السلام عليكم
هحكيلكم تجربتي مع الفيشة السحرية
روحت ونزلت دورت علي الفيشة بس طبعا مكنتش هدخل في حوار اني افك الكرسي
رجعته لورا للاخر ولاقيت فعلا قطعة مربعة متخططة في الموكيت
قلت بلاش اقطعها دورت جنبها لاقيت خط بس ده مقطوع جاهز
دخلت ايدي من غير ما اشوف وقعدت ادور بايدي لحد اما وصلت للفيشة واللي عرفني انها فيشة الاوكتين اني حسيت انها لازق عليها ستيكر زي اللي في الصور
حاولت اشد الفيشة منها معرفتش لان المكان يكفي ان ايد واحدة بس هي اللي تدخل
بعدين جتلي فكرة اني ازق الفيشة في اتجاه العتب لاقرب مكان من العتب
وشلت العتب ودخل ايدي وفعلا وصلت للفيشة من ناحية العتب وقدر اتحكم فيها
شلت الفيشة منها وبكده بقت 91
وطلعت اجرب (انا مكنتش لسه فولت يعني البنزين عندي كان 90)
حاولوا كده تتخيلوا انا حسيت بايه بعد ما شلت الفيشة
حسيت ان العربية بقت حاجة تانية خالص
ويدور في دماغي افكار ان العربية دي مش بتاعتي
مش ممكن دي عربيتي........العربية بقت عايز تجري لوحدها ومش مخنوقة خالص زي الاول
حسيت اني ركبت موتور 1600 زي بتاع الفيرنا (معلش متاثر بالفيرنا عشان بركبها كل يوم..بس مش انا اللي سايق..عربية الشغل)
يا جماعة فعلا العربية بقت عايزة تتطير من علي الارض ومبقتش قادر اتحكم فيها لدرجة اني فكرت اني اركب الفيشة تاني (ده كله وانا لسه مفولتش 92 والتانك بيشطب)
طبعا انا جربتها في مشوار بتاع 6 كيلو لاني بحب افول من بنزينة وطنية جديدة
المهم فولت ورجعت بس حسيت وانا راجع ان سحبها اقل شوية من لما كان فيها بنزين 90
هل معني كده اننا لما نشيل الفيشة ونفول 90 احسن من 92
عايزين تفسير للموضوع ده يا محمد باشا ممدوح يا مسشارنا