تمام ياشباب
انا بس عايز اركز على نقطة التجار الافراد اللي بيتاجروا في بيوتهم علشان يقنعوا الناس ان العربية دي بيتي وبعدين يلبس
والناس دي مضبطة في المرور ووالشاري مابيعرفش يوصل لمعلومات عن العربية الابعد مايشتريها
عرض للطباعة
تمام ياشباب
انا بس عايز اركز على نقطة التجار الافراد اللي بيتاجروا في بيوتهم علشان يقنعوا الناس ان العربية دي بيتي وبعدين يلبس
والناس دي مضبطة في المرور ووالشاري مابيعرفش يوصل لمعلومات عن العربية الابعد مايشتريها
انا بقى حصل حوار مع صاحبى بس نصب على مستوى عالى.
هو كان بيدور على لانسر 1600 حالتها نضيفه المهم تاجر صاحب والدة جابله عربيه موديل 2006 و تشوفها تقول عروسه و راح رفعها فى بنزينه قالوا العربيه حكايه المهم اتوكل على الله و اشتراها.
وبعد ما خادها بحوالى اسبوعين قال اروح اعمل طقم سرفيس المهم بعد ما ركب السيور و الراجل بيظبطله العربيه على الكومبيوتر .كل ما الراجل يظبط الموتور تقعد تبرجل و تكركر و تعمل البدع المهم الراجل قام قالوا طب هنجرب نظبطها على 1300 المهم الراجل ظبطها على موتور 1300 فعلا مشيت حلاوة قام قالوا الموتور دة 1300مش 1600.
طبعا صاحبى كان هيموت من الصدمه الراجل قالوا طب هنتأكد اصل انا شاكك فى حاجة .المهم المفروض ان العربيه كلها فابريكه برة قام الراجل جاب جهاز صغير بيقيسوا بيه كفائة الدهان و حطه عند الحته اللى عليها رقم الشاسيه لقى ان رقم الشاسيه ملحوم و متاخد من عربيه تانيه.
المهم صاحبى قام واخد العربيه و طالع على التوكيل و بيكلم المهندس هناك و بيحكيلوا المهندس صدمه و قالوا العربيه موديل 2004 و ان العربيه 1300 و ان رقم الشاسيه دة لعربيه 1600 موديل 2006 فعلا و ان كدة معمول لعبه و نصبايه فى العربيه.
قالوا ان كدة هتلاقى عربيه 2006 و موتور 1600 عامله حادثة و مينفعش فيها تصليح خدوا منها رقم الشاسيه و ركبوة على عربيه 1300 موديل 2004 فابريكة و راحو دفعوا لواحد فى المرور عشان يثبت رقم الشاسيه على الموتور و بالتالى تبقى العربيه فابريكه و ورق مظبوط و لما تشوفها تقول لقطه كمان.
ستر ربنا ان صاحبى كان شارى بتوكيل و مسجلش قام اتصل بالراجل و هددوا ان العربيه لسه بأسمه و لو اتعمل فيها قضيه هيدخل فيها السجن هو واللى عمل ورقها فى المرور لان دية كدة بقت تزوير فى اوراق رسميه مش مجرد نصب فى عربيه.
و اليومين دول معاهم فى مفاوضات عشان يدولو فلوسه و ياخدوا عربيتهم بالحسنى بدل القواضى و الاقسام.
يبقي احنا وصلنا لحاجة مهمة جدا :
لازم لازم فحص السيارة في مكان موثوق فيه وعادة بيكون التوكيل لانه بيطلع القطط الفاطسه اللي في العربية وكمان لازم التاكد من سلامة الاوراق وياريت لو نشوف ملف العربية
انا بقة حكايتي تضحك
كنت في السوق يوم الجمعة بدور علي كورولا 2005 وطبعا ماشترتش لأن الأسعار استفزازية والحالة بتاعة العربيات مزرية خالص
المهم واحد اعرفه بتاع دوكو قاللي فيه مستشار اعرفه ليه واحد صحبه عنده عربية اتوماتيك 2005 وتقريبا ما بتمشيش خالص وعايز 85 الف فيها قلت يا مسهل
رحنا للبيه لقيت العربية موديل 2004 عرفتها من الفوانيس الخلفية وتصنيعها اكتوبر 2003 والبيه صاحب العربية بيقوللي مش فاكر اشتريتها امتي
تاني حاجة العداد - الباشا المدير قاللي مش فاكر بص انت عليه بصيت لقيت العداد 9 الاف وشوية بس لفت نظري ان فيه كسر للكم يعني تقريبا 9205.4 وانا عارف ان اقل كسر في العداد هو كيلو متر واحد بصيت لقيت العداد متظبط علي Trip رجعت العداد علي ODO لقيت العربية عاملة 176 الف كم اما الكارثة الكبيرة ان العربية اصلا مانوال والراجل كان قلنا اتوماتيك والراجل بتاع الدوكو قاللي العربية كلها راشة
كان نفسي ارقع الراجل ده قلمين من غيظي بس حبست دمي وروحت
عمار يا مصر
و الله التجار دوول عالم .............. و قت ماكنت ببيع الفورد كلهم قعدو يقولو 24 و 26 و كلام ميتصدقش كدة خالص المهم كلهم كانو عاوزين العربية و انا ماكنتش راضي لاني عارف انها تساوي اكثر من كدة المهم واقف بخلص مع واحد و خلاص هنطلع على البنزينة نكشف عليها و نتوكل على الله جه تاجر من جنبي بيقولي انت لسة مابعتش دانتا بقالك 5 شهور و مبعتش و راح سابني ومشي كنت عاوز اروح اولع فيه لان الراجل راح سايبني و ماشي و انا مكملتش شهر بنزل
عادي بقى
و تاجر تاني كان معاه عربية اخت بتاعتي بس كان زاضح جدا انها راشة برة قلت اشوفها و اشوف بكام ببص لقيتها رشة دواخل و البوية بتاعة برة مقشرة و حالتها حالة و يقلك دي فابريكة و هي واخدة خبطة حتى مش متصلحة و يقلك لا دي حاجة بسيطة و تترد على البارد و عارضها نفس الموديل و حالتها تعبانة على 35 و لما عرف اني معايا واحدة عرض يشتريها مني على بعد ما كان قايلي في اول السوق 25 و كان ناسي شكلي ساعة ماكنت بتفرج على العربية بتاعتو راح رافع سعر عربيتي بقدرة قادر ل30000
ده بالضبط اللي قصدته ياميراج في اول كلامي انكوا تخلوا بالكو من المناصب ديه لان فيه ناس منهم بيستغلوا شغلهم ومعرفتهم بالقانون لمخالفة القانون بالغش والتدليس وكمان فيه ناس بتدعي انهم في هذه الناصب ليسهلوا الغش وطبعا انت هتقول في نفسك مش معقول مستشار او لواء هيغش وتلبس وانت مغمض
ودلوقت معظم المعارض الخاصة هتلاقي لازم لها صلة باحد هؤلاء وممكن يكون شركاء لهم والسبب معروف للجميع
اللهم عافنا واعفو عنا
بجد الحالة اصبحت كارثية
من حق الكل يكسب لكن يكسب بالحلال والمعقول
هيأكلو أولادهم مال حرام من دم الناس
بص يامحمود الناس مطلوقة على بعض طول ماهمه بعيد عن الحكومة ورجالتها وسايبينهم ياكلوا في بعض لكن ياويله اللي يتجرا ويلمس الاصنام حتى لو عايز يتبارك بيهم وفي الاخر يقولولك الناس بقت وحشة هنعمل معاهم ايه هنربيهم من اول وجديد؟ وانا بقول ايوه ليه لا مانربيهمش امال الحكومة سموها كده ليه هما بياخدوا معني الحكومة يعني الحكم وانا بقول الحكومة يعني التحكم
في حاجة انيل من كدة
جوابات فك الحظر بقت تتضرب دلوقتي
يعني واحد يجيب عربية قسط تبع البنك
يعمل جواب فك حظر مختوم بختم البنك و يروح بيه المرور و يبيعها على انها ماعليهاش اقساط
انا مش عارف الطريقة الي الواحد يتأكد بيها من العربية تكون أزاي
مش معقوله هياخد رقم الموتور و الشاسيه و يلف بيه على بنوك مصر
حسبي الله و نعم الوكيل في كل النصابين و الحرامية
بصراحه يا جماعه انا شايف انه الحل مع التجار دول اننا نقاطع سوق السيارات بتاع مدينة نصر دة خالص ونسيبهم لبعض يبيعوا ويشتروا براحتهم
لحد لما ياكلوا في بعض ويعرفوا ان الله حق ههههههههه