الموضوع: مين عاوز لينيا تقسيط مباشرررررررررررررررر؟؟؟؟؟ ؟

الاخوة الاعزاء المهتمين بالموضوع ده

خاصة استاذ عبد الحميد و استاذ حسام

النهاردة كان فيه اعلان فى اهرام السيارات صفحة 2

مكتوب : الغالى موتور يوجد جميع موديلات فيات بالتقسيط بدءا من 10% و موجود لينيا

و كاتبين ارقام تلفونات و هيا 0181378884 و 25079955 و 25079966 و 24700459

المهم كلمتهم على النمرة بتاعة الموبيل رد على انسر ماشين للمبيعات اطلب 103 او 105 او 107 او 109 و للادارة 110
المهم طلبت 103 .... رد عليا انسان مهذب جدا ......اسمه محمد عثمان

- انا : حضرتك انتوا عندكوا فيات لينيا ؟؟؟؟؟؟؟
- قاللى ايوة عندنا جميع فئات التربو ........ و فيه اتنين واقفين عندى دلوقتى
- انا طب هل عند حضرتك اللينيا العادة ؟؟؟؟؟؟
- قال : عندى واحدة معروضة بس متباعة ..... و هايكون عندى بعد شهر و فيه ناس حاجزة عليها ..... قولتله اللى عندك انهو قاللى اول فئة فى العادة و هيا 87 الف جنيه ..... يعنى نفس السعر المعلن
- انا : طب حضرتك عندكو تقسيط مباشر ؟؟؟؟؟؟
- قال : احنا عندنا جميع انواع التقسيط بما فييها المباشر بدءا من مقدم 10% ..... حضرتك بس تشرفنا و نقعد مع بعض و انا مهمتى انى اركبك العربية اللى انت عاوزها .... بس حضرتك لازم تشرفنا .....
- انا : طب الفايدة كااااااااام ؟؟؟؟؟؟؟؟
- قال : حضرتك على حسب المقدم و انا بنشتغل على كل المحافظات لما عرف انى من الصعيد
- انا : طب حضرتك العنوان ايه ؟؟؟؟؟؟
- قال : الغالى موتورز ..... بجوار مستشفى المقطم .... شارع 9
- قولتله : طب لو انا عاوز اللينيا العادة ......ممكن تجيبها ؟؟؟؟؟
- قال : انا جايلى كمية بعد شهر و فى ناس حاجزة
- انا : شكرا ...... و ان شاء الله اجى اشوف بنفسى و اتعرف على النظام بتاعكوا
- قال : اسال عليا انا اسمى محمد عثمان


هاااااااا ايه رايكم يا جماعة ...... انا ان شاء الله هاكون فى القاهرة السبت بليل و قاعد لحد الاربعاء ان شاء الله ...... ايه رايكم لو نتقابل و نروح سوا......... او لو حد هنا ساكن قريب يروح و يقعد معاهم و يشوف ايه النظام بتاعهم و كده ؟؟؟؟؟ بحيث اننا نشوف موضوع التقسيط المباشر الجماعى ..... يعنى الاول يعرف النظام لو واحد بس هايشترى و بعدين لو عدد عشان ناخد فايدة و لا ايه رايكم ؟؟؟؟؟