عرض للطباعة
السلام عليكم انا كنت عايز الافاده من اطباء المنتدى وكمان المجربين الموضوع دا
اولا انا وزنى 85 وطولى 172 طبعا مع الانشغال و و وو وصلت للوزن دا فكنت عايز اعرف افضل حاجا ايه الجيم ولا الجرى وكمان كنت عاز اعرف حزام الوسط دا حلو ولا مضر وفعلا بيسبب ترهل عضلات
الجيم و الجري عمرهم ما هيضروك .. حاول تجري كل يوم أو يوم و يوم لو ينفع و إنزل الجيم 3 مرات في الأسبوع .
بس أهم حاجة و إنت في الجيم تخلي في دماغك حاجة .. إنك بتلعب لياقة بدنية مش رفع أثقال ! عشان فيه ناس الجلالة بتاخدها شوية في موضوع الأوزان و بيبقي كل همها تلعب بوزن كبير حتي لو غلط .
سيبك من الحزام دة لأن كل اللي بيعملة انة بيسخن المنطقة اللي بتلبسة حواليها
فا الجسم يفرز عرق علشان يبردها
يعني دي مياة مش دهون وبمجرد ما شربت خلاص ولا كأنك عملت حاجة
انا مره اخدتني الجلاله واشتركت في جيم ودفعت اشتراك شهر بحاله
روحت يوم واحد بس
وعليها قولت الوقت اللي بضيعه في الرياضه وتعبها
ممكن انام فيه او اشرب سجاير
فكرت اروح لبتاع الشاورمه واتعلق في السيخ والف معاه
والدهنه تنزل بس مش لاقي وقت
وقعدت اقول الجيم بعيد واستني لما يفتحوا واحد قريب
لحد ما فتحوا واحد في الشارع اللي جنبي
بس الكسل مخليني استني لما يفتحوا واحد تحت بيتنا علشان اروحه
و احتمال تفضل كسلان لحد ما يفتحولك واحد جوه الشقة :mahf(5):اقتباس:
المشاركة الأصلية كتبت بواسطة shnory
متقلقش مفيش احسن من قعدة القهاوى :verygood:
بص عن خبره انا كنت 79 و دلوقتي الحمد لله 61
الرجيم و الجري هما اكتر حاجتين بتخسس
الرجيم هينزل الدهون و الجري هيخلي الجسم مظبوط او زي ما بيقولوا ممشوق
عليك بتخصيص ساعة يوميا للمشى
حاول تقلل أكلك وليست نوعيته لان الجسم بيحتاج للتنويع
يعنى اذا بتاكل طبق رز مثلا يبقى لازم يبقى نصفه بس
لازم يكون ليك وجبة من الفواكه او الخضروات بس بشرط ما تكون بعد اى وجبة رئيسية
اشرب مية حوالى من كوب لاتنين قبل الوجبة
اهتم بانك تكون مشغول فى شىء بتحبه فترة ما بتحاول تنظم او تقلل أكلك لان ده نفسيا هيساعدك كتير
حاول تكون وجبة العشا حوالى الساعة 7 او 8 بالكتير وبعدها ممنوع تاكل اى شىء وكمان تكون خفيفة
لو زبادى او فواكه هيكون افضل
التفااااااااااااااااااااا ااااااااااااااااااااااااا ااح الاخضر سبيلك لاى صحة حتى لو هتاكل منه باى كمية
الاكلات او نوعية الاكل اللى انت بتحبه حاول يكن عليه علامة حمرا بمعنى لو حسيت نفسك هتضعف يبقى بس دوقه ومش تاكله يعنى
وان شاء الله توصل للوزن المطلوب فى اسرع وقت
ودعواتى لك بالتوفيق
((( على فكرة ده نظام اتبعته واحدة صاحبتى ولم تخالف وكانت بتاكل كل شىء لكن الكميات كانت قليلة مع المواظبة على المشى ومنعت وجبة العشا خالص ))))))) وفعلا نزلت بصورة ملحوظة
اولا برحب بيك
انتا بتقول حزام يعنى عندك كرش
فعلا الحزام دا ترويجى اكتر وهدف تجارى
مالوش اى ثلاثة لازمة
انتا المهم تتوكل على الله
وتروح جيم
بطل كسل بقا ههههههه
اه انتا كسلان انا عارف
يا سيدى دى صحتك
ركز وشوف
والله مش هتندم لو روحت الجيم
وهتخس يعنى هتخس
مش قاعد بالحزام رابطة ومستنى
الجيم رياضة جميلة ومن الرياضات
اللى فعلا بتبان على الواحد
انزل وبطل كسل
والسلام عليكم ورحمة الله وبركاتة
المشي والمشي ثم المشي
خليها عادة 1\2 ساعة يوميا او ساعة يوم بعد يوم
قلل اكلك شوية
الدهون امنعها نهائي
المقليات بلاش منها
خليك في البانيه المشوي وقطع جنبه حلقات طماطم وبصل وفلفل وعيش حياتك مع الشوي
خللي يوم في الاسبوع علي الاقل سمك
الارز قلل منه
المكرونة برده قلل منها
لو هتاكل في الغدا نشويات ما تكلش معاها بروتين والعكس
فاكهة طبعا
ما تكترش من الطماطم عشان الاملاح
اديها ميه
اخيرا ممكن تشرب شاي رجيم اسمه رويال بس خللي بالك بطنك هتلعب جامد
أخى العزيز
هقولك كلمة دايما خليها فى بالك "التغيير مدى الحياة"
اول حاجة خلى عندك هدف والهدف انك تحافظ على صحتك زى ماأمر الاسلام علشان تاخد على النيه ده أجر باذن الله
تانى حاجة لو فضلت لمده سنة واحدة بتعمل مجهود رياضى زى المشى لمده 40 دقيقة لمده خمس ايام فى الاسبوع
او الجرى لمده 30 دقيقة لمده 5 ايام فى الاسبوع
الجسم بيفرز المورفين الطبيعى بعد كل نشاط بدنى علشان يخفف الام العضلات والجسم بيتعود على كده وتبدا تحس بريلاكس وصفاءالذهن
وبالتالى بعد سنه واحدة من بذل النشاط الرياضى هتلاقى نفسك اتبرمجت بقيت حياتك انك تمارس النشاط الرياضى نتجيه تعود جسمك على المورفين الطبيعى ومش هتقدر تستغنى عن النشاط الرياضى
وده بيسموه الادمان الايجابي
الفوائد اللى هتعود عليك
ضغط دم طبيعى
قلب قوى
تقليل فرص الاصابه بمرض السكر
نشاط ذهنى وبدنى
وعلشان تبدا
لازم تعمل ريجيم تنزل فيه وزنك الزايد
مع الرياضه (مشى او جرى)
صدقنى هتحس انك مختلف هتلاقى نفسك بتعمل حاجات مكنتش تتوقع انك تعملها، هتلاقى نفسك اكثر شبابا ، اكثر ثقة فى نفسك ودايما هينتابك شعور بالرضا عن مظهرك
زى ما الاجانب بيقولو تغيير نمط الحياة life style change
صدقنى هتحس بفرق كبير والكلام ده كله مبنى عن تجربه شخصية
"التغيير مدى الحياة"
موضوع جميل و حاينفع ناس كتير
و أنا أولهم !! عشان نفسي أخس
كل الكلام اللي قالوه الإخوة هنا قيم جداً فيما يخص الأكل و الرياضة و إن شاء الله هيفيدك جداً بس تعليقي على موضوع الجري، إن الجري مع الوزن الثقيل ممكن مع الوقت يعملك مشاكل في غضروف الركبة أو ديسك بالظهر لا قدر الله.
أنا بقول كدة من تجربة شخصية أنا كنت بجري لحد سنتين فاتوا 8 كيلو 3 مرات في الإسبوع يعني تخيل 8000 متر يعني وزن الجسم كله بيدب على كل ركبة حوالي 4000 مرة أو أكثر(تقريباً يعني) و ناس كتير حذرتني من كدة و نصحتني بالمشي بدل الجري بس النتيجة إني جالي غضروف في الركبة الحمد لله و الدكتور قالي ساعتها إن الجري عامة مش محبذ خصوصاً لو سنك فوق التلاتين و بيعرض لإصابات و إجهادات كتير.
عموماً أنا دلوقتي بمشي بس و على فكرة ميزة المشي السريع كمان إنه مفيد جداً للقلب ككـ Cardio Exercise بجانب تنشيط الجسم كله بدون إرهاقه بصورة تؤذيه..
فا يا ريت تاخد بالك من الحكاية دي و لو مصر على الجري ممكن تستنى لما وزنك يقل شوية و تقوي عضلاتك خصوصاً الظهر علشان الفقرات.
و ممكن تبص علىالموقع ده مفيد جداً:
http://www.thewalkingsite.com/faq.html
طبعاً يا ريت أطبارء المنتدى يدخلوا و يفيدونا أكتر في الموضوع ده.
اقتباس:
المشاركة الأصلية كتبت بواسطة محمد عز
اول مره اققرا كلام يمزجنى على المحافظه على الصحه
تسلم ايدك
اولا شكرا لكل اخواتى الردوا عليا وفعلا انا روحت الجيم بس المشكله ان الكابتن بتاع الجيم قالى انتا مش محتاج تخس قالى احنا نبنى عضلات وقالى انهاردا تكسير عايز اعرف رايكو اسمع كلامه ولا لا وبيقول كمان 85 مش كتير مش فاهم ازاى
لا ماتسمعش كلامهاقتباس:
المشاركة الأصلية كتبت بواسطة mohammedsaid
ده كفتجى
يعنى انفض للجيماقتباس:
المشاركة الأصلية كتبت بواسطة human12
لا مش كفتجي ولا حاجة هو يقصد انك عشان تشيل حديد محتاج انك تاكل كويس و الجسم محتاج تغذية سليمة و هو عشان كده قالك كده فابدل ما تاخد في ادويه الي هي بتتباع في الصيدلية لبناء عضلات انت مش محتاج لده هو يقصد كده و بعدين انت من نفسك قلل اكلاك و برده العب في الجيم و هتشوف الفرق . بس كان عندي لحضرتك سؤال هو الجيم ده فين و كام الاشتراك بتاعه , يارب نسمع عنك كل خير
الجيم فى المنيل بس معرفش اشتركاه بكام الحصه ب10
وكنت عايز اسال اطباء المنتدى ايه هوا الامينو الى عايزنى اخده دا
اقتباس:
المشاركة الأصلية كتبت بواسطة mohammedsaid
حضرتك انا مش طبيب لكن اسمح لى اقول لحضرتك شوية حاجات يمكن تفيدك
اولا بخصوص الامينو اسيد اعمل بحث على الانترنت وهاتلاقى معلومات بالعبييييييييييييييط ونصيحتى اياك تاخده مع العلم انه مش هايأذيك
ثانيا فى معلومة نادرا ما فى شخص بيعرفها - المفروض ان حضرتك تكتشف جسمك وتعرف انت عايز تعمل ايه وهيه ديه خلاصة 4 سنين فولى بول + 4 سنين كمال اجسام + 9 سنين لياقة عامة
بخصوص الكابتن اللى عايزك تلعب كمال اجسام اغلب المدربين اللى موجودين فى اى جيم بيكونوا هواه ومهوسييييييين بالحجم والضخامة - علشان كده قال لك تاخد امينو علشان يقسم جسمك ويساعد على زيادة قدرتك على التمرين
طيب انت تعمل اية؟؟؟؟؟؟؟؟؟؟
نرجع للنقطة الاساسية لازم تعرف جسمك
بخصوص الرياضة اغلبنا اتربى بشكل خاطئ ومفاهيم غير سليمة - بالنسبة ليه الرياضة هيه صحة احسن / فقط لاغير
هاتقولى انا عايز اخس علشان المظهر العام - أو عايز العب كمال اجسام علشان حمام السباحة والشاطئ................. كل واحد له تفكيره لكن المهم تعرف ايه هيه عواقب اى حاجة هاتعملها
لو اخدت أمينو ومكملات غذائية وجسمك قابل للزيادة يبقى حضرتك بتلعب بقنبلة موقوته
هاتلاقى ناس تقولك لازم تمشى كتييير - وناس تانيه هاتقولك مفيش غير الجرى - وناس تقول الجيم - الرجيم - أدوية التخسيس - كريمات التخسيس - تقليل الوجبات.................... طيب انت فين من كل ده
انا واحد من الناس بقدر اتحكم فى وزنى زى ما انا عايز ......... طيب ازاى - صدقنى مش هاتفرق معاك لو قلت لك لأن اللى بينفع معايه مش بالضرورى ينفع معاك
لازم حضرتك تجرب بنفسك وتلغى كلمة انك تصبر على التمرينات وتعتبرها جزء عادى من حياتك
فاضى النهارده هاتمرن
نفسى أكل أكله تقيله هاكلها لأنى عارف انى هاحرقها فى التمرين
اختار لحضرتك اى طريقة تمرين سواء مشى - جرى - سباحة - اجهزة فى البيت ...... لكن مهم جدا انك تروح الجيم ولو مره واحده فى الاسبوع وتلعب على كل الاجهزة وبدون استخدام وزن ثقيل
والله حضرتك انا الناس شبه بتتريق عليه وانا فى الجيم من الاوزان اللى بلعب بيها - يا جماعة انا عايز صحة كويسة وبس - ولا بأحلم انى اكون ارنولد أو بلطجى - ولا عايز اطلع فى علانات الملابس وانا جسمى متقطع وعروقه ظاهره
العب لنفسك وصحتك - والعب الحاجة اللى بتحبها ونظم أكلك وان شاء الله هاتبهر من النتييجة
اعتذر على الاطالة
شكرا جدا يا ابو مروان على المعلومات الجميله ديه برغم ان فيه حاجات مبهمه انا عايز افهم ليه لو اتمرنت وخدت الامينو دا يبقى بلعب بقنبله موقوته ديه اهم نقطه عندى لان كل الناس شجعتنى وقالتلى جسمك حلو والعب وقسم
انا عاوز ارد على حضرتك فى موضوع الامينو دا
انت اصلا وزنك ازيد من اللى انت عاوزه فليه تاخد امينو
انت جسمك فيه شحوم ودهون هتتحرق فى التمرين
90% من الناس اللى بتاخد امينو هما اللى بيلاقوا صعوبه فى اكتساب الوزن او عاوزين يعملوا عضلات بسرعه
ودا غلط جداا
لان المركبات الموجوده فى المواد دى بتترسب فى اجهزه الجسم زى "ألكبد -الكلى" ودا غلط جدا
العب جيم وشيل اوزان متوسطه واجرى
هتلاقى وزنك نقش فى خلال 6 شهور للمعدل اللى انت عاوزه و هتكون اكتسبت لياقه وعضلات شكلها متناسق مع جسمك
واياااك والادويه والامينو والكلام دا
محمد عز باشا بيقول كلام زي الفل .
اوعي تاخد امينو خالص
و نصيحة شوفلك جيم تاني
فعلا اغلب الكاباتن اللى فاتحين صالات معندهمش اى معلومات صحية ابدا .
انا كنت بتمرن فى جيم و صاحبه معاه شهادات عالمية و صور مع مشهورين فى كمال الاجسام و اشتراك غالى , طبعا يديك ايحاء انك داخل تتمرن و انت واثق تماما من نفسك . و ده غلط .
الناس دى بتعرف تكبر عضلات و تضخمها , لكن معلوماتهم الطبية عن الجسم قليلة جدا جدا جدا ..
انا بقي نفسي ازود وزنى و برده مش عايز انزل جيم و نفسي الاقى حد بيفهم او دكتور تغذية يكون ابن حلال يقولى على نظام غذائي يجيب نتيجة كويسة .
ربنا يسهل بقي :)
محدش يعرف طيب جيم كويس فمصر الجديدة او مدينة نصر؟؟!
بس يكون مش غالي قوي يعني
أخو أحد أقرب أصدقائي جاله سرطان بسبب الإستخدام الخاطئ للحاجات اللي بتتاخد للجيم دي زي الأمينو و غيره بس بصراحة معرفش كان بياخد إيه .. بس باقي صحابنا اللي كانوا بياخدوا أول ما ده حصل قطعوا تماماَ و راحوا كشفوا .. مفيش أحسن من إنك تسيب جسمك طبيعي و تزبطه بالرياضة و تنظيم الأكل .. غير كدة أكيد هيبقي فيه ضرر .
و دي حاجات لبتوع كمال الأجسام .. إنت عايز تخس !
شوف يا محمد باشا بخصوص الامينو فيه منه انواع كتيييييييييييييييير جدا وفى الاغلب مش بيكون أمينو اسيد وبساقتباس:
المشاركة الأصلية كتبت بواسطة mohammedsaid
بيكون أمينو ومعاه حاجات تانية مساعدة زى الكرياتين والجلوتامين.............الخ
طيب ايه هيه الحاجات ديه - ده موضوع يطول شرحه بشكل مفزع
طيب فين المشكلة؟؟؟؟؟؟؟
مفيش اى مشكلة لو حضرتك هاتاخد الامينو اسيد ويكون حاجه مفيهاش اى ضرر وتاخد بكميات بسيطة وقبل التمرين فقط يبقى مفيش اى مشكلة وبالعكس الموضوع هايكون مفيد جدا جدا جدا ليك
طيب اى اللى بيحصل
كل الناس بتبدأ بشكل بسيط فى المكملات الغذائية - بعد كدة تبدأ تزود فيها شوية - بعد كدة تزود كتييييييييير - بعد كدة يبدأ يتحور الهدف من صحة ولياقة عامة الى كمال اجسام أو رفع أثقال - بعد كدة يجى دور المنشطات اللى بجد اللى بتتحول لأدمان فعلى - بعد كده يبدأ اللاعب يزهق من التمرين - بعد كده تبدأ المصيبة الكبرى سواء بخصوص المظهر الخارجى أو بخصوص وظائف الجسم الداخلية
علشان كده انا نصحتى لحضرتك
كل أكل صحى
وأتمرن فترات طويلة نسبيا لكن مش تمرينات قاسية هاتلاقى نتيجة مفرحة ان شاء الله
حضرتك فاكر معلومة ان كل الناس مش زى بعضها صح
عل سبيل المثال أنا وانا بعمل دايت باكل فى الغداء محشى بكميات مفزعه ولحوم وبعدها كمية عصير لاتقل عن 3 أو 4 أكواب........... وبرضو باخس ////////فى رأيك ليه ؟
ارجع للمعلومة الاساسية اعرف جسمك وجرب مره واتنين وثلاثة .....وعشرة ........ وألف ........ لغاية لما توصل لهدفك
وانا عارف ان الكلمة ديه ممكن تكون غريبة شوية لكن حاول تحسن صحتك وتتمرن وتعمل كل حاجة بنية انها لوجه الله تعالى.......... ووالله مش هاتندم وربنا هايبارك لك ان شاء الله فى كل حاجة بتعملها
موضوع جميل الصراحة و غني بالمعلومات
يا جدعان دلوقتى انا عايز الافاده منكم لانى حاسس انى هنساق ورا انسان كل همه الضخامه
يا جدعان دلوقتى انا عايز الافاده منكم لانى حاسس انى هنساق ورا انسان كل همه الضخامه حتى لو عضل دهون اى حاجا دا كابتن الجيم البيحلفلى ان جسمى حلو وانشف واخد الامينو وبس سؤالى بالتحديد هوا الامينو دا ليه اضرار تانى سوال بالتحديد انا يمكن شايف ان جسمى شغال بس منطقه الاجناب المش عجبانى هل حد يعرف تمارين بالتحديد لتخسيس هزه المنطقه