس متفكرش تبيع :S_thum1[1]:

شكرا جومانجي على اهتمامك وردك على الموضوع

خش الموضوع ده حيفيدك
لان انا سقطت المكنه اللي انتا عاوز تحطها

http://www.nilemotors.net/Nile/101990-a.html

شكرا crazylambada على الموضوع المفيد ده ومتشكر على ردك واهتمامك

العفو

اللى بيعدل فى عربيته بيبقى عايز يكون راكب حاجة مميزة وعلى مزاجة ..وده احلى حاجة...ومتقوليش زيروو ده انت هتكون راكب احسن من الزيرو...لو انت حاطت فى دماغك انك تبيع العربية متصرفش عليها .. بس لو مش حاطة فى دماغك توكل على الله وكله نصيب:w6266d

كلامك مظبوط يا vwmk وشكرا على مداخلتك وكلامك الجميل ده
بس اتمنى الاقي ناس تعرف تعمل اللى انا عاوز اعمله ده كله عشان ما يضيعش كل اللى رسمته على الفاضي ربنا يستر

توكل على الله
الناس بتسقط فى الابيزا ال vr6
وانت مش عايز تسقط 2000 cc
انا رأيى طالما هتشد يبقى شد الشده الصح وحرام تعدل جامد كده على موتور مش أد كده
فى معانا ناس فى المنتدى مسقطين ال vr6 فى إبيزا
خد رأيهم فى الموضوع

اقتباس:

---

المشاركة الأصلية كتبت بواسطة ahmedali

كلامك مظبوط يا vwmk وشكرا على مداخلتك وكلامك الجميل ده
بس اتمنى الاقي ناس تعرف تعمل اللى انا عاوز اعمله ده كله عشان ما يضيعش كل اللى رسمته على الفاضي ربنا يستر

---

هتلاقى كتير

طيب ال vr6 ده بيعمل كام مع كل مشتملاته يا kasten وشكرا ليك على النصيحة

صحيح انا سمعت ان ال 2000 سسي apf ده بيعمل كله مع مشتملاته كلها 7500 يا ريت حد يتاكدلنا من السعر من الناس الافاضل اصحاب الخبرة وده كفايه اوى يعنى هو حوالى 160 حصان وبردو عاوز رد على سؤالى اللى هو لو انا مش من هواة السرعة ال 2000 سي سي هيفرق معايا في ايه هل هيريح العربية هل مش هحس ببطء التجميع عاوز افهم من حضراتكو بردو لان خبرتى انا قليلة في الموضوع ده وللعلم دى اول عربية اشتريها بس انا اصلا مصمم جرافكس وعاشق لموضوع التعديل دى هوايتى وعاوز اجربها في السيارات

كل ده مش حيتكلف 25000 جنيه و كمان منتش محتاج عفشة كوني
انا ركبت موتور جولف vr6 2800cc بعفشته لكوردوبا و معاه شاحن تيربو في الحرفيين و متكلفش 9000 جنيه بعد الفصال

بص انت احسن حاجه تعملها تشتري نص ابيزا 2001 علشان في حاجات هتدوخك وانت بتركب خد نص علي بعضه بس مدام كده كده هتغير المكنه خليك في ال 2000 cc

فكرتك جميلة جدا وربنا يوفقك الواحد جت علية ايام فكر فى كدة

بص نصيحة بدل ما تسقط 1600 وتجيب فلتر اسبور وكلتش دبرياج اسبور
سقط 1800 أو 2000 ومتعدلش حاجة في الموتور
فرق الوزن عن 1600 مش فرق
تاني حاجة أنت متخيل أن الموتور سرعتة جبارة لكن أما تتعود علية هتحس أنك عايز كمان أبر من 2000 سي سي
تالت حاجة المساعدين الكوني هيشيلوا الموتور ال2000 مستريح المهم تكبر ديسكات الفرامل

طيب سمعت ان فى مواتير ابيزا تيربو 1.8 سى سى ايه رئيكم وموضوع تغير الديسكات ازاى يعنى وياريت لو حد يعرف واحد محترم عنده المواتير بحاله كويسه وكمان يكون بيركب وعاوز اعرف مكان قطع الغيار

هو ايه الدبرياج الرياضي ده ؟

راجع اهم موضوعات القسم

MMamdouh