من اكتر العربيات الغريبه في العالم كله علشان موتورها مش موتور عادي زي المواتير المعتاده انما الموتور بتاعها اسمه موتور رحوي و الموتور بيبقي عباره عن اسطوانتين و كل اسطوانه بيبقي عليها تلات بوجيهات علشان كده بيقولو انه بيعادل 6 سلندر و اسطواناته بتلف بطريقه دائريه مش من اسف لاعلي زي المواتير العاديه انا لو كنت بعرف ارسم كنت رسمتلكم طريقه عمله بس للاسف ما بعرفش ارسم .
الموتور دا قوته 232 حصان و العربيه دي هيا امتداد لشهيره مازدا RX7 سياره مازدا الرياضيه في الثمانينات و انا شفت من الRX7 كذا واحده في مصر و اتذكر واحده كانت في المهندسين و لونها فضي بس كان شكلها تعبان و شفت اتنين عند ماجد و لطفي(توكيل مازدا القديم) و الكلام دا كان في اواخر التسعينات