لسه الامل موجود
عرض للطباعة
لسه الامل موجود
ده أنا صوتي أتنبح في الموضوع ده على المنتدى على الكلام ده
طول ما مفيش عقوبة من الشرطة يبقى أنسى يا عمرو
المشكلة الأساسية تكمن في إن كل الناس اللي بتسوق هنا ميعرفوش حاجة عن قيادة سيارة
لأن قيادة سيارة مش تحريكها فقط و لكن القوانين المنظمة أيضا لعملية القيادة و اللي محدش يعرف حاجة عنها هنا بسبب الأختبارات البلوظة اللي في مصر .......... يا راجل ده القائمين على الأختبارات ميعروفش حاجة في البطيخ
و الشرطة نفس الموضوع ........... دي بلد فوضى و شعب همجي و صدقني الحل يكمن في شرطة منضبطة تظبط الشارع اللي فلت عياره خلاص
و الشعب المصري للأسف من نوعية الناس اللي تأخد على دماغها تمشي زي الألف .......... تديله مساحة حرية يتفرعن و يقل أدبه ........ و الدليل لما يكون في رادار على الطريق تلاقي الكل أحترم نفسه و مشي على سرعة ضعيفة حتى أضعف من سرعة الطريق و هذا طبعا راجع لجهلهم بسرعة الطريق أصلا و تلاقيه شد الحزام و أول ما يعدي اللجنة يدوس بنزين و يجري زي البقرة اللي فلتت من الحبل بتاعها و يروح شايل الحزام زي ما يكون للزينة أو علشان تلبسه فقط لما تعدي من لجنة ........... ناهيك عن العقلية المتخلفة اللي بتظن أن وجود الشرطة فقط لتحصيل الأموال من المواطنين الغلابة اللي عايزين يروحه بدري و علشان كدا يعملوا غرز و يجروا زي البقر بدون مراعاة لحياة الناس التانية على الطريق و السيارات الأخرى و كأن الطريق أصبح ملكهم ............
و راجع الموضوع ده أنا كنت كاتبه بمناسبة الفوضى المرورية
http://www.nilemotors.net/Forum/view...D5%D1%ED%ED%E4
http://www.nilemotors.net/Forum/view...D5%D1%ED%ED%E4
حضرتك المشكلة الاكبر فى الشرطة التى تعمل على تنفيذ القانون
الشرطة عندنا عايزة شرطة عليها
خلينا من الشرطة يا جماعة في أخلاقيات احنا بنعملها الشرطة ما لهاش علاقة بيها
خلينا نضرب امثلة
الإنتقال من حاره لحاره والإنحراف يمين أو يسار دون اعطاء أي إشارة دي من أساسيات السواقة وقليل اللي بيعمها في الشارع المصري
تشغيل الإنتظار لما تكون واقف برده نفس القصة
الناس اللي بتمسك الشمال وتمشي براحة حتى لو الطريق فاضي برده الشرطه ما لهاش دخل في ده كله
وعندنا حاجه كمان بتعمل كارثه مرورية عارفين لما يبقى في منزل كوبري زي منزل ميدان لبنان من على الدائري والعربيات تطلع على الشمال فى الطريق نفسة عشان تيجي من أخر المنزل وتروح داخله شمال ونازله على طول ( فهلوة الشعب المصري) وطبعا ده بيخلي الطريق نفسه يقف كله
حاجه تانية وبصراحة دي أنا اتعلمتها من مدير شركتى السابقة وده كان سعودي عايش في أمريكا فتره وهي الإيثار واحترام الناس اللي ماشية فى الشارع
يعني على سبيل المثال واحد طالع من شارع جانبي وانت عندك فرصة انك تهدي وتعديه ما تعديه الدنيا مش هاتطير حد شايفه عربية عطلت فى نص الشارع مش تقعد تضربله كلاكس لما تسوره لا انزل ساعده عشان تمشي الطريق والحاجه الأخيره لما تلاقي حد بيعدي الشارع بالرغم ان في ناس برده بتعدي الشارع بتلامه شدشيده جدا كأن الشارع بتاعهم لوحدهم بس خلينا نتكلم في السلوك الصح اننا نقف نعديهم خاصة اذا كان حد كبير في السن
هي دي الأخلاقيات اللي نقصدها
وأنا مع فكرة اننا نكون احنا المجتمع اللي بيعمل الأخلاقيات دي ويبقى شعارنا هو نايل موتورز ويبقى كل واحد معلق الشعار ده مثال للالتزام في الشارع.
هي دي أمثله على الأخلاقيات بتاعتنا احنا اللي لازم نغيرها
تحياتي للجميع
هو قالة اسمك اية رد سعد زغلول قال مافيش فايدة
يا سيدى الفاضل الشربة هى الى بتكسرالقانون وبيوقفك فالجنة عشان الجنية وحياخ يعنى حياخد يتلككلك على اى حاجة
دا لو انتى متصور رادار ابرز خمسيناية وتعدى وقدام الضابط
يبقى مافيش فايدةةةةةةةةةةةةةةةةةة :(
بأمانه انا اتمسكت ردار طول عمري مرتين (مش عشان انا ملتزم ولا حاجه ....... انا ما بسافرش غير بليل :-) ) المهم في الحالتين مكانش ينفع ابدا ان الظابط ياخد فلوس ........... و أول مره حاولت بصلي حته دين بصهاقتباس:
دا لو انتى متصور رادار ابرز خمسيناية وتعدى وقدام الضابط
الامناء و خلافهم معروف طبعا انهم بياخدو ............
صباح الإحباط
خلاص بصو بأه هاقولكم شوية قواعد لازم نجتهد كلنا فى تطبيقها طالما مافيش فايده
1- ياريت ننتهز أي فرصة عشان نمشي فى الطريق عكسي بس نخلي بالنا احسن يكون واقف أمين شرطه مش عشان ياخدنا مخالفه لا عشان ما ياخدش 10 جنيه خساره برده
2- تجنب إعطاء إشارات يمين أو يسار نهائيا إلا في الحالات القصوى لحفظ لمبات الإشارات من الإحتراق وياريت كمان لو خلينا الكهربائي يفصلنا الإستوبات كمان عشان تبقي كملت
3- حاول قدر الإمكان انك تمشي على شمال الشارع حتى لو ماشي براحة وبتدور على محل ولو قدرت تركن عربيتك على الشمال مافيش مانع
4- لما تلاقي حد طالع بعربية من شارع جانبي دوس بنزين جامد جدا احسن يخش الشارع قبلك ويسبقك لأن ده عيب كبير في حقك
5- لو حد بأه بيعدي قدامك الشارع اوعى تقف وتعديه مهما كان الحد ده وخش علي طول حتى لو اضطريت انك تشيله على كبوت العربية بس في حلة ان الشخص ده وقع تحت العربية فى الحالة دي لازم تفرمل
6- لما تقف اوعي تدي انتظار حتى لو كنت واقف على الصحراوي أحسن لمبات الإنتظار تبوظ
7- الكلاكس ... والله الكلاكس ده اختراع هايل ومسلي حاول انك تسلي نفسك وانت ماشي فى الشارع وتستخدم الكلاكس عمال على بطال هاتحس براحة نفسية ولوقدرت ركب سارينه فى العربية
هي ذي الخلاصة يا جماعة عشان نرتاح ونجيب من الأخر
تحياتي للجميع
اقتباس:
الشعب المصري للأسف من نوعية الناس اللي تأخد على دماغها تمشي زي الألف .......... تديله مساحة حرية يتفرعن و يقل أدبه ........
اقتباس:
يعدي اللجنة يدوس بنزين و يجري زي البقرة اللي فلتت من الحبل بتاعها و يروح شايل الحزام زي ما يكون للزينة
اقتباس:
المتخلفة اللي بتظن أن وجود الشرطة فقط لتحصيل الأموال من المواطنين الغلابة اللي عايزين يروحه بدري و علشان كدا يعملوا غرز و يجروا زي البقر
أخي الفاضل tutankhamoun المصريين هما انت وانا واهلي و أهلك .......... مفيش مانع تتنتقد سلبيات المجتمع ولكن بطريقه موضوعيه شويه وباختيار ألفاظ اقل حده ومراعاة عدم التعميمم..... وهدي أعصابك شويه عشان كده انا هبتدي
أقلق عليك ......
اقتباس:
و أول مره حاولت بصلي حته دين بصه
الامناء و خلافهم معروف طبعا انهم بياخدو ............
_________________
حضرتك الانتة مش واخد بالك منة ان فى بعض الظباط بتقسم مع الامناء فى الاخر :roll:
يا ريت كل واحد مننا يبطل ينتقد الاخر ويبدأ بنفسه ويلتزم وبس. علي فكرة احنا بنضيع وقت كتير في جلد الذات وبننسي الهدف الاساسي الي احنا بنسعي له . ولو كل واحد خد باله هو بيسوق ازاي محدش هيشتكي من السواقه في مصر
مش كده والا ااااااااااااااااااااايييي ييييييييييييه
:-) :mrgreen: :roll: