السلام عليكم ورحمة الله وبركاته
أخلاقيات القياده
كلمه للوهله الأولى تبدو مضحكة عندما نسمعها في مصر
لا أظن أنه يوجد في العالم كله ما يحدث في الشوارع المصرية بداية من عدم الإلتزام بالحارات المرورية دا إذا كانت موجوده من الأساس غير الإلتزام بالسرعات المقرره إلا لو خايفين من الرادار وده كله كوم والناس اللي بتمسك الشمال وهي ماشيه على مهلها ولا ليها علاقه بالشارع اللي جاي من وراها عادي جدا ماهم برده معزورين يا جماعه ماهم لو مشيو على اليمين هايلاقو عربيات راكنه فى نص الشارع وخصوصا سواقين الميكروباص اللي دلوقتي أصبحو فئة خاصة جدا من فئات الشعب المصري الله يهديهم وما الى ذلك من عدم احترام الإشارات المرورية والمشي عكس السير وربط الحزام كل دي أخلاقيات المفروض نستعملها واحنا ماشيين في الشوارع المصرية أقترح مناقشة المشاكل المرورية والأخلاقيات اللى المفروض نكون عليها ونتمنى أن يصبح الشارع المصري منظم كل واحد فينا شايف حاجه بتضايقه فى سلوك السواقة فى مصر يقولها ويحكي تجربته معاها لعل وعسى إن كلنا نتعلم أو نعرف للي ما يعرفش مننا
فعلا الواحد لما بيشوف الشارع المصري بيبقى حزين
أنا قعدت فى الدوحة فى قطر سنه ونص وكان معايا عربية من يوم ما رحت هناك فعلا تمنيت أن تكون الشوارع المصرية زي شوارع الدوحة وأخلاق السواقة زي أخلاق سواقة الناس هناك بغض النظر عن وجود مخالفين ومتهورين لكن هناك مافيش فساد اللي بيغلط بيتعاقب مافيش حاجه اسمها امين ياخد 5 جنيه في جيبه ويسيبني امشي عكسي هو ممكن يتسامح لو العمليه بسيطه ومش مقصوده لكن لو الخطأ متعمد لازم تتعاقب أتمني أن يلقى الموضوع الإهتمام ونواليكم بالمشاركات.