مساعدة فى تظبيط لادا 2105

**Mdzo** · 21-10-2009 09:27 PM

السلام عليكم
احلا سلام لرجالة الموقع اللى استفدت من وجدى وسطهم كتيررررررررررر
خصوصا فى الميكانيكا اللى انا كنت ضايع فيها ومعرفش اى حاجة
المهم ندخل فى الموضوع
انا عاوز اخد رايكم انا عندى عربية لادا 2105 موديل 92 العربية ماشية 55 الف كيلو فقط لا غير
يعنى مش متهانة
طبعا معروف ان اللادا مش شبابية
فانا كنت عاوز اظبط فيها عشان تبقا شبابية ولو شوية حتى
انا ركبتلها سنتر وفرش جديد وطارة جلد
وفاضلى كام حاجة كدة وهو ده صلب الموضوع انا باذن الله رايح بكره عشان عاوز اركبلها فلتر سبور وبوجيهات ngk iridium ix بالسلوك بتاعتها
فهل ده صح يعنى هل هيكون فى فرق ولا هرمى فلوسى فى الهواء عشان فى ناس بتقولى الكلام ده مينفعش فى اللادا
فانا كنت عاوز حد ينجدنى ويقول الصح فين
اسف على الرغى الكتير ده
وشاكر ليكم محاولة مساعدتى.

**aymansaad** · 21-10-2009 10:25 PM

ربنا يقويك مادمت مقتنع بالشى لا تتردد فى فعله لانك لو سمعت كلام الناس مش حتروح ولا تيجى

**Mdzo** · 21-10-2009 11:58 PM

انا مقتنع
بس انا مش قوى فى الميكانيكا فمش هعرف هتعمل فرق فى العربية ولا لا
وبعدين واحد صحبى بيقولى ان الكلام ده لو عملته هتجيب اخر العربية يعنى هتفوت منى فكونت عاوز اعرف مدى صحت الكلام ده
يا ريت حد يرد عليه النهاردة انا سهران شوية
عشان انا رايح بكره اركب باذن الله

**Mdzo** · 22-10-2009 01:26 AM

مفيش حد سهران ولا ايه

**ozy2026** · 22-10-2009 04:34 AM

اتكل على الله وركب
الفلتر الأسبور هيدخلك هوا احسن وهتحس ان العربيه بقت فايقه فى السحب احسن من الفلتر العادى ده غير صوته الرياضى
وبالنسبه للبوجيهات هتفرق معاك جامد الجرى وعلى فكره فى ناس بتقول انها بتزود استهلاك البنزين الكلام ده غلط كل الحكايه انها هتديلك كفائه فى الحرق كويسه جدا واحسن من العاديه بكتير ده غير انها هتساعد ان العربيه تدور بسرعه فى الشتا ومن غير مشاكل
بس ياريت تتأكد ان مفيش عندك مشاكل فى الكربراتير علشان متبوظش البوجيهات الجديده
يعنى شوف البوجيهات القديمه طالعه لونها ايه لو مهببه اسود يبقى ظبط الماكينه الأول قبل ماتركب
وربنا يوفقك فى اللى هتعمله وعلى رأى أحمد مكى (دبووور) متحاولش تبقى حد تانى الا نفسك
واللادا عربيه قويه جدا ومحترمه وسيبك من كلام الناس المهم انك مقتنع باللى انت بتعمله
بس متنساش تقولنا على الأسعار وتقولنا حسيت بفرق ولا لأ
والف مبروك مقدما يا معلم

**Mdzo** · 22-10-2009 05:58 AM

الف شكر ليك على التشجيع ده
وباذن الله بكره هشوف البوجيهات شكلها ايه
وان شاء الله بعد لما اركب هقول على الاسعار وهل فى فرق فعلا ولا لا

**gomangy** · 22-10-2009 03:38 PM

والله ربنا معاك وياريت تقولي بعد التجربه عشان انا اعرف حبايبي كتير معاهم لادا واخليهم يستفيدوا من تجربتك

**Mdzo** · 22-10-2009 05:02 PM

انا رجعت بعد 6 ساعات فى الشارع وعلى الفاضى
روحت لكذا ميكانيكى وفى الاخر المعظم اجمع ان الكلام اللى انا عاوز اعمله مش هينفع فى اللادا
عشان مكنة مش شديدة وعشان كاربياتيرو روسى مش بتاعت لعب
فالاخر ركبت بوجيهات عادية ngk
وبجد احبط جامد لان كنت عاوز اغير فيها بس طلع مينفعش ياريت يا جماعة
لو حد فاهم فى الميكانيكا يقول انسى خلاص انى اركب بوجيهات سبور و فلترسبور
ولا فى ناس مركبه عندها عادى
مستنى مساعدة الخبراء جزاكم الله خير