وأخيرا سقطت إسطورة التيل الأصلى

بصراحة التيل الأصلى للسيارة ماركة سيموتيمو سعره مبالغ فيه جدا فى وقت ما اشتريت 425 جنيه شامل ضريبة المبيعات
وكانت ناوى اروح واشتريه وبالفعل كنت رايح عشان اشتريه بناء على ما تردد داخل المنتدى واشاعة إن التيل الأصلى هو المناسب ولا بيصفر ولا بيبوظ الطنابير وخلاص مسلم بالنظريه دى وقلت اريح دماغى وكنت من مروجى إن التيل الأصلى هو وبس وكنت مقتنع بذلك تماما لحد ماروحت وشوفت التيل الأصلى ماركة سيموتيمو وعن السعر كان 425 شامل الضريبة 116604 ده رقمة
زى الى موجود بالعربية وكان من عيوبه فى الأوقات العاديه لو شويه تراب من تراب الشارع على التيل يقوم يصفر مع انه مخلصش
كان تقفيله مش حلو خالص ( أصلى) وبعرض الموجود بالمحل وجدت تيل يابانى أخر سعره 90 جم وماشى بيه حوالى 600 كم وزى الفل
تفاصيل التيل فى الرابط التالى

http://www.nilemotors.net/Nile/97726-a-3.html
ولو حد جربه يقول تجربته مع هذا النوع لخدمه أعضاء المنتدى والخروج من نفق التيل الأصلى المبالغ فى سعرة
وشكرا

أصلي 1000 مبروك ياباشا علي الاكتشاف الهايل داة و يارب يكون كويس فعلا و ميأذيش الطنابير

النوع ده ما شوفتوش قبل كده
بس كنت جربت نوع تانى يابانى (mk) و كان كويس جدا أول 2000 وبعد كده بدأ يصفر و ياكل فى الديسكات
عشان كده شيلته و هو لسه بحاله و رجعت للأصلى
و كان تقريبا نفس السعر و برضه شكله حلو
مستنيين نتائج تجربتك

لو حد تانى جرب النوع ده يتقدم بتجربته لينا لتأكيد المعلومة

السلام عليكم انا ركبت نوع يابانى اسمه yb-6109m ثمنه 90 جنيه ماشى بيه حوالى 700 كم حتى الان وكويس ومفيش اى مشاكل يا ريت حد يعرفه يغطينا معلومات عنه وشكرا

انا اشتريت ال asuki و بقاله معايه حوالى 5000 كم, ملوش صوت خالص, بس فى صوت خفيييف لما بيفرمل العربيه و هى راجعه لوراء و الصوت الخفيف ده فى التيل الاصلى مظهرش غير بعد 25,000 كم, انا عن نفسى حاسس ان فى فرق فى الاداء عن التيل الاصلى, مش فرق كبيير ياعنى بس ملحوظ, ممكن حد غيرى ميحسش بيه, بس بيبان فعلاًً مع الجرى بسرعه عاليه و الفرمله الكتير ياعنى مع الحراره العاليه الاداء بيتاثر اكتر من الاصلى, بس انا شايفه مناسب لسعره انا كنت جايبه ب 170 جنيه.
http://i35.tinypic.com/2qs6h43.jpg

http://i33.tinypic.com/wrcbro.jpg
http://tinypic.com/r/2qs6h43/4

السلام عليكم
الاخوة الاعزاء والله انا مركب تيل للنسر 2007 من 6 شهور اشتريتة ب80 جنية وزى الفل بلاش كتر فلوس ولا بصفر ولا بوظ طنابير وفرامل مية مية والحمد لله

معلش أنا أسف عمرى ما هركب تيل غير الsumitomo الأصلى عشان أنا إستويت تجارب فى موضوع التيل و الطنابير ده و صرفت فلوس كتير جدا و فى الأخر و صلت لنتيجه واحده ألا و هى إن أوفر و أحسن حل لكل مشاكل فرامل الانسر و من حيث قوة الفرامل و ضبطتها أيضا هو الsumitomo الأخضر اللى فى التوكيل حتى لو هغيره كل 10000كم فقط لأنه بيخلص معايا بسرعه عشان إستخدامى للفرامل كتير و ربنا يباركلكم فى أنواع التيل اللى جربتوها و عجبتكم بس يارب تطلع فعلا كويسه و متلاقيش الطنابير بايظه فى الأخر.

انا سمعت انه فى واحد اسبانى125 جنيه احسن من دول كلهم واللى قاللى ميكانيكى الشغل عندنا ولو عاوزين تفاصيل ممكن امدكم بيها وعلى كلامه انه مش بيعمل اى مشاكل

تمام يا جماعة عاوزين النوع بالضبط والسعر وتجارب فعليه للتيل والتقييم الجيد له

اقتباس:

---

المشاركة الأصلية كتبت بواسطة mohamedway

معلش أنا أسف عمرى ما هركب تيل غير الsumitomo الأصلى عشان أنا إستويت تجارب فى موضوع التيل و الطنابير ده و صرفت فلوس كتير جدا و فى الأخر و صلت لنتيجه واحده ألا و هى إن أوفر و أحسن حل لكل مشاكل فرامل الانسر و من حيث قوة الفرامل و ضبطتها أيضا هو الsumitomo الأخضر اللى فى التوكيل حتى لو هغيره كل 10000كم فقط لأنه بيخلص معايا بسرعه عشان إستخدامى للفرامل كتير و ربنا يباركلكم فى أنواع التيل اللى جربتوها و عجبتكم بس يارب تطلع فعلا كويسه و متلاقيش الطنابير بايظه فى الأخر.

---

أنا فى العربية معايا وكان بيصفر ( الأصلى) 116604 على الرغم إن لسا مخلصش
والسعر فعلا مبالغ فيه 425 جنيه

طيب تيجى نحسبها مع بعض
التيل الى انا مركبه يابانى أصلى مفيهاش شك يعنى تيل نظيف مش صينى ولا مضروب وشكله أحسن من التيل الأصلى بكثير ك فنش

على فكرة فيه أصلى وبياكل فى الطنابير وبيصفر وانت عارف كده كويس

طيب لو أعتبرنا إن الطنابير بتاع العربية مابتستحمل التيل ده
وعلى إفتراض إن التيل ده بيأثر على الطنابير
فهل من الجدوى تغيير الطنابير دى واستخدام التيل من النوع ده
لان لو غيرت مرتين التيل 425+425=850 ما تشتريش طنابير جديدة تستحمل إستخدام التيل العادى

اكيد هتبقى لها جدوى على المدى الطويل

يبقى انتى كسبت طنابير قويه وكسبت امكانيه إستخدام تيل كويس لكن بسعر أحسن بكثير من التيل الأصلى

ده كله مبنى على إن التيل الى إحنا مركبينة هيبوظ الطنابير

اقتباس:

---

المشاركة الأصلية كتبت بواسطة salehgharib

أنا فى العربية معايا وكان بيصفر ( الأصلى) 116604 على الرغم إن لسا مخلصش
والسعر فعلا مبالغ فيه 425 جنيه

طيب تيجى نحسبها مع بعض
التيل الى انا مركبه يابانى أصلى مفيهاش شك يعنى تيل نظيف مش صينى ولا مضروب وشكله أحسن من التيل الأصلى بكثير ك فنش

على فكرة فيه أصلى وبياكل فى الطنابير وبيصفر وانت عارف كده كويس

طيب لو أعتبرنا إن الطنابير بتاع العربية مابتستحمل التيل ده
وعلى إفتراض إن التيل ده بيأثر على الطنابير
فهل من الجدوى تغيير الطنابير دى واستخدام التيل من النوع ده
لان لو غيرت مرتين التيل 425+425=850 ما تشتريش طنابير جديدة تستحمل إستخدام التيل العادى

اكيد هتبقى لها جدوى على المدى الطويل

يبقى انتى كسبت طنابير قويه وكسبت امكانيه إستخدام تيل كويس لكن بسعر أحسن بكثير من التيل الأصلى

ده كله مبنى على إن التيل الى إحنا مركبينة هيبوظ الطنابير

---

التيل الأصلى هو الsumitomo وأنا عارف ان التوكيل فيه نوع تانى قوى بس بيبوظ الطنابير بس مش ده اللى بتنزل بيه العربيه فا مش هندخل فى جدل عليه لأن أنا أقصد الsumitomo ولا شىء غير ال sumitomo لأنى مجربه كويس جدا كأداء فرامل و كمحافظه على الطنابير و لو حضرتك تقصد من الحسبة اللى أنت حسبتها انى مهما حافظت على الطنابير بتيل غالى فالى هوفره لو ركبت تيل رخيص يجيب طنابير جديده و أبقه موفر كمان يبقى حضرتك ما فهمتنيش......

لييييييييه؟
لأنى بحافظ على الطنبوره بالتيل الأصلى الغالى أبو 425 جنيه مش عشان قلقان إنى أحتاج أدفع 1100 جنيه فى طنابير جديده و لكنى حريص على المحافظه على الطنابير من أجل تجنب حدوث مشاكل كالرعشه فى الدريكسيون أثناء الفرمله مثلا و ده من العيوب الشهيره فى الانسر نتيجة إستخدام أى تيل غير ال sumitomo و ده بيقه نتيجة تكون عالى و واطى فى الطنبوره و ده مشكلة التيل التانى اللى فى التوكيل الak الرمادى و أيضا أى تيل غير أصلى ناشف و لو لاقيت نوع غير أصلى طرى و ناعم و توسمت فيه انه هيحافظ على الطنبورة فى الغالب هيطلع فرملته وحشه (و معنى إن فرملته وحشه يعنى بيخسع معاك و هو سخن نتيجة الفرمله المستمره القويه من على سرعه عاليه زى 120 أو 140 مثلا و ممكن متلاقيش فرامل فى العربيه خالص و لكن فى ظروف الإستخدام العادية هتلاقيه بيفرمل معاك زى الفل و لكن ثبات الأداء و تحمل الفرملة فى الظروف الشاقة لا يمكن يكون زى الأصلى و خصوصا لو عربيتك فيها abs لأنه بيمرمط التيل فا من الآخر الأصلى أصلى بالذات فى موضوع التيل ده دونا عن أى حاجه تانيه و موضوع إنك واثق فى جودة التيل اللى معاك من منطلق انه يابانى فأحب أقول لحضرتك انه ممكن و عادى جدا انه يكون يابانى و وحش لأن اليابانى أنواع و غالبا كمان ما بيبقاش يابانى ولا حاجه و بيكون كورى أو صينى و مكتوب عليه يابانى و أنا من ضمن تجاربى العديدة اللى صلرفت بسببها فلوس كتير إنى جربت نوع تيل يابانى و كان شكله و تقفيله أنضف من الأصلى كمان زى ما حضرتك يتقول و ناس كتير شكرتلى فيه من البياعين طبعا و لما جربته لاقيته و حش جدا جدا جدا و فكيته مليان و مرمى عندى فى البيت!!!!!


يبقه إيه رأى حضرتك؟

و علفكره ممكن جدا يكون النوع اللى وقع فى إيد حضرتك فعلا أفضل من الأصلى من كل الجوانب ولكن محتاج يتجرب كويس الأول بس أنا معنديش إستعداد أجرب تانى لأنه 90% حتى لو طلع حلو مش هيبقه زى الsumitomo

وعلفكره الsumitomo عن تجربه بيحافظ على الطنابير بطريقه لا تتخيلها و فعلا على المدى الطويل (مش هقول هيوفرلى) ولكن على الأقل هتبقه هى هى و أبقه كسبت أداء عربيتى وإنها تبقه مضبوطه.

و بالنسبه لموضوع ان الsumitomo بيصفر فده ما بيظهرش إلا لما بيكون خلصان بنسبة 75% على الأقل و لما بيصفر بتبقه صفاره خفيفه لا تسمع إلا لو فى شارع هادىء نسبيا و بتفرمل فرمله خيفيفه و لا يظهر مع الفرملة القوية نسبيا و هو غير مزعج أبدا كأنواع كثيرة من التيل الغير أصلى.

مش عاوزين نقف على الsumitomo ونقول يا هوه ده يا بلاش ندى فرصة للأعضاء الى جربوا انوع أخرى محترمة بنفس أداء التيل الأصلى

و كلنا فى انتظار نتائج تجارب الاخوة
بس على الاقل 5000 كم على ما تقول ان التيل كويس بالاضافة لتجربته فى ظروف مختلفة

اقتباس:

---

المشاركة الأصلية كتبت بواسطة salehgharib

مش عاوزين نقف على الsumitomo ونقول يا هوه ده يا بلاش ندى فرصة للأعضاء الى جربوا انوع أخرى محترمة بنفس أداء التيل الأصلى

---

+111111111111111

اقتباس:

---

المشاركة الأصلية كتبت بواسطة salehgharib

مش عاوزين نقف على الsumitomo ونقول يا هوه ده يا بلاش ندى فرصة للأعضاء الى جربوا انوع أخرى محترمة بنفس أداء التيل الأصلى

---

( و علفكره ممكن جدا يكون النوع اللى وقع فى إيد حضرتك فعلا أفضل من الأصلى من كل الجوانب ولكن محتاج يتجرب كويس الأول بس أنا معنديش إستعداد أجرب تانى )

ما بين القوسين ده من ضمن كلامى اللى قولته فى مداخلتى....... يعنى أنا محجرتش على التيل إللى بتتكلم عليه و قولت جربوه كويس و لفت النظر للعيوب اللى بتحصل عشان تقدروا تحكموا كويس و قولت عن نفسى انى مش هجربه وده حاجه شخصيه غير ملزمه لأحد و ده لأنى زهقت و معنديش وقت أقعد أركب و أغير و يطلع و حش و أغير تانى و أصلح فى العيوب المحتمله منه لو حصلت.........إلخ إلخ إلخ و كل ده أنا مريت بيه قبل كده لغاية ما إستريحت مع ال sumitomo و علفكره الsumitomo مكانش موجود أصلا فى التوكيل لفتره كبيره و كنت بجيب الak و ورانى الويل فى الطنابير و الرعشه فى الدركسيون و الحمد لله انه موجود دلوقتى فى التوكيل......إدعوا بس ربنا يدمها نعمه و يبقه أوبشن الحصول عليه متاح علطول بصرف النظر انتم عاوزين تشتروه و لا لأ.

انا لسة دافع 425 فى التوكيل و استغربت ان التيل بيتغير بعد 20000كم بس هل داة طبيعى ولا علشان الوتوماتيك . لازم يكون فى بديل محترم فى السوق انا باركب فى الكريستالة بتاعة زوجتى تيل تركى ب50جنية هايل جدا جدا بيعيش سنة كاملة

هيعمل ياباشا عالى و واطى فى الطنابير

اقتباس:

---

المشاركة الأصلية كتبت بواسطة ahmedhosssamy

انا لسة دافع 425 فى التوكيل و استغربت ان التيل بيتغير بعد 20000كم بس هل داة طبيعى ولا علشان الوتوماتيك . لازم يكون فى بديل محترم فى السوق انا باركب فى الكريستالة بتاعة زوجتى تيل تركى ب50جنية هايل جدا جدا بيعيش سنة كاملة

---

من المهم جدا أن ينقل الأعضاء تجاربهم عن الأنواع الأخرى المحترمة فى السوق
لان فعلا سعر التيل مبالغ فيه جدا وكمان بيتسهلك بعد 20 الف كيلو
يبقى نشوف الأنواع الأخرى المجربة الغير مقلده وسعرها كام

يعنى لما تقولة نوع محترم 150 جنيه مثلا هتلاقى فى التيل هذا الثمن
أما إنك تقولى اشترى تيل ب 425 جم ويستهلك بعد 20 الف ده حرام

اقتباس:

---

المشاركة الأصلية كتبت بواسطة mohamedway

التيل الأصلى هو الsumitomo وأنا عارف ان التوكيل فيه نوع تانى قوى بس بيبوظ الطنابير بس مش ده اللى بتنزل بيه العربيه فا مش هندخل فى جدل عليه لأن أنا أقصد الsumitomo ولا شىء غير ال sumitomo لأنى مجربه كويس جدا كأداء فرامل و كمحافظه على الطنابير و لو حضرتك تقصد من الحسبة اللى أنت حسبتها انى مهما حافظت على الطنابير بتيل غالى فالى هوفره لو ركبت تيل رخيص يجيب طنابير جديده و أبقه موفر كمان يبقى حضرتك ما فهمتنيش......

لييييييييه؟
لأنى بحافظ على الطنبوره بالتيل الأصلى الغالى أبو 425 جنيه مش عشان قلقان إنى أحتاج أدفع 1100 جنيه فى طنابير جديده و لكنى حريص على المحافظه على الطنابير من أجل تجنب حدوث مشاكل كالرعشه فى الدريكسيون أثناء الفرمله مثلا و ده من العيوب الشهيره فى الانسر نتيجة إستخدام أى تيل غير ال sumitomo و ده بيقه نتيجة تكون عالى و واطى فى الطنبوره و ده مشكلة التيل التانى اللى فى التوكيل الak الرمادى و أيضا أى تيل غير أصلى ناشف و لو لاقيت نوع غير أصلى طرى و ناعم و توسمت فيه انه هيحافظ على الطنبورة فى الغالب هيطلع فرملته وحشه (و معنى إن فرملته وحشه يعنى بيخسع معاك و هو سخن نتيجة الفرمله المستمره القويه من على سرعه عاليه زى 120 أو 140 مثلا و ممكن متلاقيش فرامل فى العربيه خالص و لكن فى ظروف الإستخدام العادية هتلاقيه بيفرمل معاك زى الفل و لكن ثبات الأداء و تحمل الفرملة فى الظروف الشاقة لا يمكن يكون زى الأصلى و خصوصا لو عربيتك فيها abs لأنه بيمرمط التيل فا من الآخر الأصلى أصلى بالذات فى موضوع التيل ده دونا عن أى حاجه تانيه و موضوع إنك واثق فى جودة التيل اللى معاك من منطلق انه يابانى فأحب أقول لحضرتك انه ممكن و عادى جدا انه يكون يابانى و وحش لأن اليابانى أنواع و غالبا كمان ما بيبقاش يابانى ولا حاجه و بيكون كورى أو صينى و مكتوب عليه يابانى و أنا من ضمن تجاربى العديدة اللى صلرفت بسببها فلوس كتير إنى جربت نوع تيل يابانى و كان شكله و تقفيله أنضف من الأصلى كمان زى ما حضرتك يتقول و ناس كتير شكرتلى فيه من البياعين طبعا و لما جربته لاقيته و حش جدا جدا جدا و فكيته مليان و مرمى عندى فى البيت!!!!!


يبقه إيه رأى حضرتك؟

و علفكره ممكن جدا يكون النوع اللى وقع فى إيد حضرتك فعلا أفضل من الأصلى من كل الجوانب ولكن محتاج يتجرب كويس الأول بس أنا معنديش إستعداد أجرب تانى لأنه 90% حتى لو طلع حلو مش هيبقه زى الsumitomo

وعلفكره الsumitomo عن تجربه بيحافظ على الطنابير بطريقه لا تتخيلها و فعلا على المدى الطويل (مش هقول هيوفرلى) ولكن على الأقل هتبقه هى هى و أبقه كسبت أداء عربيتى وإنها تبقه مضبوطه.

و بالنسبه لموضوع ان الsumitomo بيصفر فده ما بيظهرش إلا لما بيكون خلصان بنسبة 75% على الأقل و لما بيصفر بتبقه صفاره خفيفه لا تسمع إلا لو فى شارع هادىء نسبيا و بتفرمل فرمله خيفيفه و لا يظهر مع الفرملة القوية نسبيا و هو غير مزعج أبدا كأنواع كثيرة من التيل الغير أصلى.

---

فعلا حضرتك بتتكلم صح المهم ان الواحد يحافظ على الطنابير وعلى اداء العربية وكمان الناس اليابانيين دول مش بيهزروا هما عارفين ايه المناسب للعربية وانا شايف ان الواحد يريح دماغه ويركب التيل الأصلى اللى فى التوكيل عشان كمان لو الطنابير باظت الواحد يغيرها فى الضمان ولا ايه ياجماعة.