كيف اصلح مفتاح السيارة؟؟

**esam1232** · 21-10-2009 11:13 AM

إخواني الأعزاء
لدي بيجو 406 موديل 2001 و لما اشتريتها من صاحبها كان المفتاح بتاعها مش موجود بيه الجزء الخاص بالبطارية بتاع التشغيل و اضطر لفتح السيارة يدوي بالمفتاح و وجدت ان الكالون بيفوت كتير و تاعبني عشان اقفل السيارة و مش عارف ايه الحل؟ و ممكن تكون المشكلة بالشريحة أو عطل بسيط ممكن يتحل بس هنا مفيش تصليح غير جديد على طول و لما سألت هنا بالسعودية قالوا وديه التوكيل و سعر المفتاح الجديد أكثر من 1500 ريال!!!!!!! و انا نازل مصر قريب ان شاء الله فهل أجد حل في بلدي الحبيب مصر لو أخذت المفتاح معي ممكن اطلع غيره بسعر معقول ؟ أفيدوني افادكم الله

**waleedabbas** · 21-10-2009 01:18 PM

1500 جنية!!!
والله كويس ده مصر فيها حاجات رخيصة اهو
بص ياباشا ان شاء الله لما تنزل مصر هتروح تعمل المفتاح فى التوكيل هيكلفك 450 جنيه مفتاح و60 جنيه السلاح ودول هتشتريهم من التوكيل وبعدين هتخرط المفتاح ب 60 جنيه تقريبا وترجع تكوده فى التوكيل ب 75 جنيه
يعنى الموضوع كله مش هيعدى 650 ل 700 جنيه وده كمان فى التوكيل وياريت تعمله فى التوكيل بلاش بره عشان السوفت وير بره مش مضمون .

**waleedabbas** · 21-10-2009 01:23 PM

ممكن كمان توفر تمن السلاح والخراطة تبقى وفرت 120 جنيه كمان وتستخدم السلاح القديم لكن مش عارف اذا كان ممكن المفتاح ال معاك يتصلح ولا لا

صحيح ازاى يا باشا الجزء بتاع البطارية مش موجود المفروض العربية مش هاتدور الا لما تقرا الشفرة بتاعة المفتاح

**waleedabbas** · 21-10-2009 01:27 PM

المشاركة الأصلية كتبت بواسطة waleedabbas

1500 جنية!!!
.

معلش انا كنت اقصد 1500 ريال يعنى 2100 جنيه مصرى لا حرام فعلا ده اكتر من 3 اضعاف

**the-hero** · 21-10-2009 03:24 PM

يااااااااااااااااااه
فى مصر ارخص أكيد ميعرفوش تمنه بره

**waleedabbas** · 21-10-2009 06:43 PM

المشاركة الأصلية كتبت بواسطة the-hero

يااااااااااااااااااه
فى مصر ارخص أكيد ميعرفوش تمنه بره

حلوة

طب نلحق نشيل الموضوع ده احسن نفتح عنيهم

**esam1232** · 24-10-2009 01:21 PM

لا يا باشا السيارة بتشتغل عادي بس المفتاح عبارة عن الجزء المعدن و الجزء اللي المفروض انه شغال يفتح و يقفل السيارة و هو عبارة عنقطعة شبة مستطيلة و بداخلها من المنتصف دائرة تحتها اجد شريحة الكترونية بس القطعة المخصصة بتاع الضغط على الشريحة مش موجودة يعني باين من الدائرة الجزء اللي بداخلها؟؟؟ يا ريت عنوان توكيل البيجو بمصر ضروري جدا جدا و جزاك الله خيرا على اهتمامك

**waleedabbas** · 24-10-2009 04:27 PM

يبقى حضرتك ناقص عندك الزرار بس لكن هل الجزء ال باين ممكن لو ضغط عليه بحاجة رفيعة يشتغل ويفتح عن بعد ولا لا لو كده يبقى حضرتك محتاج الزرار بس وده ب 50 جنيه
وبخصوص مراكز الصيانة ده لينك بعناوين التوكيل ومراكز الصيانة المعتمدة
PEUGEOT – CDC WAGIH ABAZA
وفى واحد فتح فى ابورواش اعتقد اقرب واحد للمنصورة هو دلتا