بسم الله الرحمن الرحيم
انا فكرت اعمل موضوع نقول فية اماكن الردرات الموجوده على الطرق المصريه لكن ليا رجاء مفيش مدخلات اطلاقا العضو يخش يذكر مكان الردار مشكورا فقط ودة عشان الموضوع الاعضاء ميتوهوش فيه وعشان ياخد الغرض منه على اكمل وجه
عرض للطباعة
بسم الله الرحمن الرحيم
انا فكرت اعمل موضوع نقول فية اماكن الردرات الموجوده على الطرق المصريه لكن ليا رجاء مفيش مدخلات اطلاقا العضو يخش يذكر مكان الردار مشكورا فقط ودة عشان الموضوع الاعضاء ميتوهوش فيه وعشان ياخد الغرض منه على اكمل وجه
بعد الكيلو 21 طريق القاهرة بلبيس في مطلع علية ردار
(طريق الرجوع من القاهرة الي بلبيس)
طريق مصر الاسماعيلية بعد مدينة الشروق بحوالي 4كم عند المركز الطبي العالمي كمين ثابت - كمان في دخلة الاسماعيلية بعد الكارتة بحوالي 10كم رادار ثابت بالنهار
علي طريق الاسماعيلية وبورسعيد فية رادار احياناً يتم وضعه قبل الكارتة وانت راجع من نفس الطريق رايح الاسماعيلية في ردار في الكيلو 7 تقريباً
طريق السويس قبل بدر ب5كم وعند الكيلو 80كمين نهارى ثابت
الدائري بين نزلة طريق السويس ونزلت طريق مصر الإسماعلية في إتجاه الي رايح طريق الإسماعيلية الرادار من الساعة ١٠ونص أو١١ لحد المغرب
مشكوريييييييييييييين
بس ياريت اماكن الردار علي طرق الصعبد الشرقي والغربي الصحراوي لاني بجد اتكويت كتير في 150 جندي:fun_36_3_4[1]::fun_36_3_4[1]:
الطريق الدائري بين نزلة كورنيش المعادي ونزلة الاتوستراد
دايما موجود بالنهار في إتجاه الرايح لكارفور من الجيزة
طريق الاسكندريه الزراعي قبل كوبري الشموت ب 2 كم في الدوران
هما عاملين كامين للنقل قبل كوبري قها الجديد
اللي مش عارف بيفتكر ان كده عدي
انما الكمين في الردار اللي في اللفه اللي قبل كوبري الشموت ب 2 كم
أحيانا - وبقالهم كتير مش بيقفوا
- الاوتوستراد 60كم/ساعة - من مدينة نصر لمساكن شيراتون - بعد بنزينة وطنية - بعد دخلة المطار بالليل من الساعة 12.00am
- نفس الطريق الاتجاه المعاكس بيقف في اول الطريق تحت كوبري المطار وساعات بيقف قبل موبيل - FJI بس الصبح من الساعة تمانية
- رادار ليلي بيعمل فلاش بس في الدائري بعد الطلعة اللي من طريق السويس في اتجاه زهراء مدينة نصر بيبقى في عربية جيب كيا الجديدة بتاعة المرور وحواليها قراطيس وحواجز عاكسة كتير بتبقى باينة والسرعة 90كم/ساعة
مشكورين والله يا رجالة
رادارات محور 26 يوليو - طريق اكتوبر
فيه يافطه قبل كل رادار بكيلو واحد
يوجد 3 فى كل جانب
للعلم - شغال باليل و النهار
طريق الزقازيق بلبيس
عند قريه النوبة والدهاشنة رادار على سرعه 70
بيقف صبحا
و السرعة القصوى على محور 26 يوليو كام
لحسن بتهري فلاشات بالليل
طريق بلبيس العاشر الكيلو 7 اتجاه العاشر من بلبيس
رادارت المحور اللى فى العربيات كتير مابتكونش شغاله
بس نصيحه محدش يطاوع رجله و يعدي ال 90 - الطريق فعلا تحفه و مغري جدا لل 160 بس الحادثه بتحصل فى ثانيه
ربنا يبعدها عننا
يا ريت الرادارات الموجودة على الزراعى من شبرا لحد بنها وكمان طريق المنصورة وميت غمر
وياريت يا جماعة حد يفيدنى للردارات علي طريق المنصورة جمصة من اول المنصورة وبلقاس لغاية جمصة يعني الطريق الدولى الساحلى ومن جمصة لغاية دمياط الجديدة وراس البر برده الطريق الدولى وبعدين طريق دمياط بيتعمل هناك رادرات بس عايز اعرف فين بالتفصيل
هوة رادار المحور البوكس الي علي اليمين و الشمال بيلقط في الاتجاهين؟؟
يعني وانا راجع من اكتوبر الرادار الي علي اتجاه الي رايح اكتوبر يلقطني؟؟؟
وفين يا جماعة اسكندرية القاهرة الصحراوي ما حد يقول ده الواحد بيسافر عليه علي 100 كم ادب مش ناقصة غرامات كفاية اللي جوة البلد
ردار فى دوران محور التعمير المؤدى الى الطريق الدولى فى منطقة القبارى بالاسكندرية .
ردار بين الاشجار فى الجزيرة الوسطى لطريق مصر اسكندرية الصحراوى فى اماكن عديدة اهمها قبل مدينة السادات وقبل النوبارية والبوابات عشان دايماً الضابط بيحب يقعد فى الظل والردارات دى موجوده حتى المغرب فقط ومفيش بالليل .
الرادارات على طريق الاسماعيليه
فى واحد بعد مدينه العبور بحوالى 2 كيلو متر وده مش موجود طول الوقت واللجنه بتاعته بتكون مقابله للكمين الثابت اللى بيكون فى اتجاه اللى راجع القاهره
وفى رادار ثابت بعد مدخل الشروق بحوالى 2 كم برده وبعد ما تعدى كمين الرادار ده مفيش تانى غير بعد الكارته بحوالى 10 كم رادار تانى وهو تحديدا من بدايه ما يكون الطريق فيه شجر على الاجناب وبعد كدا مفيش رادار تانى لحد الاسماعيليه
اللى راجع القاهره فى رادار قبل الكارته بحوالى 2 او 3 كيلو وده تهدى عنده بمجرد ما تلاقى فى حواجز خرسان بين الطريق اللى رايح واللى جاى هو بيقف بعد بدايه الحواجز بشويه
ومن بعد الكارته فى الراجع مفيش اى رادارات تانى
كان الاول فى رادار بعد كوبرى قها لكن بقالهم فتره بيعملوا رادار تانى قبله ومكانه متنقل فالاحسن تركز مع الميكروباصات
بمجرد ما تنزل طريق بنها فى رادار بعد ما تاخد طريق المنصوره بحوالى 3 كم بس للأسف انا معرفش اسماء البلاد على الطريق فمش هقدر افيدك فين بالظبط , بس الطريق ده الناس عليه خدومه قوى ولو فى رادار هتلاقى البشر كلها بتقلب نور
ومفيش رادارات تانى فى اللى رايح المنصوره لحد صهرجت وانا مبكملش فيه بعد كدا
وانت راجع فى رادار بعد بلد اسمها المنشيه الكبرى , هتلاقى مطب كبير عند جامع كدا واليافطه بتاعت البلد بعدها بحاجه بسيطه فى رادار والافضل انك تفضل مهدى لحد كفر شكر وبعد كدا مفيش تانى لحد القاهره
:majd(4)::majd(4)::majd(4)::majd(4):اقتباس:
أحيانا - وبقالهم كتير مش بيقفوا
- الاوتوستراد 60كم/ساعة - من مدينة نصر لمساكن شيراتون - بعد بنزينة وطنية - بعد دخلة المطار بالليل من الساعة 12.00am
- نفس الطريق الاتجاه المعاكس بيقف في اول الطريق تحت كوبري المطار وساعات بيقف قبل موبيل - FJI بس الصبح من الساعة تمانية
يا نهار اسود يا لهوى الطم دة دا انا فى الاكادمية البحرية الى فى الشراتون ودة طريقى و انا بالاكسيل الحقيرة بتاعتى بثبت على 100 من كوبرى 4.5 لحد ما الف من قدام قبل الشراتون بشوية وادخل من عند fji او دخلة الاكادمية و ساعات كتير بجرب شعور الـ120 و بحاول جاهدا اتخطاها لكل بحس ان العربية فاضلها جناحين:36_7_4[1]: ربنا يستر على كل طلاب الاكادمية لان زى مانتوا عارفين اعندنا مبيعملوش حاجة غير انهم بيشدوا بالعربيات والـ 120 اول الناس فى الكلام
ربنا يستر
ردارات مصر اسكندريه الصحراوي لحد المغرب بس ولا فيه بالليل ؟
وطريق العين السخنه رداراته ايه نظامها ؟ انا كذا مره امشي عليه ومعظم الطريق معدي 120 بس ربنا بيستر
احب اضيف كمان في ساعات رادار قبل مدخل الشروق و الكمين عند المدخل و دا ساعات و ساعات و بيبدأ الساعه 2 تقريباً _ متجه من القاهره للاسماعيليه...
و انت راجع ساعات برضه في كمين بيكون امام المركز الطبي العالمي و اخر قبل اكوا بارك ب حوالي 500 متر..
عامه الردار في مصر الاسماعيليه الصحرلوي بيبدأ من الساعه 9 للساعه 5 مساء و احترس خصوصاً ايام الجمه و السبت و الاعياد...
يا رب اكون افدت
مش واقف على طول دا قليل اوي لما بيقفوا !!!! والمخالفات بتبقى في ساعتها !!! ونصيحة الطريق وحش ومليان عيوب !! يوميا بدون مبالغة باشوف حادثة بالذات عند بنزينة وطنية بتحصل حوادث كتير عربيات بتعوًم في النلف وتطلع الناحية التانية او بتقف في الجزيرة اللي في النص انا نفسي الطريق كله يتراقب طول اليوم رادار:44:عشان تبطل جري !!!!
طريق الغردقة بعد الزعفرانة بحوالي 40 كيلو كمين متحرك وقبل راس غارب بحوالي 10 كيلو كمين متحرك
يا جماعة هو رادار محور 26 بيكون علي 80 ولا 90 كيلو عشان انا فاكر انه بيكون علي 80 فياريت المتأكد يخبرنا
محمد فهمي
لا المحور بيبقى 90 - أنا مرة كنت ماشي كويس وعربية عدتني بسرعة كبيرة وشوفت الفلاش - ازاي بيعرفوا من الصورة أي عربية الي كانت متجاوزة السرعة ..؟
القاهرة اسكندرية الزراعى ؟
لأنى بمشى علية كتير و مليان رادارات
أنا أعتقد إن رادار المحور بيصور بعد ال 100 كيلو فقط رغم إنه كاتب 90, لأني ببقى ماشي على 98 تقريبا ومابتصورش خالص, إنما لما بعدي ال 100 بتلقط مخالفة.
ياريت صور يا جماعه او خريطه لتحديد مكان الردار
- رادار ليلي بيعمل فلاش بس في الدائري بعد الطلعة اللي من طريق السويس في اتجاه زهراء مدينة نصر بيبقى في عربية جيب كيا الجديدة بتاعة المرور وحواليها قراطيس وحواجز عاكسة كتير بتبقى باينة والسرعة 90كم/ساعة[/quote]
الله ينور عليك أنا لسة معدي عليه ومحسيتش بيه إلا لما الفلاش ضرب عليا وبصراحة إتخضيت والسؤال هل زي ما سيادتك بتقول هو فلاش فقط ولا أنا كدة إتصورت - يا ريت سيادك ترد عليا علشان أطمئن .. شكراً
الله ينور عليك أنا لسة معدي عليه ومحسيتش بيه إلا لما الفلاش ضرب عليا وبصراحة إتخضيت والسؤال هل زي ما سيادتك بتقول هو فلاش فقط ولا أنا كدة إتصورت - يا ريت سيادك ترد عليا علشان أطمئن .. شكراً[/QUOTE]
ما دام الفلاش ضرب:H_angry[1]::H_angry[1]:
تبقى اتاخدت مخالفة