عرض للطباعة
انا بعد ماشفت جدعنة الناس هنا مع الاخت كوكو طمعت فيكو اوي هيهيهي
انا ماسوقتش قبل كده وعايشة في القاهرة الجديدة وماادراك ما المواصلات هناك!! فعايزة عربية صغيرة ويفضل اوي انها تكون اوتوماتيك ومعايا 7 الاف جاهزين وممكن اوصلهم 20 او 25 الف وماعنديش مشكلة مع القسط بس في حدود 400 جنيه في الشهر ومش مرتاحة للمستعمل
معضلة مش كده!!!!!!!!!:8954[1]:
كان نفسي في برودوا كليسا عن طريق بنك بس لقيتها خلصت
اي نصايح يا اهل الخبرة؟؟؟؟؟
ماروتى
لو 25 الف جنيه ممكن دايهاتسو موديل 93 اتوماتيك وفتحه سقف وباور وتكيييف وى 4 باب
او عربيه اونو
ا وعربيه كيا عصفور
وانا برشح الديهاتسو
كيا برايد
ماروتى
متشكرة اوي للناس اللي ردت ربنا يكرمكم
هي بس مش المانيوال يبقى صعب لحد لسه بيتعلم السواقة في الزحمة اللي في مصر دي ولا ايه رأيكم؟
ومعلش يا اخ ايمن و لوما اعذروا جهلي بس كيا برايد و ودايهاتسو 93 دول اكيد مستعمل مش كده ولا فيه جديد؟؟
ومتشكرة جدا تاني واسفة للازعاج
حضرتك ارخص عربيه جديده هيه الماروتى ب حوالى 38 الف ودى ارخص عربيه فى مصر .وكمان مانيوال مش اوتوماتيك .
لو اوتوماتيك تبقى السوزوكى التو هيه ارخص عربيه ودى تمنها ضارب شويه وهتبقى فوق ال 50 الف
غير كده منزلين اختراع هبل حاجه شبك التوك توك اسمها نايل توك باين .. ب 25 الف جنيه وده قمه ف الهبل والضحك على الشعب المصرى واستخفاف عقله ...
طبعا انا وجهه نظرى ان احسن حل انك تجيبى عربيه مستعمله بحاله نظيفه .. زى ما الاقتراحات اللى اقترحت عليكى من الاعضاء مثل البرايد والاونو والشاريد .. اهم حاجه فالمستعمل الحاله ..
وربنا يوفقك
متشكرة اوي يا اخ mxz911
بس هي سوزوكي التو فيها اوتوماتيك؟
على العموم هي غالبا هاترسى على المستعمل
وجزاك الله خيرا على النصيحة
ال 20 او 25 يجيبو مستعمل بحاله جيده جدا
وعلى فكره مفيش عربيه مبتعطلش حتى لو زيرو