kolohom togar 7arameya 3ayzin yeksabo we 7*alas
عرض للطباعة
kolohom togar 7arameya 3ayzin yeksabo we 7*alas
بس العربية الوحيدة الى عجبتنى ابيزا مو 94 فابريكة مرفوعة 4 سنين فول ابشن بتاعة مهندس بترول والله لو كان معايا ثمن العربية كنت اشترتها سوق الجمعة فية حاجات لقطة وفية حاجات كتير نصب وقشر بيض
محدش شاف جولف 4 في السوق اوتماتيك ؟؟
انا نزلت السوق ياخوننا
السوق اسعاره خياليه
يعنى ايه اكسنت 99 مكيفه ب 39 الف ليييييييييييييه يعنى ده ولا احلال ولا غيره يخلى سعر عربيه موديل 99 بالشك ده والله ياجماعه انا كان قدامى قبل ماسافر عربيه اكسنت نفس ب 29 الف ومكيفه بس راحت لصاحب نصيبها
والابيزا كله فوق ال 30 وال 35 كمان مع انى سايبها الاسبوع قبل اللى فات ب 25 والنضيفهب 28
حتى البى ام رفعت بعد ماكانت الناس عقلت والام فورتى ب 35 اول كلمه لقيت النضيفه بتمن موديل 93 وكاسره ال 63 الف والتعبانه ب 52 الف
بجد الحل الوحيد ان احنا نعمل زى ايام الازمه اما كانتلسه فى اولها ونمتنع عن الشرا وننزل نتفرج بس هاتلاقى التجار رجعوا اتعلموا الادب تانى والناس عقلت
موضوع عدمالشرا ده اثبت كفاءه ونتيجه
والجولفات بقى كله بيتكلم فى 36 الف والمش مكيفه كمان
والاوبل كورسا كله فوق ال 30 بردو والاغلبيه فوق ال 35
الالينترا 94 فى ناس واخده هوا وبيتكلموا فى 39 الف وماسكين كمان
اتنين بس لقيناهم عاقلين والشمس ماأثرتش عليهم واحد معاه موديل 94 اول كلمه 30 ونزلت ل 29 مع اول الفصال والتانى معاه واحده موديل 97 اول كلمه منه 32 الف والاتنن فبريكه دواخل وعايزين مصاريف عبيطه
اختفاء متواصل للعربيات القديمه فى الساحه الكبيره زى ال127 لكن ال 128 وماشابه موجود بس عند برج الميه وفى الشواترع الجانبيه حوالين الساحه بس بردو مش زى الاول وفى ناس معينين بس همه اللى بيتفرجوا عليها اغلبهم معلمين بجلاليب وناس فلاحين من الارياف وصعايده وخناق بقى وفصال موووووووووت على عربيه ب 9000
وبردو البيع ماكانش كتير ولعل ده يكون ليه تأثير الفتره الجايه والناس تعقل شويه
بس من الحاجات الغريبه ان الكيا برايد ماكانتش متواجده هناك بالشكل اللى كننا بنشوفها بيه والكميه من المعروض قلت وكذلك الاكسيل وده من الاسباب اللى خليتنى ماسمعش كلمة حاجه وعشرين الف لما اجى اسأل على عربيه
بس اللى كانت لقطه والوحيده عربيه تويوتا كورولا موديل 93 هاتش باك اتباعت ب 28 الف ونص
يا راجل الابيزا الاسبوع الى فات كانت ب 25؟
مش معقول انا لما نزلت الجمعة دية لقيت فعلا كلة فوق ال30
وكان طالع من عينى ابيزا 94 تحفة بتاعة مهندس بترول ومظبتها تظبيط فظيع بس كان طالب 36000
وانا معايا 25
كانت طالعة من عينى كل الى اقدر اقولة وعسى ان تكرهو شياءا وهو خيرا لكم
شيروكى موديل 95 موتور 4 سلندر 50000ج
كريستاله 98 مانيوال 49000ج
كريستاله 98 مانيوال 1500 تربو abs ريكارو جنوط عفشه اسبور 50000ج
لانوس 2005 es رشه بره 50000ج
لانوس 2007 s فابريقه بالكامل 57000ج
127 موديل 1983 طالب 8000ج وماباعش ده انا اتعرفت عليه وقولته عمرك ماهاتبيع طول مانت بتتكلم فى 8000ج اطلب 10000 واللى عنده جديه هايتناقش معاك بس الكلام ده كان متاخر
سوبر فيورا 1987 نظيفه 15000ج
السوق كان فى حاله رقود رهيبه عربيتى 128 جابتلى 14000ج بس مابعتش بسبب الخنقه انا استحاله ابيع او اتعامل مع واحد تاجر علشان كده باشطرت التسجيل مليون واحد سال لدرجه انى اتخانقت مع واحد وشديت معاه فى الكلام بيقولى انت طالب كام قولتله 15000ج قالى ليه قولته افندم عاد كلامه تانى بيقولى ليه قولتله علشان عربيتى ولو عندك اى كلمه شايف انها مش هاتعجبنى بلاش تقولها لقيته مصمم وعايز يشترى قولتله العربيه مش للبيع البارد ابن التيييييييييييت بيقولى امال واقف فى السوق ليه رديت بقله ادب علشان اضايق اللى زيك
اخذ بعضه ومشى
هههههههههههههههههههههه رخم فعلا بيفكرنى بمسرحية محمد صبحى لما الراجل الصغنن دة كل شوية يقولو متادرش ههههههههههههه
منت لازم تقابل كتير وقليل فى السوق ولازم تعرف مين الى تبيعله ومين الى تكبر دماغك منه لانه حيفاصل ومش حيشترى
انا بعت عربيتي في السوق وللأسف لقيت الراجل اللي اخدها مني رغم الخسارة اللي خسرتها في العربية و انا مفهمه كدة و الاقيه بيفاصل في 100 جنيه .. كلام فارغ ..