حد يعرف ايه ده
فكيت مسطره الرشاشات ولقيت عليها حاجه كده شبه فلتر البنزين بس علي مصغر وطالع منها خرطوم من جمب خرطوم البنزين والتاني علي المنفولد حاولت فكتها وحاولت انفخ فيها لقيتها مسدوده حد يعرف اه ده وبيعمل ايه
معلم عليه بالازرق
شكرا
عرض للطباعة
حد يعرف ايه ده
فكيت مسطره الرشاشات ولقيت عليها حاجه كده شبه فلتر البنزين بس علي مصغر وطالع منها خرطوم من جمب خرطوم البنزين والتاني علي المنفولد حاولت فكتها وحاولت انفخ فيها لقيتها مسدوده حد يعرف اه ده وبيعمل ايه
معلم عليه بالازرق
شكرا
اللى على آخر مسطرة الرشاشات
وطالع منه خرطوم بنزين راجع لتنك البنزين
وبيشتغل بنظرية التخلخل بواسطة خرطوم فاكيوم جاى من المانيفولد
ده بلف تنظيم ضغط الوقود فى دايرة البنزين
fuel pressure regulator
بس الصوره مش واضحه شويه وعاوزه تتكبر
وحجبلك أنا صوره علشان نأكد على الكلام ده
http://i728.photobucket.com/albums/w...titled-107.jpg
شوف كده
البلف هو القطعه رقم 8 والماسوره الصغيره (اللى متاخد منها رقم 8 برضه )دى طالعه منه و رايحه لراجع البنزين ومنه الى التنك
والخرطوم اللى جاى من المانيفولد بتاع تشغيل البلف بالتخلخل هو رقم 10 وعامل زى حرف اليو النايم على جنبه فى أتجاه اليسار
شكرا لحضرتك واضح من كلام حضرتك انك فهمت انا اقصد ايه طيب هل هو المفروض انه يكون مغلق تماما يعني مهما انفخ فيه مسدود خالص
طيب حسألك سؤال
بتنفخ فيه منين
من عند خرطوم الفاكيوم رقم 10 ولا من عند خرطوم البنزين اللى راكب على زور البلف ولا من مكان تركيبه المفتوح على بنزين المسطره
وهل لقيت فى الخرطوم رقم 10 بنزين أو أثر بنزين
بنفخ فيه من الناحيتين شمال ويمين
شمال في خرطوم الكاوتش اللي طالع علي المنافولد يمين مصوره متنيه اخرها علي خرطوم البنزين ولا ده لا ده بيعدي حاجه
مكانش فيه اي اثر لبنزين فيه
يبقى البلف تمام
معلش انا مش فاهم هو المفروض انه مايفتحش خالص طيب بيفتح امتي ويعدي البنزين
البلف ده بيفتح حسب شدة التخلخل اللى جايله من خرطوم الفاكيوم
ولو نفخت فيه من جهة تركيب الخرطوم أو من عند ماسورة تركيب خرطوم راجع البنزين وعدى هواء النفخ يبقى الرق بتاعه بايظ
لما بيجيله التخلخل من المانيفولد بيترفع الرق بالأبره بتاعة البلف
وبكده بيعدى شوية بنزين من المسطره الى خط راجع البنزين الى تنك البنزين
وكمية البنزين اللى بيعديها بتتوقف على قيمة التخلخل اللى بيرفع الرق بالأبره بتاعة البلف
كل مازاد التخلخل ....كل مازاد رفع الأبره من على قاعدتها ....وبالتالى بيعدى بنزين أكتر
دى طريقته بطريقه مبسطه لأن الكتالوج لم يستفيض فى مكوناته (حتى بالرسم الهندسى )
جايبه مقفول حته واحده ولكن شرح نظرية التشغيل للبلف بطريقه مختصره