الموضوع: سيارات مستعملة بالتقسيط...

المشاركة الأصلية كتبت بواسطة abohalmos

انا كلمت الراجل بتاع المعرض و قاللى انه الشركة دى بتشترى العربية من المالك و بعدين تبيعهالك بعد ما تدفع 40% مقدم من تمن العربية و بعدين تقسطلك الشركة نفسها على فايدة 15% ... يعنى الشركة بتتملك العربية الاول و انت مش بتاخد منها فلوس انما سلعة اللى هيا العربية ...... طب كده يبقى حلال و لا حرام يا جماعة ؟؟؟؟؟؟؟؟؟؟؟؟

يا ابو حلموس انت تاعب نفسك ليه؟
ربنا بيقول "فسألوا أهل الذكر ان كنتم لا تعلمون" انا كاتب نمرة الشيخ علي السالوس الي هو من اعلم المشايخ ان لم يكن اعلمهم الان في موضوع المعاملات و الاقتصاد الاسلامي يعني دا تخصصه و تقريبا كل دراساته و ابحاثه فيه
اتصل بيه و هو هيفيدك لكن انك تاخد فتوي في امور زي ده من علي المنتدي مع احترامي لكل الاعضاء طبعا مينفعش انت لاتعرف الشخص الي هيفتيك دا علمه ايه ولا اي حاجة عنه ... و ربنا امرك انك تسأل اهل الذكر فافعل

و ربنا ييسر لك امرك و يرزقنا و اياك الحلال الطيب

بدور على 128 نوفا موديل التسعينات

المشاركة الأصلية كتبت بواسطة magedfarid

رجاء خاص بعد ما تسال ابقى عرفنا الرد ايه علشان الكل يستفيد وشكرا

ماشى يا باشا ..... اى خدمة و دى التفاصيل ........

انا كلمت الشيخ على السالوسى النهاردة ...... و الراجل صوته و اسلوبه فى الكلام فى غاية الذوق و الاحترام ...... جزاه الله خير الجزاء


قولت للشيخ على موضوع انه شركة تشترى العربية و انت بعد كده تقسط مع الشركة و انك تدفع 50% من تمن العربية مقدم و تقسط الباقى للشركة بفايدة 15% على المدة من 2 الى 3 سنوات ........

رد الشيخ بكل ذوق ...... موضوع الشراء كده حرام شرعا و ربا

قولت طب ايه الحلال يا مولانا ؟؟؟؟؟؟

قاللى : انه يقولك سعر العربية مثلا 68 الف جنيه كاش ....... و سعرها 80 الف بالتقسيط على سنتين بدون ذكر المقدم ...... و يبقى مثلا انت هاتدفع 30 الف من 80 الف و الباقى 50 على سنتين او ثلاثة على حسب الاتفاق ........كده يبقى حلال


اما لو قولت انك هاتدفع 30 من 68 الف و الباقى 38 الف بفايدة 15% على سنتين و كده زى ما كل الناس مابتعمل سواء مع البنوك .....او المعارض او غيره يبقى ربا و حرام



اللهم بلغت ..... اللهم فاشهد

المشاركة الأصلية كتبت بواسطة director

ياعالم ياهوو فائدة 18% فى السنة وتقلولولى البنوك حرام ام فائدة 7% فى السنة يعنى اللى تدفعة فى سنة عند التاجر الحرامى دة تدفعة فى 3 سنوات فى البنك دى تعتبر سرقة علنى وعلى عينك ياتاجر مين قال ان 7% حرام و18% حلال اين العقول ايها الناس

يا استاذ الموضوع ما يتحسبش كدة يعنى مثلا لو واحد امامة اثنين ستات ,واحدة قالتلة تعالى اتجوزنى بس هاخد مهر و شبكة و تصرف عليا طول ما انا معاك و التانية قالتلة انا مستعدة اعيش معاك من غير جواز و مش عايزة فلوس ,لو اتكلمنا بنفس المنطق يبقا الاولى مستغلة و نصابة و التانية بنت حلال و هو دة حالنا فى الزمن المهبب دة ,الحلال صعب و الحرام بقى مجانى و ممكن تاخذ علية فلوس كمان
بس خد بالك مش معنى كدة اننا نروح للحرام لاننا بصراحة مش مضطرين لكدة بس هوة الشيطان اللى ييجى يزينلك الحرام و ياسلام با واد لو ركبت العربية دى لا لا لا دى احسن لا لا دى اوتوماتبك لا لا دى فيها sound system مش عارف اية لحد ما الموضوع يوسع منك و الفلوس اللى معاك ما تكفيش ييجى بقا الشيطان يقولك يا عم مالها البنوك دى اساس الاقتصاد الحديث ما تبقاش جاهل مش مصدقنى روح شوف الشيخ زكى جمعة بيقول اية
ربنا يرحمنا
بس