سوق الجمعه 23/10/2009

**أبو إياد** · 21-10-2009 12:45 PM

السلام عليكم ورحمة الله وبركاته

من سنين وانا مانزلتش سوق السيارات فالاسبوع اللى فات نزلت اشوف الدنيا لقيت فعلا العالم تايه والناس مش فاهمه حاجه واللى بيستنصح واللى بيتضحك عليه بجد اخر مهزله

اول موقف كنت اتاخرت شويه لفيت فى السوق بالعربيه مش لاقى مكان اقف فيه (تخيلوا) المهم لقيت حاجز حديد من بتاع المرور واخد مكان كبير ولقيت واحد لابس يونى فورم مشابه لبتوع المرور سالته هو انت تبع ايه ؟ قالى تبع الشهر العقارى والحى قولتله طيب انا عاوز اعرف ليه العربيات دى واقفه بالعرض قالى دول تجار ويعتبروا زبائن دائمه ماقدرش امنعه من الوقوف باى طريقه قولتله طيب اتصرف بقا ووقفلى عربيتى الهم بصراحه فضالى مكان

علشان ماطولش عليكوا انا باذن الله هاروح يوم الجمعه اللى جايه 23/10 قولت فى بالى ممكن اللى هايروح مننا نتقابل كلنا هناك ونساعد بعض سواء فى البيع او الشراء ..... ايه رائيكوا ؟

لو موافقين نشوف من هنا لبكره هانظبطها ونظمها ازاى ؟؟؟؟؟؟؟؟؟؟

**Usama Nagi** · 21-10-2009 01:51 PM

انا هروح هناك الجمعة ان شاء الله ممكن نتفق علي مكان نتقابل فيه

**أبو إياد** · 21-10-2009 02:08 PM

لو كده ممكن عند بوابه دخول السيارات بوابه رقم 2 ده المكان الوحيد اللى ممكن نلاقيه لسه فاضى باذن الله هاكون هناك الساعه 9ص وهانزل بالعربيه 128 البيضاء

**ahmedangel** · 22-10-2009 02:24 AM

على فكرة انا من حوالى يومين كنت بكلم صحابى انهم يوجو معايا سوق الجمعة الجمعة الى جاية سبحان اللة وقبل ما اشوف موضوعك كنت اتفقت مع واحد صحبى نروح كيد انشاء الله هكون هناك يا ريس الساعة 10 صباحا وانشاء الله الاقى الى انا عايزة هناك

**أبو إياد** · 22-10-2009 09:22 AM

المشاركة الأصلية كتبت بواسطة a77med

اتصلت بيك وقولتلك اجى اخلص قولتلى هترد عليا وماردتش ولكن واضح انك شكلك موسوس ومرواحك للسوق كافسحه مش اكتر
دى حريتك وراحتك انت ادرى بيها
الله كريم

ياظالمنى

انا نازل بالعربيه البيضا مش الحمرا وهى لسه موجوده وزى ما وعدتك هاحاول ارفع الصور بس الصبر

**ahmedangel** · 23-10-2009 06:10 PM

يا جماعة انا نزلت النهردة زوق الجمعة السوق فية اسعار غريبة اى حد بيضرب اى سعر وخلاص يعنى شوفت ابيزا فول اوبشن ب 36 وواحد تانى ابيزا فاضية خالص طاالب 35 والاتنين مو 94 حاجة غريبة وعربيات كتير جدااااا بالشكل دة كلو عايز يكسب وخلاص انا اعدت سعتين حسيت ان فية تهريج جامد اوى زهقت ومشيت مع انى كنت ناوى انى اقعد لحد بليل بس قدر الله وما شاء فعل