الموضوع: استفسار عن كاوتش: ضرورى

المشاركة الأصلية كتبت بواسطة Hosam_Optrawy

يبقى تجيب 205/45-16

بس المقاس دا هايوطى العربيه نص سم

فى مقاس تانى 215/45-16

ودا هايعللى العربيه أقل من نص سم

وانا شخصيا أفضل المقاس التانى

بالنسبه لانواع الكاوتش ففى نوع كورى اسمه كومهو ممتاز وسعره مناسب

الفرده بتبقى فى حدود 300 جنيه

اما البريدجستون بيبقى حدود 500 او أكتر تقريبا

كومهو Kumho اللى كان نازل فى عربيتى صينى و بينزل فى الالنترا و هو صينى
ممكن يكون فى منه كورى!
بس هانكوك هو اللى شوفته كورى

انا غيرت من كومهو لجوديير فى i10 علشان الكاوتش اتخرم على 6000 كم و غيرت المقاس و عليت العربية و حسيت بفرق رهيب فى الكاوتش الجوديير طرى و خلى العربية ناعمه لكن حسيت ان شدة الفرامل فى الفرملة العاديه قلت
لكن فى الفرملة الجامده الكاوتش بيمسك فى الارض كويس لكن بيعمل صوت زعييييق

المقاس القديم كان 155/70 R13
المقاس الجديد هو 175/70 R13
يمكن زيادة ال side wall للاطار هى اللى خلت الكاوتش اطرى فى اخد الصدمات و المطبات؟؟؟ يمكن و مقدرش احكم مين افضل لان المقاس متغير

الكاوتش الجوود يير صناعة تايلاندى كنت شاكك فيه بس طلع تمام و قفشت مسمار فى العجلة كنت ماشى عليه لمدة اسبوع و صدعنى من صوت التكتكة و شيلته من حوالى 10 ايام و مفيش مشاكل بس المسمار حوالى 1.5 سم

ممكن تلاقى نفس الماركه و بلد المنشأ مختلفة.. خد بالك

و المقاس اعتقد هيفرق فى السعر فيفضل تسأل فى محلات و بالذات البطل الرومانى لان عنده تشكيلة كبيره جدااااااا و تتأكد ان الكاوتش انتاجه جديد و كمان تفاصل معاهم

فى ماركات تانيه البياع شكر لى فيها و لقيتها على النت فعلا محترمة جدااااا
ماركة Nexen و دى كورى
و فى حاجات اندونيسى
بس Nexen دى لقيت ناس كتيير جدااااا شكروا فيها