حرااااااااااااام كفاية احباط بقى

**Abo.Mayyam** · 26-10-2009 07:31 PM

المشاركة الأصلية كتبت بواسطة Medoz100

انا كدة اتطمنت من كلامكو على البرسونا و الجين2 ... بصراحة العربية تحفة و هموت و اشتريها ...
ان شاء الله هشتريها و ألف شكر .......................

ربنا يعملك اللى فيه الخير إن شاء الله

**mikology** · 26-10-2009 09:45 PM

والله وانا زيك بالظبط

**medo_2060** · 27-10-2009 12:19 AM

سيبك من كلام الناس والله على راى جورج وسوف كلام الناس لا بيقدم ولا ياخر كل الناس كانت بتشتم فى اسبرانزا ومع ذلك ان شوفت انها كويسه بالنسبع لسعرها ووكيل كويس اشتريتها وماشاء الله العربيه كويسه وانا مخدتش بكلام الناس لاننا انا ووالدى سنه1999 كنا بنجيب زيرو برضه لانوس وكل قال عليها نفس الكلام برضه ووحشه وكورى والكلام دا وجبيناها والعربيه مخذلتناش الحمدلله عشان كدا انا مبخدش الا برأى صاحب عربيه او حد مجرب غير كدا دار الافتاء بتشتغل
وبخصوص البروتون العربيه ممتازه وانا اتعاملت معاها اتوكل على الله

**Ayman_52** · 01-11-2009 05:13 AM

المشاركة الأصلية كتبت بواسطة mark_milad_95

ميدو انا كنت فى نفس موقفك بظبط بظبط بظبط بظبط .

و فضلت اسمع كلام كتير وحش عن العربية من ناس ماتعرفش اى حاجة عنها و كان القلق مبهدلنى و محتار اوى و خايف منها .

و عملت موضوع شبه موضوعك , كنت كاتب ( ليه العربية سمعتها وحشة ؟؟ ) و الاستاز عماد حمدى رد علية رد عنيف بردة كدة .

بص , انا استلمت العربية من 3 ايام , صدقنى لغاية دلوقى حاسس اننى بحلم , بنزل ابص عليها عشان اتأكد . العربية فعلا ليها احساس تانى خالص , فوق بكتير ما كنت متوقع .

انا برده عامل 300 كم بس , مش هقدر اأكدلك ان مفهاش عيوب , اى عربية زيرو بتبقى سليمة , بس دا الناس هنا مأكدينه اوى اوى اوى اوى .

و بعدين المشاكل اللى هتقراها هنا متقلقش خالص دى تطمنك لأن بيبقى ليها حل فى الأخر , فانت لو حصللك مشكلة الناس هتفيدك اوى هنا , و اصلا المشاكل دى انت لما تقراها و انت مش معاك العربيىة بتفهمها غلط , يعنى مثلا انا منت دايما بقرأ ان الفتي المانيوال ناشف و تقيل , انا كنت حاسس انه مش بينقل و بيعض و كنت متخيل كدة حاجات غيبة , الموضوع طلع ابسط من كدة بكتير , هو فعلا ناشف بس حاجة لا تزكر خالص .

و معظم الناس اللى بتحكى مشكلة , المشكلة مش بتكون مضايقاهم بس هما بيستفسرو بس , ودى امكانية حلوة اوى انك تسأل على اى حاجة .

و كله مبسوط اوى بعربيته . صدقنى سيبك من كلام الناس البتقول اى كلام دى , دول بيحبو يتكلمو و خلاص .

انا بعد ما استلمتها , كل الناس اللى كانت بتحزرنى منها اتوهمت لما شافتها , و كله عايز يجبها .

معلش انا طولت عليك , بس انا حاسس بيك , انا كنت فى نفس حالتك بظبط .

اتكل على الله و هاتها و هتحس انت بية .

100 100