الموضوع: هتعمل اية لو معاك مليون جنيه ؟؟؟؟؟

الصراحة لم اتوقع التجاوب دةمن الاخوة الاعضاء فى المنتدى
بس فى شويه نقط هقولها قبل التعليق على المداخلات
1- اتمنى من الله فعلا الاستمرار فى حق الله فى هذه الاموال
2-الحمدالله حجت بيت الله الحرام مرتين مرة مع امى ومرة مع زوجتى
3- احساسك بان من الصعب تعويض هذة الاموال داخل مصر مرة ثانيه مخلينى استبعد فكرة عمل upgrade فيما امتلك حاليا من شقه وسيارة لانهم الحمد الله مقضين الغرض والهدف هو الاستثمار ورفع مستوى المعيشه مع المحافظة على راس المال وليس رفع مستوى المعيشه وتاكل راس امال
4- فكرة السفر خارج مصر غير محببه حاليا لظروف خاصه

المليون جنيه يا فندم يجبولك حتت ارض 350 متر في منطقه متوسطه المتر فيها بـ 3000 جنيه تقريبا

وبعد شراء الارض هبنى منين هروح اخد قرض
الصراحة اخاف منه شكلا وموضوعا وهحس بسيف على رقبتى
بس ممكن اخد حبوب الشجاعه وكمان اخد راى دار الافتاء فى القرض فى حالتى

نصفهم استثمار.. في بنك او مشروع او ...
و النصف الآخر
هروح اكمل بيه تعليمي البعد-الجامعي بره (امريكا-كندا-انجلترا...)

نفسى اعمل كدة هبس هو ايه المشروع المناسب مع الدراسه
الدراسه هتكون شى اساسى عشان اعرف اشتغل فى مصر

أول حاجة هاخد ارض ابنى عليها جامع كبير واللى بتبقى هشترى بيه برافو تيربو

ان شاء الله فى خطة لعمل مركز تعليمى مجانى على تكنولوجيا المعلومات لمن هو قبل التعليم الجامعى (الاعدادى والثانوى) يارب

فأنا هاشترى شقتين لضمان مستقبل الطفلين
هيحتفظوا بقيمتهم مش زى الفلوس بالإضافة إلى الاستفادة بعائد من إيجاراتهم

دة اسهل واضمن واسرع استثمار وهو دة الى بفكر فيه بس عارف حزين جدا ان بعد شقى اكثر من عشر سنين فى الغربه وتعب ولف القى مجهودى دة بقى عباره عن شقتين كان ممكن اشتريهم قبل ما اسافر ايام الرخص
وياما اتعرض عليا بدون الغربه وشحططه
بس هى دى بلدنا بقت شويه اسمنت على حديد
و استبعدت الصناعة والزراعة من جيل باكمله

انا عن نفسى احاول اجيب قرض عليهم وابنى برج مكون
من 10 طوابق كل طابق شقتين واخدلى شقة اعقد فيها انا وعيالى وشقة للعيلة عندى
والباقى أجرهم ايجار جديد

ايدى على كتفك هبلبع حبوب الشجاعة وهغمد عينى وامشى وراك بس قولى ازاى وفين