كل يوم لما أدور العربية بأسخنها 3 دقائق و امشي , بس الموتور بيفضل صوته عالي وقت طويل
حتي بعد ما العربية تسخن , نفسي أعرف ده من إيه وشكرا للإخوة الكرام في المنتدي.
عرض للطباعة
كل يوم لما أدور العربية بأسخنها 3 دقائق و امشي , بس الموتور بيفضل صوته عالي وقت طويل
حتي بعد ما العربية تسخن , نفسي أعرف ده من إيه وشكرا للإخوة الكرام في المنتدي.
وعلو الصوت ده بيستمر على طول
وهل التغيير ده لاحظته أمتى
وأيه آخر صيانه
ونوعية الزيت المستخدم
والبوجيهات موقفها أيه (هل كشفت عليها وشوفت لونها )
وأستهلاك السياره من البنزين
وموقف العادم
هل تغير معدل خروجه من الشكمان عن الأول
دول شوية أسئله مطلوبين الأول
على مانشوف جديد
شكرا علي استجابتك يا باشمهندس سمير
علو الصوت ده بقاله وقت طويل
آخر صيانة 70 ألف
الزيت اسو الترا 10 آلاف
استهلاك البنزين معقول جدا
البوجيهات مغيرها من 10 آلاف ( 5 شهور )
هي العربية عادية بس بالذات الصبح لما اسخن تفضل العربية بعدها عالية
لكن غالبا بتظبط اثناء المشوار لكن مثلا ركنت بعد ما مشيت مرة ب5 دقائق
و مورت العربية الموتور كأني محمل علي البنزين وصوته عالي.
طب انا عايز اعرف هي العربيات الانجكشن بتسخن إزاي هل اوتوماتيك ويفصل لوحده لما العربية تسخن؟؟
وآسف للإطالة
بتسخن عادى نتيجة دورات الحريق المتكرره للمكنهاقتباس:
طب انا عايز اعرف هي العربيات الانجكشن بتسخن إزاي هل اوتوماتيك ويفصل لوحده لما العربية تسخن؟؟
ومن كلامك واضح أن المشكله بتظهر معاك تحديدا بعد الدواره بفتره مثلا
وده غالبا بيرجع بسبب نوع الزيت التخليقى اللى بتستعمله
فهل عندك علبة زيت تقولنا
أسو التخليقى بيشتغل فى مدى كام
ولو تحب تجرب نوع زيت تخليقى تانى أو معدنى (يبقى كويس فعلا )
لأن الصراحه أنا شاكك فى نوعية الزيت فعلا
سلام عليكم
اكيد انا مستحيل هاتكلم بعد المهندس سمير
و غالبا اللي هاقوله بديهي و معروف
بس اللي بتقوله ده , شبه اللي بيبقى حاصل عندي لو طلعت بالعربية من غير ما اسخنها شوية , بيفضل صوت الموتور عالي لحد ما درجة الحرارة تبقى قريبة من الربع مثلا , او يمكن اعلى منه سنة , مش فاكر اوي
طبعا بعد كده درجة الحرارة بتثبت تحت النص على طول
انا اللى عندى ان اول ما بدور صوت المكنة يعلى شويتين لحد ما الزيت الطرمبة توزعة وياخد دورتة ولزوجتة تتظبط مع التسخين
والمكنة ترجع تنعم بمجرد ان دورة الزيت ولزوجة الزيت اتظبتت وكل دة بياخد زمن حوالى 3 دقايق بالكتير اووووى
انما لو المكنة سوخنة نص نص ادور الصوت نفسش العلو يقوم جى واطى لحد وضعة الطبيعى يعنى مستوى النعومة العادى
والعملية بتاخد لحظات واقل من ثوانى
هل يا باش مهندس سمير الوضع عندى طبيعى ولا فية خلل ما
وربنا ما يحرمنا من ايجاباتك لأستفسارتنا ودلعك الشديد لينا ...حضرتك مدلعنا على الاخر ومش بتبخل على حد بأآ كلمة مش معلومة
على فكرة شوفت صورة حضرتك لما العضو الفاضل طلب منك صورة شخصية
ربنا يديك الصحة والعافية ويدمها عليك نعمة
حضرتك لسة شباب الله اكبر فأعتبرنى اخ صغير لحضرتك واكون نلت شرف اخوتك
هو المفروض الكلام ده ياخد بعض الثوانى يعنى 30 ثانيه أو دقيقه بكتيرهاقتباس:
انا اللى عندى ان اول ما بدور صوت المكنة يعلى شويتين لحد ما الزيت الطرمبة توزعة وياخد دورتة ولزوجتة تتظبط مع التسخين
والمكنة ترجع تنعم بمجرد ان دورة الزيت ولزوجة الزيت اتظبتت وكل دة بياخد زمن حوالى 3 دقايق بالكتير اووووى
أعتبره طبيعىاقتباس:
هل يا باش مهندس سمير الوضع عندى طبيعى ولا فية خلل ما
بس والمكنه بارده أبقى سيبها تسخن شويه قبل ماتطلع بالعربيه
يعنى ماتدورش وتطلع على طول
على ماقدام وفى أى مناسبه (ممكن تبقى تكشف على مصفة طلمبة الزيت )
وممكن تبقى تعمل فلشنج لدورة تزييت المكنهالله يخليك ياسامح باشااقتباس:
وربنا ما يحرمنا من ايجاباتك لأستفسارتنا ودلعك الشديد لينا ...حضرتك مدلعنا على الاخر ومش بتبخل على حد بأآ كلمة مش معلومة
على فكرة شوفت صورة حضرتك لما العضو الفاضل طلب منك صورة شخصية
ربنا يديك الصحة والعافية ويدمها عليك نعمة
حضرتك لسة شباب الله اكبر فأعتبرنى اخ صغير لحضرتك واكون نلت شرف اخوتك
وأنت والجميع أخوان لى بدون أدنى شك
دة شىء اكيد انى لازم اسخن العربيبة وتاخد وقتها كمان براحتها
لحد ما عداد الحرارة يببتدى يرفع ابتدى اتحرك براحة واتحدة واحدة لحد ما المكنة تفوق وابتدى اتعامل طبيعى
اعتقد كدة بتصرف صح
كده تمام
وماشى الحال
وأنت كده كده بتابع الحراره ولمبة الزيت
يبقى لاداعى للقلق
الله يطمن قلبك ياهندسة زى ما بطمنا كدة ديما
بس طلب من حضرتك كدة
ليا كام استفسارا فى موضوع (حاسس العربية مش خفيفة فى المناورة)
عن ضغط الهواء فى الاطارات و فروق قرايات العداد مع اختلاف مقاسات الجنوط والكاوتش
ياريت تفهمنى كام نقطة دى من استفساراتى
والله يجازيك خير
أعتذر عن التدخل ، لإني لا أستطيع أن أفيد حد في هذا الموضوع بقدر ما قام به السادة الأفاضل عاليه ، ولكن أتذكر إن أحد الأعضاء قد سأل في وقت سابق - أسخن العربية قبل ما أطلع بيها كان حد قالوا لأ دور وإطلع علي طول للأمانه أنا مش فاكر الكلام ده كان إمتي أو مين إلي قالوا بس أنا فاكر إني قرأته قبل كده - قبل ما أشتري العربية تقريباً قرأت 100 صفحة من مشاركات هذا المنتدي الرائعة)
كده أنا محتار أسخن دقيقتين ولا أعمل إيه !
ردا على بشندي..
لا يا باشا .. كل ما تحتاجه هو تسخين العربية لمدة 30 ثانية ثم السير بها على سرعات هادئة لمسافة 3كم كمان وبعدها اتوكل على الله
وراجع موضوع (تشغيل الموتور على الحمل الخالي ) في القسم التعليمي على الرابط ده
http://www.nilemotors.net/Nile/30278-engine-idling.html
وإنت هاتفهم كل حاجة
معروف عندنا فى الدايواقتباس:
ليا كام استفسارا فى موضوع (حاسس العربية مش خفيفة فى المناورة)
عن ضغط الهواء فى الاطارات و فروق قرايات العداد مع اختلاف مقاسات الجنوط والكاوتش
أننا سواء لانوس أو نوبيرا
بنمشى على 32 رطل /بوصه المربعه
ومش مهم أنت مستعمل أى جنوط أو كاوتش
لأن ضغط الأطارات بيرتبط بالوزن اللى شايله (وهو مكونات السياره )
عن نفسى بأسخن أكتر من دقيقتين قبل ما أطلع (حريه شخصيه )اقتباس:
كده أنا محتار أسخن دقيقتين ولا أعمل إيه !
ومقتنع بيها فعلا
ولن أتنازل عنها مهما يكون
على رأى سميره سعيد
هههههههههه
مهما يكون .... مش هتنازل هنا ابدأ
احسن حاجة لما الواحد يفضل ثابت على المبدأ اللى ماشى بية مهما شاف تناقد واختلافات فى الاراء
طالما المبدأ اللى ماشى بية صحيح وسليم
الله عليك يامعلمة بقى المرادى بدل ياهندسة
مشيها كدة المرادى
أصل ياسامح باشا
لما أسخن كويس وأنا واقف
وموزع زيت المكنه تمام والمكنه أخدت راحتها فى التسخين
وحتى لو كربنت شويه
مشوار تمام
حينفض الليله ويمسح أى قلق
بدل ما أروح مدور وماشى على طول
وحالق لغرف الحريق ومسلخها مع التمادى
فى التدوير وهب أروح ماشى (حريه شخصيه برضه )
ربنا يخليك لينا يا باشمهندس سمير
الله يخليك يا أستاذ : أحمد
وأشكرك على زوقك
يبقى كده يا باش مهندس 30 ثانية وللا دقيقتين ؟
أبو حنيفة وللا مالك ؟
واضح أنك شقى أوى ياحمو
وبتحب تنكش فى الأمور
هههههههههههه
على فكره دى مذاهب برضهاقتباس:
أبو حنيفة وللا مالك
وصعب أوى تلاقى أتفاق على كل شىء
ولولا أختلاف الأراء ....لبارت السلع
المهم أن الأختلاف لا يجرح أحساس أحد
ولابد من الأختلاف ...للوصول للأمثل
وعدم الأصابه بالركاكه والروتين
اللى بنعانى منه فى كل المجالات للأسف
++++++++++++++