الموضوع: تجربتي فى قيادة جراند تيريوس

د/محمود
جزاك الله خيرا واحنا سعداء بيك معنا فى دايهاتسو مع انى ملاحظ انك لا تمتلك هذه العربية فلذلك نحن سعداء بجد بمعرفتك ومداخلاتك

المشاركة الأصلية كتبت بواسطة د.محمود صلاح

اشتريتها لمدة 10 أيام فقط , موديل 2003 الشكل القديم , وبعتها لما كان التوكيل القديم بيشطب وكان لا يوجد لها قطع غيار نهائى فى أى مكان , لدرجة انى لفيت المروسة حتة حتة على سير الإدارة اللى انقطع وبالعافية لقينا واحد فى التوفيقية ,

وكانت بلاعة بنزين بجد وحدود سرعتها 120 كيلو فقط , وضيقة حجا حيث ان كتفك يلصق فى كتف اللى جنبك , ده غير عيب الميل مع الملفات ,

10ايام بس ايه السرعة دى ده الواحد بياخد قرار الشراء مش بسهولة فما بالك البيع
وعلي العموم افتكر الجديد بقى احسن والتوكيل عمال يفتح فى مراكز جديدة وشكلك ناوى ترجعلها
علي فكرة انا ملاحظ معاك عربية فليشيا دى عربية محترمة قوى وكانت معايا ليها معزة خاصة فى قلبى.......ربنا يباركلك ان شاء الله

شكرا علي الموضوع يا دكتور بس ليا ملاحظه بسيطه جدا علي كلامك و هيا ان الجراند تيريوس مفيش فيها دفع رباعي سواء المانيوال او الاوتو ماتيك و حضرتك ممكن تتأكد من الكلام من مركز الخدمه علي 16168 قسم المبيعات و علي فكره وجود الدفع الرباعي وقصر طول التيريوس 5 راكب بيفرق في الاتزان في الملفات بس طبعا عمرها ما هتكون زي السيارات الملاكي العاديه او السيدان يعني عشان ارتفاعها عن الارض.
وكمان موضوع العزل موجود في تيريوس 5 راكن دفع رباعي اعلي فئه اللي بتتباع دلوقتي في حدود 148 الف جنيه.
وطبعا مش معني كلامي ان تيريوس 5 راكب احسن من تيريوس 7 راكب و لكن كل شئ له ميزه و له عيب كما تفضلت سابقا.