الموضوع: سيارات مستعملة بالتقسيط...

ياعالم ياهوو فائدة 18% فى السنة وتقلولولى البنوك حرام ام فائدة 7% فى السنة يعنى اللى تدفعة فى سنة عند التاجر الحرامى دة تدفعة فى 3 سنوات فى البنك دى تعتبر سرقة علنى وعلى عينك ياتاجر مين قال ان 7% حرام و18% حلال اين العقول ايها الناس
الاخ director عنده حق
وبعدين المرابحه هيا هيا الفايده بس متغير اسمها
يعنى لما يقولك انا هاخد منك على العربيه 18000 زياده ماهو لما تحسبها تطلع فعلا 18% زى ما الاخ اللى قبل كده حسبها ، ماهو كان ممكن يقولك 18 % فى السنه ويريح من الاخر ؛ بس هوا لو قال كده الناس هتستغلى لما تقارن بالبنوك
* بالنسبه لقرض البنك وشروطه:-
دلوقتى لو انت محتاج عربيه على قد فلوسك وهتقسط ، مافيش حد بياخد راتب اقل من 1500 وعاوز يقسط ؛ اقل من كده بقى مش هينفع
اللى مش معاه مقدم ممكن يعمل حركه كويسه بدل ما يشترى مستعمل بفايده كبيره زى كده ممكن يعمل الاتى:
ياخد قرض معقول من اى بنك فى حدود مرتبه ، لو نقول مثلا 20000 جنيه على 6 سنين هتبقى 400 فى الشهر " متهيألى دى كويسه " ، وبعد كده يروح يدفعهم مقدم لعربيه مايزدش تمنها عن 50000 وتكون جديده قسطها كده مش هيعدى ال 700 جنيه
يعنى من الاخر هتجيب عربيه ب 50000 ومن غير مقدم " لانه قرض اصلا " وهتقسط العربيه كلها ب 1100 جنيه فى الشهر " لو قلنا بالقرض ابو 20000 وقسطه 400 + قسط العربيه اللى هوا 700 "
متهيألى كده احسن من قسط العربيه القديمه ام 18% فايده فى السنه وهتلاقى قسطها فى الشهر قريب من قسط الجديده " حوالى 1100 او 1200 على الاقل " الفرق بس هيبقى بدل ماهى العربيه جديده على 6 سنين او 5 سنين هتبقى مستعمله وبقالها مثلا على الاقل " 7 سنين" ده غير طبعا اعطالها لانها مستعمله وهلم جر...
حتى لو العربيه الجديده صينى على فكره ، اسمها عربيه جديده وهتقعد معاك طالما انت بتحافظ عليها وبتعمل زى ما التوكيل بيقولك

يا جماعة بس الاخوة الي بيقولوا الفايدة و بالعقل سيدنا علي رضي الله عنه قال "لو كان الفقه بالعقل لكان مسح اسفل الخف اولي من مسح ظهره"

يعني لو كانت الامور بتتحسب بالعقل يبقي لما نيجي نعمل سنة مسح الخف يبقي الاولي اننا نمسح مكان بطن القدم من الخف مش ظهر القدم زي ما كان يفعل النبي عليه الصلاة و السلام ده نمرة 1
2. ان البنك اصلا بيقرض فلوس مش فلوسه و بياخد عليها فايدة لكن دا واحد بيبيع لك سلعه و بيتاجر بفلوسه و الامور ده عرض و طلب

وفي الاخر الامر مش متروك لعقولنا فيه نصوص شرعية بتنظم حياتنا و معاملتنا و مشايخ و مجامع فقهية اجمعت علي ان التعامل مع البنوك الربوية بجميع اشكاله حرام و ربنا قال "يمحق الله الربا" يعني انا النهاردة هاوفر 10 او 11% و ربنا هيمحق البركة من رزقي كله خليهم بقي الكم الف دول ينفعوني و ربنا قال "فأذنوا بحرب من الله و رسوله"

فيه امر تاني بخصوص الشركة ده و موضوع حظر البيع احنا سألنا الشيخ علي السالوس -ولمن لا يعرف يشوف الرابط ده-
طريق الإسلام - الشيخ علي السالوس

و قال ان موضوع حظر البيع ده غير شرعي و لكن رهن السلعة المباعة هو الشرعي عشان البائع يضمن حقه

فالي يروح للمعرض ده يطلب منه استبدال حظر البيع بالرهن
و ربنا يرزقنا الحلال الطيب و اياكم

المشاركة الأصلية كتبت بواسطة ace

ايه الرهن ده ؟
يعنى اديله ايه مثلا ؟
مش ايصالات الامانة كفاية
بس اول مرة اعرف ان حظر البيع ده مش حلال
شكرا

و الله يا أخ ace انا للاسف معنديش تفاصيل ممكن الموضوع ده يتم ازاي بس لو تحب تسأل الشيخ بنفسك انا ممكن اديك رقمه و مواعيد الاتصال بيه و تسأله بنفسك

المشاركة الأصلية كتبت بواسطة amro_abuabdo

و الله يا أخ ace انا للاسف معنديش تفاصيل ممكن الموضوع ده يتم ازاي بس لو تحب تسأل الشيخ بنفسك انا ممكن اديك رقمه و مواعيد الاتصال بيه و تسأله بنفسك

كان فيه توضيح بسيط عرفته النهاردة من الشيخ ان الي حلال هو حظر البيع عن طريق الرهن بس للاسف معنديش تفاصيل هو بيتم ازاي

مشاركات قيمة ومفيدة للاخوة الكرام
بارك الله فيكم

بس فيه حاجه
على فكرة الراجل صاحب المعرض بكده بصراحة مفترى قوى ..كتير 18 الف فائدة
اما الاخ الذى يقول انه ماله الخاص ..نعم ماله الخاص ولكن الرحمة مطلوبة
لى زميل اخذ قرض من البنك الاهلة حوالى 92 او30 الف تقريبا بفائدة 7% على اقساط لمدة 7 سنوات بقسط شهرى 505 جنيه
وعندما حسبناها وجدنا انه سوف يدفع حوالى ما يقرب من 14 الف جنيه زيادة
وفى كل الحالات قد يكون كل هذا حرام ..لكن ماذا نفعل!!!!
ربنا يرحمنا جميعا