الموضوع: خبر طازة جداً

ده شئ طبيعي
الوقود عموما في مصر يتم تدعيمه من قبل الحكومة
و بما أن سعر برميل البترول وصل ل 100 دولار
و الشعب المصري عمال يزيد زي الأرانب و عدد السيارات بيزيد معاه
يبقى لازم ثمن البنزين يرفع شوية
و كدا كدا إحنا مش بندفع ثمن البنزين الحقيقي ......... لأن سعر اللتر يدخل في حوالي 9 جنيه مصري لو بنشتريه بدون دعم حكومي
و الحل في السيارات صغيرة الحجم من 1300 سم مكعب و أنت نازل :P :P

سعر اللتر يدخل في حوالي 9 جنيه مصري لو بنشتريه بدون دعم حكومي

حضرتك متاكد من المعلومه دى
ثم هو احنا بنستورد بنزين و لا بنصنعه هنا (اسف لجهلى للمعلومه)
لو بنستورده ميرحمونا ويصنعوه
و لو بنصنعه طب هو ليه غالى

المشاركة الأصلية كتبت بواسطة noble911

ممكن يعملوها في اجازة العيد الكبير

و تبقي احلي عيدية من الحكومة

ممكن ..... و لوالكلام ده هيحصل فالسيناريو المتوقع هو إنهم يفتعلوا مشكلة في مبارا ة مهمة ( ضربة جزاء مشكوك فيها أو جون غيرصحيح )

ويرفعوا سعر البنزين والناس مشغولة بتحليل المباراة :D :D

المشاركة الأصلية كتبت بواسطة خالدابوالنجا

المشاركة الأصلية كتبت بواسطة GoldenManEye

يا جماعة سعر برميل البترول قرب على 100 دولار يبقى أكيد لازم البنزين عندنا يغلى :-?

;)

طيب ولما سعر البرميل كان نزل لحد 50 دولار البنزين عندنا رخص ؟

يا ريت منقرنش السوق المصرى باى احداث فى العالم لاننا من الاخر خارج الزمن.

يا راجل الدولار اتمسح بكرامته الارض فى الدنيا كلها

والحكومه عندنا بتضخ دولارات فى السوق عشان السعر مينزلش .

عمرك سمعت حاجه زى كده فى اى مكان فى العالم

بص يا سيدى البترول غلى و أصلا الحكومة عايزة تلغى الدعم أو تقنن توزيعه على الناس وفى كل الدنيا بيغلى ودايماً احنا انيل من بره 8) يبقى أكيد عندنا لازم يغلى.

بالنسبه للدولار البنك المركزى مش بيضخ دولارات فى السوق هو بيشترى الدولار علشان ميكترش فى السوق و سعره ينزل جامد ودى سياسة بتستخدمها كتير من دول العالم اللى مهتمه جداً بالتصدير زى اليابان والصين و دول عندهم تقريباً أكبر إحتياطى دولار فى العالم طبعاً شغالين شراء دولار علشان عملتهم تفضل ضعيفه أمام الدولار. وفى مشاكل كتير بين أمريكا والصين تحديداً علشان الصين مصرة على يوان ضعيف أمام الدولار :-?

وتقريباً احنا بقى لينا سياسة إقتصاديه :-)

المشاركة الأصلية كتبت بواسطة abzaky

سعر اللتر يدخل في حوالي 9 جنيه مصري لو بنشتريه بدون دعم حكومي

حضرتك متاكد من المعلومه دى
ثم هو احنا بنستورد بنزين و لا بنصنعه هنا (اسف لجهلى للمعلومه)
لو بنستورده ميرحمونا ويصنعوه
و لو بنصنعه طب هو ليه غالى

أنا مش متأكد بالظبط و لكن سعر لتر البنزين الفعلي الغير مدعم بيلعب ما بين 8 إلى 10 جنيه
و مصر إنتاجها ليس كبير بالدرجة اللي الشعب بيكبر بيها
يعني هي مشكلة أساسها السكان و مرتبطة بالإنتاج مثل أسعار القمح
لو أنت بتكفي نفسك قمح لن ترتبط بالأسعار العالمية بدرجة كبيرة و نفس الكلام ينطبق على البنزين لأن مصر لا تكفي نفسها بترول و الناس بتزيد فده شئ طبيعي إن الأسعار تزيد
هي الناس عايزة تخلف زي الأرانب و عايزين أسعار كل حاجة تفضل زي ما هية بدون إنتاج مماثل للزيادة
أصل المشكلة مستفحلة .......... ثقافة الناس و أداء الحكومة = الأثنين زفت للأسف

وبعدين هو لما ندعوا عليهم البنزين هيرخص 0000 عموماً فلنكن عمليين ! اعتقد ان الدعم فعلا لازم يصل لمستحقية ويجب ان يتم دعم البنزين لمن يقتنى سيارة الى 1600 cc ، فمن غير المعقول ان يتساوى راكب المرسيدس بسيارة صغيرة لاتتعدى ال1600 ولا يمكن ان يتساوى اصحاب الملايين بأصحاب الملاليم !
كما انه من غير المعقول ان يمتلك بيت واحد اكثر من سيارة ويستمر الدعم عليها فهذا ظلم كبير واعتقد ان الاوان قد حان لتعديل هذه المنظلومة الخطأ !
انا عارف فية ناس كثيرة سوف تهاجم ولكن اقول لهم لابد وان نتقى الله فى باقى الشعب ممن ليس لديهم ان وسيلة انتقال خاصة وفى نفس الوقت يتحمل هو دعم البنزين

+1000000000000
أنا معاك 95 %
في ناس بتشتري أكثر من سيارة في بيت واحد و بيحصلوا على الدعم و ماداموا لديهم القدرة المادية لشراء سيارتين .......... يستحملوا بقى مصاريفهم
في الدول المحترمة اللي فيها قانون ............... الناس بتتدفع ضرائب على السيارة و تأمين إجباري ضد الحوادث
و بيشجعوا الناس تركب أتوبيسات خدمة عامة ( محترمة و نظيفة ) و مترو أنفاق و قطارات ليتركوا السيارات للإستخدامات الضرورية فقط
أما هنا فكل حاجة سلطة و خضار .......... و سلملي على الشعب اللي عايز يركب عربيات ببلاش
أما ال 5% اللي أنا مش معاك فيها
إن التخفيض لا يجب أن يصعد عن السيارات ال 1300 سم مكعب أو 1400 سم مكعب على الأكثر