الموضوع: كورولا - صني - ألنترا

المشاركة الأصلية كتبت بواسطة tarekabosdera

اولا : بالنسبة للمحرك في الالنترا 1592cc doch 16 valve بتكنولوجيا هيونداي المتطورة جدا في استهلاك البنزين cvvt .
Max power :121 hp @ 6200 rbm.
Max torque: 152.8 nm @ 4200rbm.

اما عن تكنولوجيا cvvt فهي تكنولوجيا لها عدة فوائد مبينة بالتفصيل في الملف المرفق للغاوي هندسة سيارات.

ماكينة الالنترا قوية جدا في السحب والتسارع بتاعها ممتاز.
واعتقد ان تسارع الالنترا اكبر من تسارع الكرولا لان الالنترا وزنها اقل من الكرولا .

اعتقد في النقطة ده الالنترا تتفوق على الكرولا في استهلاك البنزين بفارق ولو بسيط.

ثانيا : بالنسبة للثبات . الالنترا ثباتها جيد على السرعات العالية وانا جبت بيها 170 تقريبا وكان ثباتها معقول وعجلة القيادة كانت آمنة جدا وبتتقل مع زيادة السرعة بالتدريج .

لكن اعتقد ان الكرولا تتفوق في الثبات بفارق بسيط لسببين:
- تصميم الايرودينامكس للكرولا يساعد على الثبات اكثر في السرعات العالية لانها اقل ارتفاعا من الالنترا عن الارض والمساحات الجانبية اقل اصطداما بالهواء.
- وزن الكرولا يفوق وزن الالنترا لكن الوزن ليس العامل الاهم في الثبات.

ثالثا : وسائل الامان : الالنترا مجهزة ب 2 اير باج في و abs ,ebd في الاوتوماتك فقط بس ده عند غبور فقط انما الخليجي كله مزود بوسائل الامان .
والالنترا اخدت 5 نجوم من 5 في اختبار التصادم الامامي و4 من 5 في التصادم الجانبي. ده غير ان الالنترا لسنة 2009 هي السيارة الاولي على السيارات السيدان في فئتها بما فيهم الكورلا في امريكا . واخذت المركز الاول ايضا في اختبار الجودة المبدأية لسنة 2009 في امريكا.

رابعا : بالنسبة للالنترا المصرية فهي للاسف بينقصها بعض الكماليات عشان كده هتكلم عن الخليجي

الخليجي الاوتوماتك gls فيها تكييف تتش وطارة multifunction وكاسيت سي دي -مثبت سرعة - تحكم في زاوية ارتفاع وانخفاض الكشافات الامامية - كمبيوتر رحلات - مدفأة تحت المقاعد - نظام التحكم في الثبات الالكتروني esp - - مصابيح ضباب - electric output - الخ ...
تكييف الالنترا فعال جدا وآداءه فوق الممتاز خصوصا الخليجي.
الالنترا صعبة في القيادة لاول مرة لان ابعادها غير واضحة فبتعتمد على التقدير.

خامسا : قطع الغيار والصيانة: النقطة الام التي تتفوق في الالنترا بجدارة على الكرولا.

قطع غيار رخيصة - مراكز الصيانة كثيرة جدا ومعتمدة وبعيدا عن غبور - قلة اعطال الالنترا وسهولة تصليحها لانها تكنولوجيا غير معقدة وانا ذكرت الكلام ده للباشمهندس سبعاوي .

سادسا : بالنسبة للوكيل انا جربته في عربية اخويا وهقول الحق من باب الامانة.

التوكيل ليس سيئ بالصورة اللي الناس مكبراها لكن المشلكلة فقط في الزحام الشديد والضغط على فرع ابورواش . لكن المعاملة جيدة واللي انت عايزه بيتعمل وزيادة.

لكن انا برضه افضل الخليجي لانها افضل في الكماليات ووسائل الامان والتكييف وقوة الدهان . وبدائل غبور متوفرة جدا جدا جدا وعن تجربة.

سابعا: النقطة اللي تحسم المقارنة لصالح الالنترا من وجهة نظري رغم تفوق الكورولا في بعض النقاط. سعر الكورولا يعتبر مرتفع جدا بالنسبة للكماليات والآداء اللي بتقدمه بينما كماليات آداء الالنترا قريب جدا بل يتفوق في بعض النقاط ( زي ما بينت ) وفارق السعر بينهم كبير جدا .

احب اقول اخيرا : ان الجودة والآداء والاعتمادية لم تصبح حكرا على الشركات الكبرى اليابانية فقط كما يعتقد الكثير من الناس . بل اصبح هناك منافسين بنفس الجودة والآداء والاعتمادية او قريبة منها وبسعر اقل بكثير . فاعتقد انه من الغير صحيح اهدار الاموال عشان علامة نيكل ( تويوتا) ...

انا اسف بس فعلا فى كلام كتيييير حضرتك قلته لازم يتصحح ..

و الانا هقوله دة مش رأيي .. دة رأى اجمع عليه الناس من زمان

اولا : استهلاك البنزين : الالنتر لا تتفوق تماما على الكورولا فى استهلاك البنزين .. صعبة اوى دى

ثانيا : موضوع انها الافضل لعام 2009 .. فهى الافضل فى فئتها مش السيدان كله .. عشان لو السيدان كله يبقى بنتكلم فى عربيات زاى الكامرى و الاكورد و ما شابه .. ما كل دول سيدان .. غير كدة انا شايف انهم مش نفس الفئة .. يمكن عشان الفارق السعرى

ثالثا : قطع الغيار و الصيانة : ممكن نبص بصة على اسم "كورولا" و اسم "الالنترا" عند الميكانيكية و محلات قطع الغيار و هتعرف ان الكورولا تتفوق فى النقطة دى

رابعا و اخيرا و اهم نقطة : ازاى حضرتك بتقول ان سعر الكورولا عالى بالنسبة للكماليات و الاداء البتقدمه .. يبقى اكيد حضرتك مجربتهاش .. امال نقول ايه على السيفيك و الشارك ..

بالعكس .. دى حاجة متفق عليها ان كقيمة مقابل سعر فالكورولا هى الافضل .. و انا شايف ان بردو كقيمة مقابل سعر فالالنترا فشلت فى الموضوع دة بعد ما السيراتو نزلت

ملحوظة اخيرة : كلمتين ياريت متزعلش .. انا ملاحظ ان حضرتك متحيز للالنترا او هيونداى بشكل عام .. و دة من كذا مشاركة لحضرتك قبل كدة

المشاركة الأصلية كتبت بواسطة abo samra

معلش انا بقا هختلف معاكم فى الترتيب
1- تويوتا كورولا
2- نيسان صنى
3- هيونداى النترا

الاسباب
بعد امتلاكى للكورولا اكثر من 14 شهرا والوصول الى 44 الف كيلو متر ا
السياره عمليه جدا جدا وبدون اى مشاكل تذكر
والاسباب
1- قوى الفرامل لا تتغير حتى اخر عمر التيل الافتراضى
2- العفشه متماسكه وقويه جدا انا اخدت مطبات وحفر بالسياره اخذتها سيارات اخرى غيرى ومنهم من غير المساعدين ومنهم من غير المقصات ومنهم غير عمود الدريكسيوووون .....الخ واجمل ما فى السياره التصفيح باسفلها يحميك من مطبات المحروسه وفى نفس الوقت يذيد من ايروديناميكيه السياره فى مقاومة الهواء
3- قطع الغيار متوفره فى التوكيل وفى شارع دمشق وفى الحرفيين بكثره
4- انتماء السياره الى اسم تويوتا يجعل من امتلاكها امانا وراحه وطمانيه نظرا للثقه اللى بثبثها تلك الشركه فى وجه عملائها على مر الازمنه فتلك العلامه تتمتع باعتماديه فى سياراتها لا تضاهى وهدف الشركه من سيارتها الكورولا هو تحقيق العملانيه وتلاحظ ذلك من خلال انك تجد ان الكورولا تحقق لك كل ما تتمناه وتجعل الحياه اسهل وابسط ولكن الوسط فى كل شىء اى انك ستجد المقصوره واسعه ولكنها ليست شديده الوسع لان هناك حيزا للشنطه فتتعمد الشركه فى التصميم حلا اوسط للشنطه ووسع مقصورة الركاب
ولن ولم يكن الموتور خارقا فى قوته حتى يكون ااستهلاك الوقود متميزا فى فئته وعلى هذا النحو كان هدق الشركه من جعل تلك السياره هى الاعلى مبيعا فى التاريخ
التعقيب الوحيد هو الفتيس mmt وتم استبداله بالاوتوماتيك



اننى ارى منها بالعشرات فى جامعتى رغم انها ليست سياره شبابيه او رياضيه التصميم ولكن ما لاحظته اتجاه الكثير مثلى اللى العملانيه والوقار اكثر من التصميمات التى تجذب الشباب لها ولكنها ضيقه وواطيه وغير عمليه .......الخ
اسباب تفضيلى للصنى عن الالنترا لان الصنى متماسكه على الطريق اكثر من الالنترا بكثير ولى تجارب مع الالنترا تتجاوز عشرات المرات انها بمجرد مرورها بجانب سياره نقل او السير بسرعه تفوق 140 كم ستلاحظ انحراف اسياره عن مسارها الاصلى والدريكسيون بها لا يثقل على السرعات العاليه مثل الكورولا كم ان صاجها شديد الضعف مقارنه بالصنى والكورولا
اخر حاجه بس محدش يزعل منى انا شايف ان المفروض الكورولا ما تتقارنش مع الالنترا ابدا ولا الصنى مع احترامى ليهم لان الاسعار مختلفه شويه
تحياتى

اتفق معاك في جميع النقاط .

اليابانى الاول والكورى فى الاخر والكلام دة من الاخر ....تعالو بعد 10 سنين واعملوا المقارنه دى....هتلاقيها...

كرولا ......نيسان.................................. ...............النترا

المشاركة الأصلية كتبت بواسطة kareemhisham

انا اسف بس فعلا فى كلام كتيييير حضرتك قلته لازم يتصحح ..

و الانا هقوله دة مش رأيي .. دة رأى اجمع عليه الناس من زمان

حضرتك بالنسبة للعربيات والتكنولجيا مش ثابتة ومتغيرة مع الزمن عشان كده الحكم بتاع زمان ده خلاص بح ... الوضع اتغير بالنسبة لهيونداي 180 درجة في الخمس سنوات الاخيرة

اولا : استهلاك البنزين : الالنتر لا تتفوق تماما على الكورولا فى استهلاك البنزين .. صعبة اوى دى

انا شفت في قسم تويوتا واحد كان بيقول انها بتعمل 200 كم / صفيحة والالنترا بتعمل اكتر من كده بكتير.

ثانيا : موضوع انها الافضل لعام 2009 .. فهى الافضل فى فئتها مش السيدان كله .. عشان لو السيدان كله يبقى بنتكلم فى عربيات زاى الكامرى و الاكورد و ما شابه .. ما كل دول سيدان .. غير كدة انا شايف انهم مش نفس الفئة .. يمكن عشان الفارق السعرى

اقرا كلامي تاني كويس هتلاقي اني كاتب ( في فئتها ) ...

ثالثا : قطع الغيار و الصيانة : ممكن نبص بصة على اسم "كورولا" و اسم "الالنترا" عند الميكانيكية و محلات قطع الغيار و هتعرف ان الكورولا تتفوق فى النقطة دى

قطعيا الالنترا تتفوق لانتشار مراكز الصيانة الورش ورخص قطع الغيار اكتر من الكرولا وسهولة تصليحها لانها تكنولوجيا غير معقدة زي الالماني مثلا وقطع غيار الالنترا ارخص من الكرولا.

رابعا و اخيرا و اهم نقطة : ازاى حضرتك بتقول ان سعر الكورولا عالى بالنسبة للكماليات و الاداء البتقدمه .. يبقى اكيد حضرتك مجربتهاش .. امال نقول ايه على السيفيك و الشارك ..

هي فعلا سعر الكورولا غالي بسبب ان في عربيات تانية وبنفس الجودة والاعتمادية والآداء او قريبة منها وبفارق سعر كبير جدا .

بالعكس .. دى حاجة متفق عليها ان كقيمة مقابل سعر فالكورولا هى الافضل .. و انا شايف ان بردو كقيمة مقابل سعر فالالنترا فشلت فى الموضوع دة بعد ما السيراتو نزلت

انا بتكلم عن موضوع محدد النترا - كرولا. ومتنساش ان الالنترا ... هيونداااااي.

والالنترا الخليجي مش غالية بالنسبة للكماليات اللي فيها وبالنسبة للآداء الممتاز والاعتمادية العالية جدا جدا . ايوة جدا جدا وانا عارف اانا بقول ايه . حضرتك ممكن تنزل السعودية واركب اي تاكسي النترا لان عددهم بالآلاف وبص في عداد الكيلو متر شوف عامل كام( بيبقى فوق ال 200 الف وقد يصل الى 500 الف كيلو في موديلات 2006 و2005 الشكل القديم اللي لسه شغالة لحد يومنا هذا هناك ) وبص على حالة العربية هتعرف يعني اايه اعتمادية الجيل الجديد من مواتير هيونداي.

ملحوظة اخيرة : كلمتين ياريت متزعلش .. انا ملاحظ ان حضرتك متحيز للالنترا او هيونداى بشكل عام .. و دة من كذا مشاركة لحضرتك قبل كدة

ياريت تجبلي مشاركة واحدة تبين فيها اننا مش على حق وان كلامي مجرد تحيز لهيونداي او لالنترا.

المشاركة الأصلية كتبت بواسطة tarekabosdera

ياريت تجبلي مشاركة واحدة تبين فيها اننا مش على حق وان كلامي مجرد تحيز لهيونداي او لالنترا.

انا مقلتش ان حضرتك مش على حق .. هو اولا موضوع ان حضرتك طلعت الالنترا تتفوق على الكورولا فى حاجات كتير .. و دة مش منطقى

و انا قلت ان حضرتك متحيز لهيونداى و دى مش دايما حاجة وحشة .. ممكن يكون تحيز عشان بتحب الماركة و دى حاجة طبيعية .. بس انا قلت لحضرتك كدة عشان حسيت بكدة فى كلام حضرتك

و ياريت متزعلش منى