صوت الموتور

**lionhero16** · 23-10-2009 03:20 PM

كل يوم لما أدور العربية بأسخنها 3 دقائق و امشي , بس الموتور بيفضل صوته عالي وقت طويل
حتي بعد ما العربية تسخن , نفسي أعرف ده من إيه وشكرا للإخوة الكرام في المنتدي.

**samirayad** · 23-10-2009 03:26 PM

وعلو الصوت ده بيستمر على طول
وهل التغيير ده لاحظته أمتى
وأيه آخر صيانه
ونوعية الزيت المستخدم
والبوجيهات موقفها أيه (هل كشفت عليها وشوفت لونها )
وأستهلاك السياره من البنزين
وموقف العادم
هل تغير معدل خروجه من الشكمان عن الأول
دول شوية أسئله مطلوبين الأول
على مانشوف جديد

**lionhero16** · 23-10-2009 03:51 PM

شكرا علي استجابتك يا باشمهندس سمير
علو الصوت ده بقاله وقت طويل
آخر صيانة 70 ألف
الزيت اسو الترا 10 آلاف
استهلاك البنزين معقول جدا
البوجيهات مغيرها من 10 آلاف ( 5 شهور )
هي العربية عادية بس بالذات الصبح لما اسخن تفضل العربية بعدها عالية
لكن غالبا بتظبط اثناء المشوار لكن مثلا ركنت بعد ما مشيت مرة ب5 دقائق
و مورت العربية الموتور كأني محمل علي البنزين وصوته عالي.

طب انا عايز اعرف هي العربيات الانجكشن بتسخن إزاي هل اوتوماتيك ويفصل لوحده لما العربية تسخن؟؟
وآسف للإطالة

**samirayad** · 23-10-2009 03:59 PM

طب انا عايز اعرف هي العربيات الانجكشن بتسخن إزاي هل اوتوماتيك ويفصل لوحده لما العربية تسخن؟؟

بتسخن عادى نتيجة دورات الحريق المتكرره للمكنه

ومن كلامك واضح أن المشكله بتظهر معاك تحديدا بعد الدواره بفتره مثلا
وده غالبا بيرجع بسبب نوع الزيت التخليقى اللى بتستعمله
فهل عندك علبة زيت تقولنا
أسو التخليقى بيشتغل فى مدى كام
ولو تحب تجرب نوع زيت تخليقى تانى أو معدنى (يبقى كويس فعلا )
لأن الصراحه أنا شاكك فى نوعية الزيت فعلا

**تامر.محمد** · 24-10-2009 05:00 AM

سلام عليكم
اكيد انا مستحيل هاتكلم بعد المهندس سمير
و غالبا اللي هاقوله بديهي و معروف
بس اللي بتقوله ده , شبه اللي بيبقى حاصل عندي لو طلعت بالعربية من غير ما اسخنها شوية , بيفضل صوت الموتور عالي لحد ما درجة الحرارة تبقى قريبة من الربع مثلا , او يمكن اعلى منه سنة , مش فاكر اوي
طبعا بعد كده درجة الحرارة بتثبت تحت النص على طول

**samirayad** · 24-10-2009 08:11 AM

انا اللى عندى ان اول ما بدور صوت المكنة يعلى شويتين لحد ما الزيت الطرمبة توزعة وياخد دورتة ولزوجتة تتظبط مع التسخين
والمكنة ترجع تنعم بمجرد ان دورة الزيت ولزوجة الزيت اتظبتت وكل دة بياخد زمن حوالى 3 دقايق بالكتير اووووى

هو المفروض الكلام ده ياخد بعض الثوانى يعنى 30 ثانيه أو دقيقه بكتيره

هل يا باش مهندس سمير الوضع عندى طبيعى ولا فية خلل ما

أعتبره طبيعى
بس والمكنه بارده أبقى سيبها تسخن شويه قبل ماتطلع بالعربيه
يعنى ماتدورش وتطلع على طول

على ماقدام وفى أى مناسبه (ممكن تبقى تكشف على مصفة طلمبة الزيت )
وممكن تبقى تعمل فلشنج لدورة تزييت المكنه

وربنا ما يحرمنا من ايجاباتك لأستفسارتنا ودلعك الشديد لينا ...حضرتك مدلعنا على الاخر ومش بتبخل على حد بأآ كلمة مش معلومة
على فكرة شوفت صورة حضرتك لما العضو الفاضل طلب منك صورة شخصية
ربنا يديك الصحة والعافية ويدمها عليك نعمة
حضرتك لسة شباب الله اكبر فأعتبرنى اخ صغير لحضرتك واكون نلت شرف اخوتك

الله يخليك ياسامح باشا
وأنت والجميع أخوان لى بدون أدنى شك

**zocor742** · 24-10-2009 08:25 AM

دة شىء اكيد انى لازم اسخن العربيبة وتاخد وقتها كمان براحتها
لحد ما عداد الحرارة يببتدى يرفع ابتدى اتحرك براحة واتحدة واحدة لحد ما المكنة تفوق وابتدى اتعامل طبيعى
اعتقد كدة بتصرف صح

**samirayad** · 24-10-2009 08:31 AM

كده تمام
وماشى الحال
وأنت كده كده بتابع الحراره ولمبة الزيت
يبقى لاداعى للقلق

**zocor742** · 24-10-2009 08:38 AM

الله يطمن قلبك ياهندسة زى ما بطمنا كدة ديما
بس طلب من حضرتك كدة
ليا كام استفسارا فى موضوع (حاسس العربية مش خفيفة فى المناورة)
عن ضغط الهواء فى الاطارات و فروق قرايات العداد مع اختلاف مقاسات الجنوط والكاوتش
ياريت تفهمنى كام نقطة دى من استفساراتى
والله يجازيك خير

-

الموضوع: صوت الموتور

LinkBack

أدوات الموضوع

عرض

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة