بصراحة وبدون مجاملات
الاعلان نزل فى ملحق سيارات اهرام الجمعة الماضية مبهم حتى من غير صور توحد ربنا
يعنى من اولها توكيل وامكو بتاع اخونا (ربنا يفرج عنه ويسدد ديونه ويسترها معاه) مفلس مش قادر يعمل اعلان عليه القيمة
ونصيحتى زى العضو اللى قال ابعد عن وليد توفيق
وانا قولت قبل كده ابعد عن الصينى وغنيله
فتخيل حضرتك انك هاتشترى عربية صينى ومن عند وليد توفيق ياترى هاتبقى ايه النتيجة؟
ده واحد كل همه يبيع كام عربية وخلاص عشان يسدد فوايد الديون فى البنوك ولو عند حضرتك وقت نقعد نتكلم فى عدد الموديلات والماركات اللى جابها مصر وباع منها كام شهر واختفت بعد أما توكيل كيا اتسحب منه
ياترى حضرتك فاكر موديل اسمه فاشون مينى فان كده 7 راكب وكان ب90 الف ج بس
ولا موديل تانى كده دفع رباعى شبه البى ام دبليو x5 من ورا والتويوتا لاندكروزر من قدام مش فاكر كان بكام
ولا اكيد بقى فاكر السايبا برايد الايرانى (كيا برايد سيدان او حمامة الثلاثينات)
ياترى دول فين دلوقت؟
ولا اتباع منهم كام عربية فى مصر؟
ياريت لو قابلت واحد من اصحاب العربيات دى فى شوارع المحروسة توقفه وتسأله عن قطع الغيار بيشتريها منين ولا التوكيل بيوفرهاله ولا ايييييييييه بالزبط؟ ولا اشتراها بكام ولا لو ناوى يبيع عاوز فيها كام وهى جايباله كام؟
اللهم ما قد بلغت اللهم فاشهد
المفضلات