بيتلز 63 معدله 72

**volkeswagin** · 26-10-2009 08:25 PM

المشاركة الأصلية كتبت بواسطة newhansol

مالها ال128 على الاقل بتجرى ولما الواحد قلب بيها كانت على 130 اية يعنى قلبة تفوت ولا حد يموت عادى
انما البيتلز هانركبها ونسافر بقى من المنصورة لسكندرية ونقعد كام ساعة ويسلام لو الدنيا حر علشان التبريد الهوا بقى مش زى المياة وبعدين دى لازم معاك شريط بروفين او اى حاجة للصداع علشان صوت المكنة محدش هايقدر يستحملة 3 ساعات سفر البيتلز دى مزاج عايز تتروق وتمشى بيها تتغندر كدة على الكورنيش

بص حضرتك بتقول ان العربيه دى مش تسافر

بص حضرتك انا فى يوم واحد سافرت فيها من القاهره المنصوره المنصوره طنطا طنطا القاهره القاهره اسكندريه اسكندريه مارينا مارينا اسكندريه اسكندريا مارينا تانى مرينا مصر

عامل 1250 كيلو بعداد العربيه اللى معايا وكان عربيه تانيا اوبل استرا 2008 ومقالتش لا

مش تشوف عربيه ضايعه صاحبها مش بيصرف عليها لو مرسيدس ومش مصروف عليها هتبقى ملهاش لازمه

مش تحكم من السمع احكم من التجربه عشان تبقى امين على الاقل مع نفسك

ده طبعا بره حوار بيع العربيه

يا جماعه البيع ده رزق اتباعت مش اتباعت انا مش فارق معايا لان كل حاجه لها وقتها ومحدش يقدر يقدم حاجه او ياخر حاجه ربنا عامل لها معاد

**Ahmed_Gadalah** · 26-10-2009 10:04 PM

ربنا يوفقك

**misoalex** · 27-10-2009 02:34 AM

يا جماعه البيع ده رزق اتباعت مش اتباعت انا مش فارق معايا لان كل حاجه لها وقتها ومحدش يقدر يقدم حاجه او ياخر حاجه ربنا عامل لها معاد

كلام جمبل جدا اخى الكريم بس البيع عشان يبقى بما يرضى الله يبقى بالتمن الفعلى للسلعه مش اغلى فيها لانى مزوقها ومحليها يبقى اطلب فيها الى انا عاوزه ارجو انك متكنش فهمت كلامى غلط وارجو مكنش زعلتك بس انا كل الى كنت اقصده انى اوضحلك ان السعر عالى شويه
على فكره انا مش محتاج انك تقولى على مميزات البيتلز لانى عارفها كويس وكنت على وشك انى اشتريها وبرضه عارف عيوبها وكل واحد على حسب تقبله للعيوب دى وكل عربيه فيها عيوب والا كان كل الناس ركبت عربيه واحده

**mxz911** · 27-10-2009 05:17 AM

بص حضرتك انا فى يوم واحد سافرت فيها من القاهره المنصوره المنصوره طنطا طنطا القاهره القاهره اسكندريه اسكندريه مارينا مارينا اسكندريه اسكندريا مارينا تانى مرينا مصر

عامل 1250 كيلو بعداد العربيه اللى معايا وكان عربيه تانيا اوبل استرا 2008 ومقالتش لا

انا اسف لتدخلى لكن ممكن حضرتك توضح لنا ازاى سافرت كل ده فى يوم واحد " من الايام العاديه بتاعتنا اللى هيه 24 ساعه "

الصراحه احنا كنا بنسافر من بره مصر .. بعربيتنا زمان وكانت بيجو 505 وكنا بنعمل حوالى 1000 كيلو متر فى اليوم او 1000 وشويه وده كله على طريق صحراوى سريع جدا ..

ف حضرتك ياريت ازاى قطعت كل ده فى يوم واحد مع العلم ان فى اجزاء من الطريق اللى حضرتك قلت مش سريع ابدا !

**volkeswagin** · 28-10-2009 12:02 AM

المشاركة الأصلية كتبت بواسطة mxz911

انا اسف لتدخلى لكن ممكن حضرتك توضح لنا ازاى سافرت كل ده فى يوم واحد " من الايام العاديه بتاعتنا اللى هيه 24 ساعه "

الصراحه احنا كنا بنسافر من بره مصر .. بعربيتنا زمان وكانت بيجو 505 وكنا بنعمل حوالى 1000 كيلو متر فى اليوم او 1000 وشويه وده كله على طريق صحراوى سريع جدا ..

ف حضرتك ياريت ازاى قطعت كل ده فى يوم واحد مع العلم ان فى اجزاء من الطريق اللى حضرتك قلت مش سريع ابدا !

الرد سهل وبسيط الحاجه للمشاوير دى هى اللى تخليك تعمل كل ده

انت لما تبقى جى من سفر دولى مش محتاج وقت تكسبه او بمعنى اصح مش هيفرق وصلت النهارده من بكره

فا بتسوق نص اليوم وتريح نص اليوم فى استراحه او فندق

انما انا كنت محتاج المشاوير دى كلها تخلص فى نفس اليوم والحمدلله العربيه مش قالت لا

مدام بتدى العربيه حقها يوم متضغط عليها يوم مش هتقولك لا عشان انت مستحملها فى كل حاجه فى وقتها

ولما تحتاج كده عتعمل كده لو على رجلك :) مش بعربيه

وبعدين انا مش مضطر انى اكدب على فكره

**mxz911** · 28-10-2009 03:22 AM

على فكره انا مش بكدب حضرتك وحتى لو قلت لى انك عملت المشواير دى بعربيه مرسيدس 2010 هستغرب برضه !!!

ومش قصدى ان العربيه وحشه لكن قصدى ازاى يعنى ... انا بس عاوز افهم ومتعتبرش ردى انى بشكك فى كلامك .. بس اليوم 24 ساعه والواحد بينام وياكل ويشرب و بيتعب من السواقه والتركيز وكده !! ... ف بس كان اصدى او انفسى افهم اليوم ده حصل ازاى كده ومشيت كل ده !

**volkeswagin** · 28-10-2009 11:20 AM

المشاركة الأصلية كتبت بواسطة mxz911

على فكره انا مش بكدب حضرتك وحتى لو قلت لى انك عملت المشواير دى بعربيه مرسيدس 2010 هستغرب برضه !!!

ومش قصدى ان العربيه وحشه لكن قصدى ازاى يعنى ... انا بس عاوز افهم ومتعتبرش ردى انى بشكك فى كلامك .. بس اليوم 24 ساعه والواحد بينام وياكل ويشرب و بيتعب من السواقه والتركيز وكده !! ... ف بس كان اصدى او انفسى افهم اليوم ده حصل ازاى كده ومشيت كل ده !

ياباشا انا مش قصدى احتد وللهى ياباشا فى الرد انا كان قصدى اهزر معاك بس بدليل انى شرحتلك بامانه

بس عملت انميشن غلط ومش اخدت بالى غير بعد معدى وقت التعديل :(

انا اسف لو كنت فهمتنى غلط

عشان انا عارف انك كنت بتستفسر مش بتشكك وعشان كده رديت عليك بامانه

وانا وللهى ما قلتها شكر فى عربيتى انا قلتها بامانه عشان الناس واخده فكره غلط عن البيتلز بس مش اكتر وانا بموت فى حاجه اسمها بيتلز وبزعل عليها جدااااااا

**mxz911** · 28-10-2009 08:11 PM

ولا يهمك يا باشا حصل خير

بس حاول تتهاود فى السعر عشان العربيه تتباع وتجيب احسن منها ان شاء الله

وربنا يكرمك isA

**volkeswagin** · 29-10-2009 12:07 AM

المشاركة الأصلية كتبت بواسطة mxz911

ولا يهمك يا باشا حصل خير

بس حاول تتهاود فى السعر عشان العربيه تتباع وتجيب احسن منها ان شاء الله

وربنا يكرمك isa

الف شكر ياباشا بس انا الحمدلله معايا عربيه غيرها جولف 3

انت مش شايف وللهى انا صارف عليها اد ايه ولا هتصدق لو حسبناها لو واحد جاب عربيه عايزه الحجات اللى صرفتها عليها هيدفع اربع اضعاف السعر اللى انا طالبه اصلا

**volkeswagin** · 12-11-2009 02:26 AM

update........................

الموضوع: بيتلز 63 معدله 72

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

كيا سول معدله فى 8 فيديوهات , بتحبها معدله ولا بالشكل الأصلى ؟

128 معدله

منافسة قوية في الشد ما بين bmw e92 معدله و مرسيدس c63 معدله !!!

صور 505 معدله

صور صني معدله

الكلمات الدلالية لهذا الموضوع

المفضلات

المفضلات

ضوابط المشاركة