الموضوع: مين عاوز لينيا تقسيط مباشرررررررررررررررر؟؟؟؟؟ ؟

المشاركة الأصلية كتبت بواسطة hosamsamsoon

[frame="9 10"]
فكرة ممتازة
انا معاك قلبا و قالبا
طبعا فيات لينيا
الفئة حدبان بعون الله لما نتجمع ممكن توصل للتربو الى ب 106الف
بس الفكرة جامدة
كدة ناقص المحامى
ولو مفيش ممكن نجيب اى محامى و نتكلم
وبصراحة انا شايف ان الموضوع مش محتاج محامى دة محتاج واحد يعرف يلاعبهم و يتكلم بلسان المجموعة
وانا ممكن ويكون معايا واحد او اتنين كمان نعمل نوع من الهجوم و ادارة الموقف من جهتنا ويكون لنا الغلبة بعون الله
معلش انا عارف انى مش داخل حرب بس كدة حيكون احسن
وربنا المعين
[/frame]

ازيك يا حسام باشا ؟؟؟؟؟

اهلا بيك يا وحش الفيات

انت كده وصلتلك الفكرة بالظبط ........
و لو على المحامى او كده كتير ........ هانلاقى حد يكون معانا فى الفكرة او المنتدى او نجيب واحد باتعابه يبقى الوكيل بتاعنا و ناخد حد من هنا من المنتدى يكون خبرة فى الحاجات دى ...على فكرة انا عندى بنت عمتى قاضية فى مجلس الدولة و معاها ماجستير فى القانون ممكن تساعد مدام فى الخير.

اهم حاجة اننا نبقى عدد حلو يعن نكمل عشرة مثلا ... تخيل لما تروح التوكيل و تقول احنا عاوزين عشر عربيات لينيا مثلا ....... اعتقد هاتحط رجل على رجل و تتفاوض زى مانتا عاوز و نقلل سعر الفايدة .........

على العموم اهلا بيك يا حسام باشا

و كدة بقينا 3 فى اول يوم يا مسهل يا رب

يا ريت يا باشا تكتبلى رقم الموبيل او تبعته على الخاص .... للتواصل عند الحاجة

يا جماعة انا طبيب بشرى و خشوا على مشاركاتى من سنة هنا و ماليش علاقة باوماترا نهائى ... ده انا كمان و الله ما شوفتش اللينيا على الحقيقة و لا ركبتها لانها مش موجودة هنا فى الصعيد ....... و عمرى ما روحت اوماترا خالص ..... و ان شاء الله يوم الثلاثاء اللى جاى هاروح القاهرة شغل يومين و هاروح مخصوص اتفرج عليها و افصصها كويس و هانام فيها كمان و ان شاء الله هاكتب انطباعى باذن الله

الموضوع مطروح قدام الناس كلها و اللى عنده تعديل او حاجة يساعد بيها ما يبخلشى بيها

جزاكم الله خيرا

ر