عرض للطباعة
السلام عليكم
زوج اختي بفضل الله اشتري ماتريكس 2008 اوتوماتيك من حوالي اسبوعين ب 90000 ... لكن من ساعة ما اشتراها و هو بيسمع كلام كتير عن عيوب الفتيس الاوتوماتيك في الماتريكس و الهونداي عموما ... لكن مفيش حد قدر يقولله ايه العيب بالضبط ... كل الكلام علي طريقة ( ما تجيبش اوتوماتيك بيقولوا عليه مش كويس )..
فهل هذا الكلام صحيح ؟؟ و هل يوجد مشاكل معروفة و مجربة لهذا الفتيس ؟؟؟
رجاء الافادة
مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى
نفض
ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم. :D
لا توجد من الفتيس بتاع الماتريكس اي مشاكل
بص انا عندي 6 عربيات ماتريكس في العيلة و الاصحاب كلهم اتوماتيك
مفيش حد اشتكى نهائي
و كذلك في الصيانة عمري ما شفت حد اشتكى منه
ممكن الفرنا علشان التقفيل يكون في لعب او عك من اي نوع
بس كده
خطر جدا موضوع عدم ضبط كمية الزيت في الفتيس الاوتوماتيكاقتباس:
المشاركة الأصلية كتبت بواسطة abo3bdolrahman
لأنة لو ناقص حايحرق الكلاتشات
و لو زايد الاويلسيلات حاتضرب
بس معلش سؤال رزل شوية: حضرتك عرفت منين ان الفتيس كان بيسخن زيادة معاك ؟؟
هل فية لمبة حساس لزيت الفتيس بتضيء إن حرارة الزيت ارتفعت؟؟ لا اعتقد ان دي في الفيرنا, برغم انها عندي في الفرونتيرا, و اعتقد انها بس للعربيات ال 4*4 لأن فتيسها خدمة شاقة للعمل في الصحراء و طرق غير ممهده فممكن يسخن نتيجة قسوة الاستخدام
هل حضرتك جسيت الفتيس بإيدك بعد مشوار؟؟, برضة مش معيار اعتقد لانك مش حاتبقى عارف الحرارة الطبيعية لة و الحرارة الزايدة, هل التوكيل هما اللي قالوا لحضرتك ان الفتيس سخن زيادة ؟؟
السحبة احنا متعودين بس الخوف كان من الفتيس ..بالاضافة لفرحة العربية الجديدة اللي قلبت قلق و خوف ... شكرا لكاقتباس:
مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى
نفضتاقتباس:
نفض
شكرا علي النصيحة القائمة علي تجربة .. و علي فكرة ..انا كنت مرة راكب لانسر اوتوماتيك .. و كنت حاسس بخونة الفتيس بجانب ساقي اليمين .. ممكن يكون نفس السبب؟؟اقتباس:
ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم.
ربنا يطمن قلبك ..اقتباس:
لا توجد من الفتيس بتاع الماتريكس اي مشاكل
مافهمتش غير السطر الاول بس !!!! :!: :!: :?: :?:اقتباس:
خطر جدا موضوع عدم ضبط كمية الزيت في الفتيس الاوتوماتيك
لأنة لو ناقص حايحرق الكلاتشات
و لو زايد الاويلسيلات حاتضرب
وفيه صوت زنة عند النقل من ال nالى ال d r صوت ززززززززززززتيكاقتباس:
سحبتة مش جامدة اوى
هل عندك الصوت ده بعد مشوار مش لما تكون العربية بارده
العربية بتاعة زوج اختي ..اساله و ارد عليك... و ان كنت اتخيل مسبقا انه مش بياخد باله من الحاجات دي ما دام العربية بتمشي ... لكن اساله برضهاقتباس:
وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده
هو زيت الفتيس بيتغير كل اد ايه ولا مش بيتغير ويتزود عليه بس واى نوع زيت افضل للاتوماتيك وشكرا
أحسن شيء علشان تصون الفتيس الاوتوماتيك انك تهتم قوي بتغيير زيتة كل 10000 كيلو بالكتير 12000 و تجيب زيت مضمون, انا مثلا مش باثق إلا في زيت شل ديكسترون (علبة سوداء عليها تكت اخضر صناعه كندي ب17 جنية اللتر) و تشترية بس من محطات شل ومش من بتوع الزيوتاقتباس:
المشاركة الأصلية كتبت بواسطة شريف شعبان السيد
و تغير فلتر (صفاية) الفتيس الاوتوماتيك كل 60 الف كيلو
و اوعى تنقل من الريفرس للدرايف الا و العربية واقفة تماما
او تجيب الباكنج و العربية ماوقفتش تماما
و اوعى تقطر العربية الاوتوماتيك بتاتا مهما كانت الظروف سواء حادث او عطل
إلا لو كانت دايرة
و الافضل ترفعها على عربية او تقطرها بونش بس العجلتين اللي عليهم الدفع يكونوا مرفوعين (الاماميتين يكونوا مرفوعين من قدام لو عربية كبالن يعني) مش تقطرها بعربية و العجل بيلف و الموتور مبطل
لأن دة يبوظ الفتيس لأنة برضة بيلف مجموعه حركة حتى لو العربية عالمور و بتبقى طلمبة الزيت طافية لأنها بتلف مع دوران المحرك
ما شاء الله...نعم النصائح ...لكم جزيل الشكر
اقتباس:
المشاركة الأصلية كتبت بواسطة hk_52
ياباشا اللانسر موتورها بالعرض و على كبالن
يعني الموتور عاليمين و الفتيس عالشمال
الكلام دة لو العربية كردان (موتورها بالطول) يبقى الفتيس ورا الكونسول و تحس بالسخونة جنب رجلك أة :wink:
يا ادهم باشا... انا كان قصدي ان السخونة بتكون في المكان اللي عصاية الفتيس بتتحرك فيه .. و باشعر بيها في ساقي لان ساقي ( و ليس قدمي ) بتكون خابطة في الفتيس لاني من طوال القامة...
لكن برضه مايمنعش اننا نقول مرة تانية : نعم النصائح .. و نعم الخبرة .. و لكم جزيل الشكر
انا عندي فيرنا اتوماتيك
و عند المدام برده فيرنا اتوماتيك
و الإثنين 1600 و الإثنين لونهم سماوي
شفت الملل ...................
مفيش أي مشاكل إطلاقآ من الأتوماتيك بتاعهم
ما شاء الله لاقوة الا بالله . . هو ده اهم مقومات الزواج الناجح...التوافق :)اقتباس:
انا عندي فيرنا اتوماتيك
و عند المدام برده فيرنا اتوماتيك
و الإثنين 1600 و الإثنين لونهم سماوي
شفت الملل ...................
مفيش أي مشاكل إطلاقآ من الأتوماتيك بتاعهم
_________________
ربنا يباركلكوا في العربيتين .. و يرزقكوا باتنين مرسيدس ...قول امين
و الله هيا جت كدهاقتباس:
هو ده اهم مقومات الزواج الناجح...التوافق :)
قلنلها يا ستي متجيبي شاريد و لا بيكانتو علي قدك
قالتلي لأ عشان تعملي الصيانة،،،
استغلال ......
اللون السماوي من عجائب غبور إنك لا تستطيع إختيار اللون ،، كفاية تختار الموديل :mrgreen: :mrgreen:
الفرق إنها بتعمل 500 كيلو في الشهر و انا بعمل 2000 كيلو و مبترضاش نسافر بعربيتها ،، عربيتها للمشاوير الخاصة بيها بس ،
استغلال
أنا حبيت أقولك التجربة كاملة :mrgreen: :mrgreen:
بس للحق هيا كده موفرة مصاريف باص المدرسة ....... :mrgreen: :mrgreen:
و الله موضوع عربية الزوجة ده محتاج موضوع لوحده ،،،
خلي الواحد ساكت .......
مرة اخري : ده من اهم مقومات الزواج الناجح .. الاستغلالاقتباس:
قالتلي لأ عشان تعملي الصيانة،،،
استغلال ......
و بوس ايد شعر و دقن علي راي اللمبي .. و كويس انك اخترت الموديل اصلا .. كان ممكن يخليك تختار الكاوتش بس ... و بعدين كويس انه سلمك العربية من الاساساقتباس:
اللون السماوي من عجائب غبور إنك لا تستطيع إختيار اللون ،، كفاية تختار الموديل
حاضر :? :? :? :?اقتباس:
خلي الواحد ساكت .......
ياباشا و الله فاهم قصد حضرتكاقتباس:
المشاركة الأصلية كتبت بواسطة hk_52
بس اللي عاوز اقولهولك ان دي سخونة الموتور مش الفتيس
المكان اللي العصاية أو ال (Selector) بتتحرك منة دة واصل منة سلك (كابل) لغاية الفتيس اللي هوة بالضبط راكب بالعرض مع الموتور افتح الكبوت و بص عالموتور حاتلاقية قدام اللي قاعد جنبك و الفتيس متركب فية بالعرض و يبقى تقريبا في نص حوض الموتور و شمالة شوية
لكن العربيات اللي موتورها بالطول هيا اللي بيبقى الفتيس فيها تحت الكونسول و العصاية راكبة في ترباس الفتيس على طول
شاكرين يا باشا علي الشرح و التوضيح ..
[/quote]وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده[/quote]
الصوت دة عندى برضة بس أعتقد انة عادى
الموديل اللى عندى 2006 السحب كويس بس احيانا مبينقلش على الترس الرابع و اسمع صوت عالى للموتور و فى هذة الحالة بأضغط مرتين على الزر اللى فى الفتيس و ما رحتش للصيانة لأنى عارف انهم مش هيقدموا و لا يمكن يأخروا.
واضح انك بتستخدم زر ال odاو الاوفر درايف بالعكساقتباس:
بأضغط مرتين على الزر اللى فى الفتيس
الصح انك على طول تكون مخليه فى وضع التشغيل يعنى داخل لجوه وتكون لمبة ال odفى التابلوه مطفيه
طيب انا عندي ماتركس اوتوماتيك موديل 2008 عاملة 30000 كم وفحصت زيت الفتيس لقيته لونه ابيض خالص مع انه المفروض احمر وحسيت انه ناقص ،، يا تري لو فكرت اغيره ونزلته كله احط كام لتر بأه من الزيت الشل ده وبيتقاس صح ازاي ناس بتقول على ال دي وناس بتقيسه وهوا على ال ان ،، افيدوني يا اهل الخبرة