هشتري ميني كوبر s و أرض في الشيخ زايد أبني عليها فيلا صغيرة
و كلبين جولدن ريتريفر و أزرع كيوي في الجنينة .. و أعيش من أرباح الكيوي
عرض للطباعة
هشتري ميني كوبر s و أرض في الشيخ زايد أبني عليها فيلا صغيرة
و كلبين جولدن ريتريفر و أزرع كيوي في الجنينة .. و أعيش من أرباح الكيوي
نصيحتى لو المليون دول بقم عشره
ربى اولادك بره وعيش بره عيشه كويسه لو هتصرف كل الى تاخده بعد كده بس اوعى ترجع تعيش فى مصر
انا يكفينى 70 باكو وافتح مشروع
مفيش احسن من انك تكبر دماغك وتدور فلوسك فى حاجه لك فيها
بس هما ييجوا في ايدي!!!!!!
لو تعرف حد بيأجر عربيات موثوق فيه ممكن تشتري بي ام او مرسيدس بتطلع بالسواق فقط في المناسبات زي الزفه وكده وايجارها بيكون محترم
أعتقد ان العائد بتاعها هيكون اكتر من ايجار الشقه بس مع الفرق ان دي قيمتها بتقل ودي قيمتها بتزيد مع الوقت
بس ده طبعا مش هتحط فيه فلوسك كلها ده شيء جانبي يجيب دخل شهري
بسم الله الرحمن الرحيم
1- حوالى 100 الف جنية فى مصنع صغير لتقطيع الورق الفرخ لـ a4 ( إيجار مكان + ماكينة تقطيع (مقص) + خامات تكفى مدة معقولة للعمل )
2- حوالى 100 الف جنية فى مصنع صغير لتكيسر البلاستيك وممكن الزيادة لـ 150 الف وتجيب خرازة للبلاستيك
3- حوالى 150 الف جنية فى مصنع لتصنيع التى شيرت للتصدير خارج مصر
4- ودة الأهم .. نصيب الفقراء و المساكين (مش محدد , على قد ما تقدر )
5- شراء شقة متوسطة إحتياطى
6- يتبقى حوالى 250 الف جنية مثلا .. إحتياطى غير قابل للصرف
واخيراً , ياريت حضرتك ما تقلقش حرصك دليل إنك هتنجح فى إستثمار المبلغ بإذن الله تعالى
بالتوفيق إن شاء الله
والله مش عارف ارد اقول ايه
ايه العسل دة الناس ما شاء الله فيها خير وتعاون كتير
امال البلد فاشله ليه
وكمان فى افكار حلوة لو بس حال العقارات فى مصر يقف شويه
والله الشعب دة هيطلع منه حاجات حلوة مش ممكن كمية العقارات الى واحد شايفها دى والاسعارا فلكيه بجد والله بحس انها غسيل اموال
واحد صحبى بيشور عليا بالصندوق الاجتماعى اشوف عندهم مشاريع ايه وابدا فى حاجات صغيرة على قدى
ايه رايكم ؟؟؟؟؟؟؟؟؟؟؟
فكرة مش بطالة برضة تستاهل تمشى وراها.....
شوف حضرتك عندك خبره فى أى مجال تجارى أو صناعى أو زراعى كل دة يرجع لخبرتك فى أى مجال وبتدى بمبلغ صغير فى حدود100000 او اكثر المهم انتا خبرتك فى اى مجال ودة الى حتنجح فية ان شاء الله وبالصبر هتوصل
انا خبير فى نظم المعلومات الخاصه بالحكومات
يعنى مينفعش اشتغل غير فى جهات كبيرة لها تعامل الكترونى مع الحكومة ودة مخلينى معنديش خبرة فى المشروعات الصغيرة
طب ما تقدم فى حكومتنا الالكترونية الرشيدة :C_laugh[1]:
هو انا كنت قلت اهاجر ...... بس لو ينفع تغيير الرغبات
انا سمعت ان الواحد ممكن يشتري جزيرة صغيرة .... فل الفل
اشتري جزيرة و اعملها مملكة و اخد عضوية الامم المتحدة
و ابقي راسي براس اتخنها ملك .... طبعا رؤساء الجمهوريات دول ولا حاجة جنب الملك ...
و اشوف نفسي بقي
و ممكن تلاقي اعلان في الاهرام
وظائف خالية
مطلوب شعب للعمل بمملكة فاضية
افضل فكرة انك تبنى برج ويبقالك فية دور ليك ولاللاولاد والباقى فى البنك والفلوس اللى حتجيلك منوا هات بيها عربية محترمة وظبط مصروف البيت على قد الدخل اللى حيجيلك من البنك اهم حاجتين تختار منطقة جيدة للبناء زى مصر الجديدة مدينة نصر دراسة الموضوع جيدا لتلافى حدوث مشاكل وفى فكرة تانية جامدة جدا انك تشترى شقق فى مناطق سكنية وتاجرها دى حتجبلك دخل كويس انا مش حقولك فلل لانها غالية حتجيبلك دخل سنوى كويس واختار بنك كويس تحط فية فلوسك علشان العائد يبقى احسن وحاول تبص لقدام بمعنى متشتريش حاجة اوفر اوى اشترى المناسب ولما تجيلك فلوس ابقى جيب الاحسن يعنى استثمر فلوسك وحاول تزودها وسيبك انك تشترى حاجات ليك غالية او مبالغ فى سعرها وربنا يكرمك
انا بقي ليا طموح تاني .........)
اولا اشتري ارض زراعيه في منطقه جديده مش كبيره ...ابني عليها بيت دورين صغير ازرعها اشكال وانواع من الفاكهه والخضار واكل منها والباقي ابيعه .....وحفضل اشتغل زي ماانا عادي واربي اولادي يشتغلو باديهم واعلمهم كل القيم الصحيحه
وبربع المبلغ اعمل بيه صدقه جاريه استثمار لاخرتي ...
اما المستقبل الدنيوي مش حوجع دماغي بيه ....المهم استثمار اخرتي ليا ولاولادي
اشتري ارض متوسطه في منطقه شعبيه او اقليم من الاقاليم بنص مليون وابني عليها عماره بالنص التاني
مكسب العماره يقل قليلا عن البرج حوالي 40% من قيمة راس المال.
لا تستهون بالمناطق الشعبيه زي امبابه او فيصل