اقتباس المشاركة الأصلية كتبت بواسطة ehabbasha30 مشاهدة المشاركة
لا حول ولا قوة الا بالله
واحنا بلاش يجازينا خير ؟؟؟؟ ولا يكون فى ميزان حسناتنا ؟؟؟؟؟؟؟
يا جماعة بلاش التفرقة دى
انتو حسستونى ان الكاريكاتير دة فسوق وعصيان وانا بشجعة وبدافع عنة
اية يا جماعة
طبعا كلامكم كلة صح وانا مقتنع بية تماما من غير مناقشة ....بس اذا كان الكاريكاتير يقصد الفرق بين الدين والدنيا
يبقى طبعا الدين والصورة دى مش صح وانا مش موافق عليها
لكن انا شفت الصورة بمنظور مختلف مش معنى كدة انى بفضل طلوع القمر على الدين .... بلاش الخلط دة يا جماعة عشان خاطرى
حضرتك يا استاذ عبد الله على طول عملت فريقين فريق بيفضل الدين وربنا يجزية خير ويجعلة فى ميزان الحسنات والفريق التانى اكيد العكس
والله والله والله العظيم
لو كان الكاريكاتير وصلنى زى ما وصللكم كنتوا هتلاقوا كلامى زيكم بالظبط بس الفرق انة وصلنى بطريقة مختلفة او انا شفتة من وجهة نظر مختلفة
مش معنى كدة انى متدين وبشجع الدنيا اكتر من الدين
ربنا يعلم انى لا احمل اى ضغينة لاحد منكم ولا زعلان بس انا حبيت اوضح وجهة نظرى عشان محدش يفهمنى غلط
لان اللى يشوف المشاركة بتاعة استاذ ابو عبد الله هيقول اكيد ان الاعضاء اللى غير مشمولين بالدعوة هيكونوا اكيد فاسقين وغير متدينين
اردو انى اكون قدرت اوصل وجهة نظرى

سلام عليكم استاذ ايهاب
انا مبدئيا فاهم حضرتك بتتكلم من انهي وجهة نظر , هي مفهومة بالنسبة لي , و اظن بالنسبة لباقي الاخوة , لكن حضرتك صدقني انا لا فهمت ان الباقي فاسقين ولا اي حاجة من دي

زي ما حد بيلاقي بوست بيعجبه بيقول لصاحبه الله يبارك لك , مش معنى كده انه بيدعي على الباقيين

اما بخصوص الفرق
فهي مش مسألة فرق لكنها وجهات نظر مش اكتر , و وجهات النظر دي فعلا فيها اللي شايف ان الدين اعلى حاجة في الدنيا و فيها اللي العكس , و فيها اللي فهم الكاريكاتير بصورة معينة , و فيها اللي فهمه بصورة تانية خالص


تعليقا على رأي حضرتك و ارجو انك تقبله مني
اللي حضرتك فهمته من الكاريكاتير , زي ما انا فهمت من كلامك , انه بيقول هما عمالين يعملوا شغل و احنا عمالين نختلف مع بعض في كل حاجة , بعيدا تماما عن احنا بنختلف في ايه

هاقول لحضرتك حاجة , احنا ما نقدرش نشيل المسألة اللي عليها اختلاف من النقطة دي , لأن فيه حاجات ما ينفعش فيها اننا ما نختلفش , و اكيد حضرتك زي ما قلت , لو حد جه قال لنا هاديكم فلوس ببلاش مقابل انكم تبطلوا تصلوا , على المستوى الفردي , او جهة تانية قالت هاديكم معونة و استثمارات و اعمل و اعمل و اعمل مقابل انكم تعملوا كذا و كذا و كذا , اللي هو بيحصل دلوقت فعلا على المستوى الدولي , اكيد ما ينفعش ما نختلفش

تقبل تحياتي
:)