الموضوع: استفسار بخصوص النوبيرا الاوروبى...

دى كانت بتنزل معاقين
هو الجنط اللى عاليها زى اللى فى الصورة عندى اصل هو دة بتاع النوبيرا 2الاوروبى
ولو مفياير باج ولا اى بى اس يبقى جاية من كوريا الجنوبية زى عربيتى كدة بس انا نوبيرا 1

على فكرة الجنط اللى راكب فى العربية الى فى الصورة شكلة صايع
بس حضرتك بتتكلم على الاستيشن ولا دى صورة بس
اصلى بحس انها طويلة اوى زى التمبرا الاستيشن

ملهاش حل الاوربي دي دي كمان صالونها بيبقي جلد بيج وتابلوها بيج وزراير التكييف تاتش.........عربية رائعة

فعلا انتشرت اوى
البركة فى حوار المعاقين
والله ياجماعة كانت واقفة معايا على 5000 جنية مصرى واركب نوبيرا 2 اوروبى بدل ال1الكورى
كان معايا 30 الف ساعتها وال 2 ب35 الف
فأخد ال 1 ب27 وخلاص ربنا يبارك فيها نصيبى اركب ال1

المشاركة الأصلية كتبت بواسطة hossamdoaaaa

طيب احكى لنا عن تجربتك اشترتها ازاى وايه التفاصيل؟؟

هيا العملية انى سمعت على موضوع المعوقين دة
ساعتها كنت لسة بفكر فعربية وكان معايا فى حدود 30 الف بالكتير
وبالصدفة لقيت الموضوع جة لوحدة عن طريق معاق جار قديم من السكن السابق
فاقولت اتوكل على الله واجيب عن طريقة العربية وابقى اعمل المصالحة فى اقرب فرصة حتى لو هستلف المبلغ دة من حد معين
وكنت اسمع ان فى عربيات شديدة ونظيفة وبتلات ارباع وبنصف تمنها هنا اللى هيا قيمة التخفيض للمعوق
قولت استنظف عربية وخصوصا العربية استعمالا هتكون راقى عن الاستعمال المصرى
كان فى دماغى اكتر حاجة هوندا سيفيك موديل 94او 95 الموديلات دى كدة يا اجيب عربية اقتصادية وعائلاية صغيرة زى الانوس جوليت وقطع غيار هينة تتناسب معايا كاشاب لسة فى بداية حياتة ومجبش لنفسى وجع المدماغ بتاع اسعار اليبانى والالمانى
خصوصا انى عايز اتجوز فلازم الم نفسى عشان اخلص ومورطش نفسى فى سعر قطعة غيار معينة .... خصوصا انها استعمال ومن الموقد مقابلة قطع غيار بتموت معاك عايزة يلزم تغيرها وعدم اهمالها وانا فى ايدى فرصة اكرم واجيب الكورى لانوس
فزى ما قولت شوفت النوبيرا 2 الاوروبى بجد ابهرنى الاوبشن اللى عمرى ماشفتة فى المصرى خصوصا ان الكام عربية اللى شوفتهم منها كان اصحابهم الاساسيين مزودين اوبشن وزراير طارة ولعب جميل وحاجات لازم تشدك ...بس الحمد لله المبلغ كان ناقص وساعتها مكنش فى امكانية انى ازود عن كدة
شوفت النوبيرا 1 عجبتى تقريبا هيا ال2 بأختلاف شكل العربية والصالون ومكنة كورى1500 ب27و1600 اوروبى اوروبى بردة بفتحة سقف. اير باج .اى بى اس . اتوماتيك ب 30 وانا مكنتش عايز عربية اوتوماتيك استعمال لأنى احفز الاوتوماتيك يكون زيرو
اخدت واحدة نوبيرا1 كورى الحمد لله بعد اللف على اشكال واللوان واحجام من العربيات فى السوق الحرة
وكان ساعتها فى لعب فى عربيات عربيات حوادث بتتشد فى ورش وتيجى تدخل فى ضمن العربيات السليمة
فاكانت عملية فحص السيارة مهمة دة لو لو حكمت انك تاخد عربية كأساسيات فابريكة بالكامل وخواجة من بلدها فى الاتخاذ جودة التقفيل ومش مهم ساعتها المكنة هترميها وتسقط واحدة تانية تخلى العربية ترجع لشبابها
وفى عربيات كأستعمال متاخد خيرها بس مكنة فايقة والعربية استهلكت دواخل وصالون..... فا كان بلنسبة ليا الاساسيات والدواخل والخوارج تكون فابريقة عن انى ادور على مكنة وخلاص .. لو على المكنة انت ممكن تصنع مكنة( صعرانة) من متور مفوت بعد عمل عمرة وشوية وفسسسسسسسسس مفيش مكنة
ربنا وقعنى فى عربية بنت ناس لأنى كنت رايح لجراج فى واحد بين اخوة معرفة شديدة لوالدى هو اللى ورانى شوية عربيات اساسيات ودواخل وخوارج ومكنة نظيفة.. يعنى كدة مستوى الاستعمال للاستيراد كان 3انواع عربية مكنة واساسيات ودواخل وخوارج_عربية دواخل اساسيات ودواخل وخوارج ومكنة تعبانة_عربية اساسيات مشكوك فى امرها دواخل تحس انها متاخد خيرها وكانت بتتعامل كأنها كانت هتترمة بعد الاستخدام وخوارج نظيفة مش مهم دى اتظبتت فى اى ورشة وجت

هو الحمد لله كسبت حالة عربية عامة نظيفة متحافظ عاليها واضحانها كانت مع شخص رايق ووكور
وبردة تقريبا بنفس سهرها هنا بعد ما دفعت كل مليم وجميع الاجرائات لحد ما حولت المليكة وبقت بأسمى وملهاش علاقة بالمعاق خلاص


عشان خاطر حضرتك والله قعدت فكرت شوية فى الايام دى وجمعت من دماغى شوية الاحداث دى ضمن الزحام اللى جواها
بس على فكرة موضوع المعوقين خلاص مبقاش ولا مجدى ولالية لازمة ويعتبر اتقفل خلاص
ومبقاش فى عربيات زى الاول ودلوقتى معظم العربيات دى بتتقطع دولوقتى وبقت انصص واربع وقطع غيار
ولسة حاسس ان اسعار قطع الغيار الاستيراد هتبقى برخص التراب بعد كدة الله اعلم ياريت تكون مصلحة