عظيمه يا مصر يأرض اللواء والعميد وكل رتب المرور ورقصنى ياجدع

عرض للطباعة

23-10-2009, 06:35 PM
horeen

عظيمه يا مصر يأرض اللواء والعميد وكل رتب المرور ورقصنى ياجدع

نشرت جريده الأهرام فى ملحق السيارات فى الصفحه الثالثه بتاريخ 23/10/2009 بان الحكومه العرقيه استوردت عدد 8ملايين لوحه الكترونيه للسيارات بمبلغ 8 ملايين يورو بهدف تحديث نظام المرور هناك من شركه المانيه وهذه اللوحات يصعب تزويرها ومزوده بتكنولوجيا حديثه
وبحسبه بسيطه نجد سعر اللوحه المستورده الإلكترونيه الألمانيه واحد يورو ناهيك عن العمولات التى تم أخذها لمن قامو بالتعاقد مع الشركه الألمانيه
برده ملناش دعوه دى أرزاق
يعنى اللوحه بمبلغ أقل من 15 جنيه مصرى
وعندنا المرور بيدينا حته صاج ب120 وكمان مدعمه فى حب مصر
السؤال : ممكن أرخص فى مرور بغداد بدلا من مرور المعادى ولا لأ
وشكرا لرجال المرور والجبايه لتعاونهم معنا
23-10-2009, 06:55 PM
aymansaad

كده اكيد انت فى مصر
23-10-2009, 07:03 PM
Eng_Mostafa_89

دة الطبيعى بتاع بلدنا
هى على فكرة النمر رخيصة فى مصر بس اكيد الجمارك والدمغات بقى واللذى منة انت عارف بقى
23-10-2009, 07:05 PM
Terrible_DaRsH

امال تبقي بلدنا ازاى يعنى !!
23-10-2009, 07:17 PM
bassemali

دي سرقه علني ... حسبي الله ونعم الوكيل .
23-10-2009, 07:36 PM
mk20022002

يبقى انت اكيد فى مصر ربنا يتولانااااا البلد دى فجاة هتعمل زى موتور العربية اللى مفهوش زيت هتدخن و هتقفش وكل حاجة هتقف و تكلبش و هتحصل ثورة الجياع من كتر السرقة والنصب اللى بتحصل من الناس قبل الحكومة كلة عاوز يضحك على كلة و معدش حد طايق حد الناس بتتخانق مع دبان وشها من كتر الضغط اللى الحكومة حطة الناس فية بسبب الغلاء و السرقة و المحسوبية و هكذا تغلق الدائرة و نظل نلف فيها حتى تاتى النجدة من الخالق علشان كدة معدش لينا غير ربنا يتولانا.......
23-10-2009, 07:46 PM
Imhotep

بس سيبك انت عنوان الموضوع هو اللى جامد اوى.....هههههههههه
23-10-2009, 08:37 PM
samirayad

اقتباس:

وشكرا لرجال المرور والجبايه لتعاونهم معنا

قالها وديع الصافى
ولقد أحسن القول
حينما قال
عظيمه يامصر .....يا أرض النعم
يامهد الحضاره ....يابحر الكرم
نيلك دا سكر .....جوك معطر
عظيمه يامصر ...يا أرض النعم
مش فاكر باقى الأغنيه

وخللى بالك من حتة الكرم دى يا أحمد بيه
يعنى اللوحات غاليه (من شدة الكرم )

:C_laugh[1]:
23-10-2009, 10:08 PM
horeen

شكرا لكل الإخوه الذين شرفونا بالرد على هذا الموضوع وعقبال ما نبقى زى ما بيقولو حكومه (ذكيه-رشيده)ودى كلها أسماء حريم عشان كده الحكومه مش بتنكشف على الشعب
23-10-2009, 10:19 PM
mada121977

بلاش موضوع اللوح
حضرتك تعرف انك مع كل تجديد فى المرور بتدفع ضريبه لاستخدام الطرق !!!!
شوف بياخدوا ملاييين من الناس علشان الطرق سواء السريعه او داخل المدن وللاسف مفيش طريق سليم ولا طريق مافيهوش مطبات تقسم وسط العربيه واللى راكبينها
احنا بنتعامل معامله العبيد فى البلد دى
23-10-2009, 11:09 PM
icehearted girl

وقالها سيد أبوحفيظة

عظيمة يامانجا

يا أرض العنب
23-10-2009, 11:45 PM
Haitham10

هي فين البلد اساسا
24-10-2009, 02:44 AM
Ghamrawy

بطلوا نق على الحكومة بدل ما تبعت تستورد بخور من الهند و دجالين زناجرة من بتوع افريقيا و الموضوع يتكلف مليارات الدولارات و احنا اللى نلبسه فى الاخر
24-10-2009, 02:48 AM
أحمد كمال

ربنا ينتقم منهم

حار و نار في جتتهم

يا رب كل واحد بياكل من الفلوس دي في كرشه يجيله سرطان و تسمم و يموت موتة وسخة
24-10-2009, 03:00 AM
bemocarlo

اقتباس:

المشاركة الأصلية كتبت بواسطة أحمد كمال

ربنا ينتقم منهم

حار و نار في جتتهم

يا رب كل واحد بياكل من الفلوس دي في كرشه يجيله سرطان و تسمم و يموت موتة وسخة

امين يا رب العالمين اللهم تقبل.
bemo,ire
24-10-2009, 03:38 AM
Eng.Sameh

اقتباس:

المشاركة الأصلية كتبت بواسطة أحمد كمال

ربنا ينتقم منهم

حار و نار في جتتهم

يا رب كل واحد بياكل من الفلوس دي في كرشه يجيله سرطان و تسمم و يموت موتة وسخة

المشكلة يا احمد يا خوية انهم مبيحصلهمش حاجة والشعب هوه اللي بيجيلوا السرطان والتسمم ، لأنهم طبعا مبيكلوش الحجات اللي فيها المبيدات والتحابيش المعروفة.

قادر ربنا ينسفهم
24-10-2009, 03:48 AM
Karim_Mohy

بجد الواحد بيشوف المرور والطرق في بلاد عربية....بجد بيضايق
ربنا يتولاننا برحمته
24-10-2009, 07:51 AM
د.محمود صلاح

شئ غريب جدا , ومالها اللوح المحلية ؟؟
24-10-2009, 09:05 AM
horeen

يا د.محمود أنا مش بتكلم عن نوع اللوحه محلى أو مستورد أنا بقول الأسعار سرقه عيني عينك
24-10-2009, 09:47 AM
memoo305

يا جماعة ده اللوحة المصرية نحتها النحات الفرعوني رع تحت رعاية رئيس النحاتيين تحتمتس بتوجيهات من قائد الجيوش الفرعونية عنخ المغوار بتعليمات من حامي حما الديار الفرعون العظيم

كله ده ومستخسرين فيها 120 جنية .ده الحمد الله أن هيا مش بـ 5000جنية وهتبقى برده مدعمة.........
شعب عاوز الـ.... صحيح:8954[1]:
24-10-2009, 07:32 PM
D . a .\ AYMAN

يعني إيه لوحة الكترونية

ويعني إيه بـ واحد يورو فقط

:8954[1]::I_angr1[1]::fun_36_3_4[1]::brn::11:
24-10-2009, 07:54 PM
mr_sameh

اقتباس:

المشاركة الأصلية كتبت بواسطة bassemali

دي سرقه علني ... حسبي الله ونعم الوكيل .

+11111111
24-10-2009, 08:00 PM
fidodido7up2

!!!!!!!!!!!!!!!!!!!!
24-10-2009, 08:29 PM
goge

طب يا جماعة ده الحكومة و ده اللوح بتاعتهم
امال تقولوا ايه ع اللى بيأجروا اللوح التجارية لما تحب تاجرها يقولك 80 جنيه ايجار فى اليوم و 300 جنيه تامين و كمان تكتب على نفسك ايصال امانة على بياض
تخيلوا مش الحكومة.............. بس ده فيه ناس مالهاش حل و الغريبة و لا غريبة ليه اشهرهم واحد فى جسر السويس و قال ايه لواء سابق
معرفش ايه لازمة وصل امانة فى حتة الصفيحة اللى اسمها لوحة تجارية ده
27-10-2009, 02:07 PM
Defender

سبحان الله
يخلق من شبه اللوحه اربيعن :d
31-10-2009, 05:36 PM
sobhysm

مش عارف اقول اية ربنا معانا على اللى الحكومة بتعمله فينا