الموضوع: فيديو جبار لبيجو 305 فى تجربة فريستايل فى أدغال و أماكن واعرة (لا مقارنة مع البيجو)

مفيش شك اساسا ان العربيات البيجو ليها منافس فى القديم
غير منافسة واحد كانت رهيبة بينها وبين مرسيدي
مرسيدس كانت بعد اكتساح بيجو لها بال 504 بتصنع العربيى ال 200 التمساحة وكانت احدث الموديلات اللى عملت طفرة فى سوء السيا رات
فخمة به كماليات كتير بس سعره كا غالى اوى
راحت بيجو مصنعة ال 505 بنفس المواصفات والكفائة لكن بسعر ارخص
هى دى المنافسة الوحيدة بجد
غير كدا البيجو مفيش منافس بينها و بين أى عربية فى نفس موديلتها

دى ال 305 ال بيقولوا عليها اسوا سيارة عملتها بيجو

المشاركة الأصلية كتبت بواسطة waleedabbas

دى ال 305 ال بيقولوا عليها اسوا سيارة عملتها بيجو

مش أسوء ولا حاجة يا جماعة أنا بجد العربية دى دخلت دماغى لما جربتها فقط لكن قبل كدة كنت بقول ماهى زيها زى الفيات 128 أو زيها زى أى عربيه و خلاص لكن بجد بعد التجربة أكتشفت أن العربية بجد حاجة فخمة جدا من جوة و مشكلتها الوحيدة فقط إنها دفع أمامى
لكن بالنسبة لمقارنتها مثلا بالبيجو 505 أو 504 لو هندى الـ505 و الـ504 مثلا 10 من 10
البيجو 305 تاخد 8 من عشرة
لأن الـ505 و الـ504 دفع خلفى و الـ305 دفع امامى و مظهر الفوانيس و كدة يختلف

المشاركة الأصلية كتبت بواسطة husseinoo

والله كنا بنبيع واحدة امبارح فى سوق السيارات ... لما شفتها الزيت عمال ينزل من الموتور والبوجيهات بتنطر زيت والشكمان عمال يطلع فى دخان اسود ... وحالتها ما توصل لربع حالة العربية اللى فى الفيديو

قلت لنفسى ده مين اللى يفكر يشتريها دى بالحالة المنيلة اللى هى فيها

المهم ركبتها مع صاحبها ومع الزبون ... واجرى يا باشا فى شوارع مدينة نصر الطوالى ... حاجة موش ممكن اكنك خارج من الاجنس .. "حمارة جرى" ... وفرامل مية مية
حاجة غريبة

وفى الآخر اتباعت بكام ... 11500 جنيه فقط لا غير موديل 1979

مع اطيب التمنيات
اخوكم حسين غزالة

منور يا حسين باشا الموضوع والله جدا جدا جدا جدا
و بجد المظهر العام حاجة و التجربة حاجة فعلا لأن ناس كتير بتقول مثلا فيه أنواع تانية أحسن من البيجو لأ المعلومة دى أستنتجها منين و هوا ممكن يكون عمرة ماركبها أو ساقها
البيجو لما تتقارن مثلا هتتقارن بمرسيدس أو بمازدا أو بشيفرولية الحاجات العتيقة إلى ليها أصول فاخرة
لكن متتقارنش بموديلات فى نفس سعرها أحنا المفروض نحمد ربنا أن سعرها معقول و حلو و برضة متتقارنش بموديلات وقتها لان البيجو فى الصدارة من أول السبعينات

المشاركة الأصلية كتبت بواسطة ama

مش أسوء ولا حاجة يا جماعة أنا بجد العربية دى دخلت دماغى لما جربتها فقط لكن قبل كدة كنت بقول ماهى زيها زى الفيات 128 أو زيها زى أى عربيه و خلاص لكن بجد بعد التجربة أكتشفت أن العربية بجد حاجة فخمة جدا من جوة و مشكلتها الوحيدة فقط إنها دفع أمامى
لكن بالنسبة لمقارنتها مثلا بالبيجو 505 أو 504 لو هندى الـ505 و الـ504 مثلا 10 من 10
البيجو 305 تاخد 8 من عشرة
لأن الـ505 و الـ504 دفع خلفى و الـ305 دفع امامى و مظهر الفوانيس و كدة يختلف

انا مقصدتش انها اسوأ بالعكس انا ركبت العربية دى عربية ناعمة جدا خصوصا لو مظبوطة بس للاسف ده كلام السوق المنتشر فى مصر وكلام الميكانيكية عشان بيتعبوا فى شغلها زى اى اشاعة بتطلع على البيجو وبتاكد ان ال بيقولها عمره ما ركب بيجو فعلا خصوصا انه بيتكلم فى حاجة انا راكبها من سنين
الحمد لله ربنا يخليلنا البيجو

يا جماعة منحكمش على عربية منخلال سعرها
لأن السوق المصرى لا ينظر لأى كفائة او أداء
لكن بينظر بعين المكر لأسلوب العرض والطلب وأختياج الناس
بمعنى انتشار السيارات الكورية فى مصر هل ده لكفائتها او الأسم الكبير لأ طبعا عشان الكل بيمشى زى ماناس ماشية ولو حتى غلط
يقولك قطع غيار متوفره وهبيعها مش هخسر فيها
زى متسوبيشى-هيونداى-دايو- شيفوليه المضروب (الخدعة)-كيا
طب تورح العربيات ديه فين فى الرينو الميجان او الفورد فوكس ولا نقطة فى بحر
من ناحيو الثبات رقم واحد وحط تحتيها 100 خط والأمان والأوبشن والفخامة والتقنية والتميز والسرعةوكفائة الماتور واعتماديتها
وبرغم من كدا العربيات ديه اعاده بيعها يخسر
قمه الجهل
هى ديه مشكله الشعب المصري يكدب ويصدق كدبته
ودايما المصرى ميضربش وينافس ويضر غير المصري اللى زيه وأسأل اى حد مسافى فى الخارج عن ده
لذالك عمرنا مهنتقدم ربع خطوة فى مشوار طويل
طب تقدر تقولى اى المنافسين للعربيات ديه فى الكفائة
104
205
206
305
307
308
406
504 وحششششششششششششششش
للأسف كل اللى هتفكر فيهم يركنوا على جنب احسن الأسد بيعض على الطريق