فين رقم الموتور ابيزا 98

**alzelafy** · 25-10-2009 03:27 AM

معلش يا جماعه اصل هنقل العربيه للمرور اللى انا تابع له و الراجل بتاع البصمه هنا بصمجى كان معانا عربيه اودى 98 و معرفش يجيب رقم الموتور و جاب المهندس بجلاله قدرة و بردو معرفش كانت فضيحه ان المهندس ميعرفش يجيب البصمه و كتب جواب لمرور الجيزة و ختمه استعلام عن الموتور و فى الاخر كلمنا الميكانيكى و قالنا على مكان الرقم ورجعنالو و فى الاخر قال معلش انا اسف شوفتو الفضيحه بتاعه المهندسين - انا بقى رايح بعربيتى اجدد الرخصه وداخل فحص طبعا فعاوز اعرف رقم الموتور فين و بالمرة الشاسيه عشان اشاورلو و اريح دماغى و يا ريت لو صورة

**mr_shims_49** · 27-10-2009 10:26 AM

يانهار اسود مهندس في المرور و مش عارف يجيب رقم موتور

ربنا يخلي الوسطة

**alzelafy** · 27-10-2009 04:55 PM

الواسطه و الميكانيكيه

**M.Hassan47** · 29-10-2009 12:12 AM

صعب ياجماعة جدا اصلا ان حد يوصل لرقم موتور عربية المانى
انا فحصت مرتين وفى المرتين انا اللى قلت لبتاع البصمة على مكان الرقم بعد مابسيبوا ييأس وبعد مابعرفه مكانه بيعانى معاناه ملهاش حل لحد مايجيبوا بالظبط
هو تحت شجرة الميه فى الفارغة وخد بالك مش منحوت جامد لا كتابة على خفيف يعنى لازم فوطة وفيها زيت وتفضل تنضف لحد مايوضح بس هتلاقى كذا حاجز بينك وبين الرقم زى مثلا شجرة الميه ودى مستتحيل تفكها وكمان حساس الحرارة لو شلته من الفيشة هايسهل عليك كتير
والرقم هايبقى فى الغالب عبارة عن تلت حروف انجلش وبعد كده الرقم اللى فى الرخصة وبعديه غالبا صفرين او تلاتة

ويارب الصور توضحلك شوية مع انها مش دقيقة

**mr_shims_49** · 29-10-2009 01:05 PM

الف شكر يا محمد علي المعلومات دي بس انا وانا رايح ارخص العربية ماقبلتنيش المشكلة دي خالص مش عارف هو انا كان معايا واحد بيخلصلي الورق و قالي سيب الكابوت مفتوح و تعالي نخلص اخنا علي ما ياخد رقم الموتور و الشاسيه و بيتهيالي الراجل جاب الرقم بسهولة