احنا عايزين إيه من المرور
طبعآ يا جماعة كلنا بنشتكى من المرور فى بلادنا والطرق السيئة والمشاكل التى لاحصر لها وبنقول ازاى ده يحصل فى مصر والعالم بره غير كده والكلام ده
كل ده طبعآ جميل وكويس وحقنا
بس ليه محدش فكر هو بيدى كام للحكومة وخصوصآ المرور عشان ياخد اللى هو عايزه
يا جماعة احنا عندنا لو قوانين المرور ومخالفاته اطبقت فعليا والله كلنا هنصوت ونشتكى لطوب الارض ويمكن نرمى عربياتنا ونبطل نركبها
هو سؤال لكل اعضاء المنتدى انت كام مرة دفعت المخالفات اللى عليك بالكامل من غير ما تعمل عليها خصومات
يعنى مثلا واحد مخالفاته الف جنيه يخش للظابط يخليها ميه وهكذا
طب بالامانة ده تلاقيه فين برة مصر
انا فاكر فى الكويت كانت مخالفة كسر الاشارة 50 دينار يعنى الف جنيه دا غير لو تكرر الموضوع ممكن يوصل للحبس ووقفك عن السواقة طبعا فترة معينة
صحيح عمار يامصر
بس ياجماعة زى مابيقولو الكلام المكتوب قد لا يعبر عن راى صاحبه لان انا مظنش ان ده ممكن يبقى رأيى بس هى وجهة نظر انا حبيت اطرح الموضوع واسمع ردودكم
-------------------
برجاء عدم استخدام اللون الأحمر
و مراجعة قواعد المنتدى
مشرف القســـــــــــــــم العــــــــــــــــــــــ ام
Re: احنا عايزين إيه من المرور
[quote="KiNgMaX"]
اقتباس:
بس ليه محدش فكر هو بيدى كام للحكومة وخصوصآ المرور عشان ياخد اللى هو عايزه
يا صديقي أحنا بندي للحكومه إللي هيه عاوزاه وأكتر وأكيد حضرتك مابتدفعش ضرايب عشان كده فاكر إن أحنا عايشين على قفا الحكومه
أنا هاصور لحضرتك شيكات المرتب بتاعتي وأحطهالك عشان تشوفها بنفسك وتعرف إن الحكومه بتاخد مني ما يقرب من 25 ألف جنيه سنويا يعني اكتر من ألفين جنيه شهريا ضرائب وغيري وغيري كتير جدا بيدفعوا ضرايب اكتر من كده بكتير جدا
وحتى الموظفين الصغار إللي باخدو ألف جنيه في الشهر بيدفعوا ضرائب حوالي 100جنيه شهريا يعني كله بيدفع والحكومه مش بتجبي علينا وكنها بتخصص الميزانيات بطريقه خطا يبقى مش مشكلتنا احنا
احنا بندفع الضرائب للحكومه وهيه تفرقها بمعرفتها على الوزارات لكن مش هانمشي أحنا نوزع الضرائب بتاعتنا على كل وزاره وهيئه في مصر
لنا الله يا مصر