الموضوع: شكر خاص للمهندس طارق زويل

السلام عليكم
انا لسه راجع من كام ساعه من قليوب الحمد لله
النهارده قابلت اخيرا الباشمهندس طارق وكانت من اجمل الفرص الى الواحد ممكن يمر بيها
كلمات الشكر و المديح مش هتوصف جمال الباشمهندس
وبجد حضرته بيقدم خدمه لينا مش ممكن فيه حد لسه فى الزمن ده بيعمل كده
المهم انا وصلت الساعه 9 سالت على الباشمهندس فى الدور التالت تانى غرفه غرفه الحاسب الالى عشان بجد الى هيروح مش هيندم ولازم ياخد الفرصه دى ويقابل الباشمهندس
انا خبطت على الباب لقيته تقيل فحسيت انه مقفول وماحدش موجود وبكل تواضع الباشمهندس كان موجوده جوه وقام فتح لينا ووجاب لينا كراسى و طلب انه نشرب حاجه
هو حضرته حاطط صوره فى المنتدى بس فى الحقيقه شكله مختلف شويه جنتل جداا وذوق جداا و بشوش جداا تحس بجد انه يعرفك من زمان و بيسهل كل الامور
انا بجد مش عارف اقول اايه
واتكلمت مع حضرته
وشوفوا الى حصل
انا كان معايا زوج اختى راجل عملى جداا وانبهر من الحركه دى ومن ذوق الباشمهندس
انا كنت طالب صاموله والكلام ده من مده والباشمهندس طلب منى رقم الشاسيه اول ما دخلت وعرفنى الورقه كانت قدامه برقم الصاموله من الشاسيه مجهزها وعارفها مخصوص عشانى
بجد شكرا جزيلا لحضرتك وفعلا حضرتك بتبذل معانا مجهود جميل و بتساعدنا بجد وبتهتم لكل تفصيله حد بيطلبها
بعد كده الباشمهندس طلب من مهندس صغير تانى اسمه محمد طلع بلدياتى من المنصوره انه يبقى معانا ونزل معانا خلص الورق واحنا مش بنعمل حاجه خالص ودخل العربيه بنفسه و بداو الشغل فيها علطول وكان واقف عليها 4 صنايعيه وسمحوا لينا اننا نبقى مع العربيه ونتحرك بحريه مع انه ده ممنوع بس عشان خاطر الباشمهندس والاستراحه كانت مليانه وخلصنا قبل الناس كلها و بعدين المهندس خلانى اتكلم مع الصنايعيه وجابلى كبيرهم وادانى تقرير عن العربيه وظبطولى حاجات فيها جدعنه
وبعدين خلصت ودخل المهندس خلصلى كل حاجه وطلعلى العربيه وجابلى الرخصه
وشوفوا كمان
انا المفروض كنت بظبط تاكيهات سعرها التظبيط ده 80 جنيه الباشا عملهولى ب 30
وتنظيف المكنه والفراشه بيتكلف 100 باين عملهولى 50 و عملى كمان خصم على الفاتوره فى الاخر
انا بجد مش قادر اوصفلكم اد ايه كان يوم جميل وبجد حسيت انه فعلا لسه فيه ناس كويسين ناس محترمين اوى بجد
ونصيحه ماحدش يعمل اى حاجه بره التوكيل ووالله الاسعار ولا غاليه ولا حاجه هى اسعار الصيانه الى ممكن غاليه لانك بتظطر تغير فلاتر وهى اسعارها كده الاصليه لو عايز الاستيراد ارخص بس مش كويسه وكل واحد وظروفه بس ما حدش يلعب فى العربيه او يغير فيها حاجه الا فى مركز الصيانه
الناس هناك بجد عايزين العربيه تبقى كويسه مش انهم يستفيدوا منك وخلاص
والموضوع بيعتبروه مسئوليه عليهم لو العربيه طلعت وفيها حاجه بترجع ليهم تانى
وبجد ياريت ماحدش يضيع الفرصه دى ويستغل الباشمهندس هههه انا بهزر واكيد ده شى يفرحه انه يقدر يساعد اى حد
شكرا جزيلا يا باشمهندس على اليوم النهارده وان شاء الله تتعوض بحاجه ااحسن انا حبيت العربيه بسبب حضرتك والله وكمان الباشمهندس محمد
النهايه كانت مزعجه شويه حضرتك فاهم بس الحمد لله ربنا ييسر واقدر اخلص قريب واجيب حاجه على ذوق حضرتك ان شاء الله
كل سنه وحضرتك طيب
اخوك الصغير
محمد