الموضوع: محتار بين الماروتى و128 والشيرى وايديا حد يساعدنى

بص يا أستاذ أحمد
سأقول ما أعرف عن السيارتين
بالنسبة للوسع .......... 128 أكبر
بالنسبة لقطع الغيار ........... 128 تكسب
بالنسبة للقوة ............ 128 تكسب علشان موتورها أقوى و أعتقد أنه 1100 سم مكعب أما الماروتي 800 سم مكعب
بالنسبة لتوفير الوقود ....... الماروتي طبعا بالإضافة إلى أنها تكنولوجيا ياباني
بالنسبة للجودة ........ أعتقد الماروتي تكسب علشان ياباني و أعتقد إن خامتها أفضل
................
من الأخر لو العربية معظم الوقت استخدام شخص أو اثنين و انت عايز توفر في البنزين يبقى الماروتي ..لأنها هاتوفر في البنزين جامد بس على حساب القوة
إنما لو استخدامك أكثر من شخصي يبقى 128 ...........
يعني من الأخر هما الأثنين مش بتوع سفر جامد .......... عربيات مدن
بمعنى توديك الشغل و تجيبك و تروح بيها مشاويرك اللي داخل البلد
أما لو بتفكر تسافر كتير يبقى هما الأثنين مينفعوش
إنما لو بتسافر مرة و لا مرتين في السنة لأسكندرية مثلا أعتقد إنهم يقضوا الغرض أما مشاوير أطول من كدا متحاولش
و بيني و بينك ذوقك و أختيارك النهائي هي الفيصل لأن الفرق مش كبير و لو أني أرشحلك 128

طبعا 128 :lol: ;)

انا شايف انك لو عاوز تجيب 128 زيرو يبقي حرام عليك تدفع 42 الف جنيه في عربية لم يتغير فيها اى شيء من ايام السبعينات وهي هى زي اي 128 اخري. لكن الماروتي على الاقل عربية كل الميكانيكا فيها ياباني و قطع غيارها معمرة ومش مكلفة . واذا كنت مصر تركب 128 هاتها مستعملة بحالة جيدة وعمرها ماهتوصل للسعر ده وبرضه لو هتبيعها مش هتخسر كتير. وانت ودماغك في الاخر

بنك ناصر كويس جدا في القسط
=====================

بمعنى توديك الشغل و تجيبك و تروح بيها مشاويرك اللي داخل البلد
أما لو بتفكر تسافر كتير يبقى هما الأثنين مينفعوش
إنما لو بتسافر مرة و لا مرتين في السنة لأسكندرية مثلا أعتقد إنهم يقضوا الغرض أما مشاوير أطول من كدا متحاولش
و بيني و بينك ذوقك و أختيارك النهائي هي الفيصل لأن الفرق مش كبير و لو أني أرشحلك 128

أنا مش معاك انا بتكلم عن تجربة ال128 بتسافر 10 / 10 لمسافات بعيدة جدا
انا تقريبا ساكن في الزقازيق و بروح بيها اسكندرية ( 300 كم ) كتيير و القاهرة (90كم) و خد عندك كنت أحيانا بروح أصيف في ((العريش)) قبل ما الكوبري يتبني شوف انت بقي دول كام كيلو مع العلم اني عمري ما استريحت في وسط الطريق
يعني باخد الطريق من اوله لاخره مرة واحدة بدون توقف

و اخيرا
اتوكل علي الله و هات 128

ملحوظة ال128 الجديدة 1300 سي سي و خمس سرعات مش 1100 سي سي و اربع سرعات